Елбасы бізбен бірге

Елбасының үндеуi — Тұңғыш Президентiмiз үнемi халықпен бiрге және оларға қиын-қыстау кезеңiнде әрдайым қол ұшын беруге әзiр екенiн көрсетедi.

Елбасы өзiнiң Қазақстан халқына жолдаған үндеуiнде қазақстандықтарды әлемде болып жатқан қилы өзгерiстер барысында әркiм сабырға келiп, өзiнiң орнын табу керек екенiне назар аударып, өмiрде болып жатқан ақиқаттарға бойсынуға және өзiнiң, қоршаған ортаның денсаулықтарына асқан жауапкершiлiкпен қарауға шақырды.

Расымен де, коронавирус пандемиясы төрткүл дүниенi дүр сiлкiндiрiп қана қоймай, адам өзiнiң өзiмшiлдiгiн қойып, бiр-бiрiне жақынырақ болу керектiгiн көрсеттi. Нұрсұлтан Әбiшұлы өз мақаласында адам бәрiн өзiнен бастау керек аңғартып, сонымен қатар, өзiнiң құндылықтарын ой елегiнен өткiзгендерi жөн екенiн тiлге тиек еттi.

Қазiргi уақытта коронавирус дертiнен құтылу — әлем бойынша жалғыз, әрi өзектi мәселе болып отыр, бiз бәрiмiз бұл мәселеге салқынқандылық танытып, қайсарлығымызды көрсеткенiмiз абзал. Бұл ретте, ұлт бiрлiгi — ел амандығының кепiлi.

Зере Қиықова Қазақстан халқының Ақмола ассамблеясының Аналар кеңесiнiң төрайымы