Қазақстан Республикасының Қаржы нарығын реттеу және дамыту агенттігі «Қазақстан Республикасының кейбір заңнамалық актілеріне қаржы нарығын реттеу мен дамыту, микроқаржылық қызмет және салық салу мәселелері бойынша өзгерістер мен толықтырулар енгізу туралы» 2019 жылғы 3 шілдедегі № 263 ҚР Заңына сәйкес Агенттік бұрын Қазақстан Республикасы Ұлттық Банкінің атынан басқа мемлекеттердің орталық банктерімен, бақылау және қадағалау органдарымен, халықаралық және өзге де ұйымдармен ынтымақтастық туралы және банк қызметін, сақтандыру нарығына қатысушылардың, бағалы қағаздар нарығы субъектілерінің және микроқаржылық қызметті жүзеге асыратын ұйымдардың қызметін бақылау және қадағалау функцияларын жүзеге асыру үшін қажетті ақпарат, оның ішінде бағалы қағаздар нарығындағы коммерциялық құпияны, банктік құпияны, сақтандыру құпиясын немесе заңмен қорғалатын өзге де құпияны құрайтын құпия ақпарат алмасу туралы жасалған халықаралық шарттар және келісімдер бойынша құқықтық мирасқоры болып табылады.
Қазіргі уақытта Қазақстан Республикасының Қаржы нарығын реттеу және дамыту агенттігі 44 халықаралық келісімдер, шарттар, меморандумдардың қатысушысы болып табылады.