Дэвид Дегтярев екінші рет парапауэрлифтинг бойынша әлем чемпионы атанды

Ақмолалық әлем біріншілігін екінші рет жеңіп алды, онда 80 елден келген спортшылар өнер көрсетті.

Біріккен Араб Әмірліктерінде, Дубай қаласында парапауэрлифтингтен әлем чемпионаты өтуде. Тұғырға 80 елдің 600-ден астам өкілі шықты.

ҚР еңбек сіңірген спорт шебері, Ақмола облысының спортшысы Давид Дегтярев ұлттық құрама сапында 54 кг салмақ дәрежесінде тірек-қимыл аппараты зақымданған спортшылар арасында алтын медаль жеңіп алды.

Қазақстан Республикасының еңбек сіңірген жаттықтырушысы Юрий Колесниковтың айтуынша, Давид салмағы 180 кг штанганы көтеріп, екі дүркін әлем чемпионы атанды.