Ақмола облысының 2022 жылғы қаңтар-қазандағы даму қорытындылары

Облыс аумағының ауданы 146,2 мың ш.км құрайды.

01.10.2022ж. халық саны – 786 мың адам, оның ішінде қалалық - 440,6 мың адам (56,1%).

Облыс 17 ауданнан, 3 облыстық және 8 аудандық маңызы
бар қалалардан тұрады. Ұлттық құрамы: қазақтар – 52,8%, орыстар – 31,9%, басқалар – 15,3%

  1. Өнеркәсіп өнімін өндіру көлемі 1 186,3 млрд. теңгені құрады,

НКИ – 2021 жылғы деңгейге 108,8%.

Индустрияландыру картасын іске асыру кезеңінде
(2010-2021 жылдар) 428,8 млрд. теңгеге 112 жоба іске асырылды,
11 мың жұмыс орны құрылды. 2022 жылы индустрияландырудың бірыңғай картасы шеңберінде 1 927 жаңа жұмыс орнын құрумен 165,1 млрд. теңгеге 8 жобаны іске асыру жоспарланған, оның ішінде 133,2 млрд. теңгеге 4 жоба пайдалануға берілді, 1 291 жаңа жұмыс орны құрылды.

  1. Ауыл шаруашылығының жалпы өнім көлемі 973,6 млрд. теңгені құрады, НКИ – 2021 жылдың деңгейіне 118,8%.
  2. Жұмыс істеп тұрған ШОБ субъектілерінің саны 53,1 мың бірлікті құрады, бұл 2021 жылғы көрсеткіштен 9,3%-ға жоғары.

«Бизнестің жол картасы-2025» бағдарламасын іске асыруға
2022 жылы (01.10.2022ж. жағдай бойынша) 8,3 млрд. теңге бағытталды, оның ішінде субсидиялауға – 5,4 млрд. теңге, кредиттерге кепілдік беруге – 1,8 млрд. теңге, гранттық қаржыландыруға – 139 млн. теңге, өндірістік инфрақұрылымды жүргізуге – 921,6 млн. теңге.

  1. Негізгі капиталға салынған инвестициялар көлемі 6,5%-ға ұлғайып, 465,3 млрд. теңгені құрады.

Құрылыс жұмыстарының көлемі 185,8 млрд. теңгеге дейін өсті немесе 2021 жылғы көрсеткішке қарағанда 126,8%. 539,9 мың ш.м тұрғын үй пайдалануға берілді (өсім 11,8%).

  1. Жұмыссыздық деңгейі (2022 жылғы 3 тоқсанда) - 4,8%. Жастар арасындағы жұмыссыздық (15-28 жас аралығында) – 3,2% (2022 жылғы
    3 тоқсанда)    . Өзін-өзі жұмыспен қамтығандар-экономикалық белсенді халықтың 28,6%-ы (120 мың адам).

Орташа айлық атаулы жалақы 2022 жылғы қаңтар-қыркүйекте 240,6 мың теңгені құрады, бұл 2021 жылғы деңгейден 23,1%-ға жоғары.

Тұтыну бағаларының индексі 117,5%-ды, оның ішінде
азық-түлік тауарларына - 121,8%-ды құрады.

  1. 2022 жылға арналған облыс бюджеті - 493,7 млрд. теңге (республикалық бюджеттен трансферттер, субвенциялар - 67,7%).

2022 жылдың 1 қарашасына 385,4 млрд. теңге немесе қаржыландыру жоспарына 97,8% игерілді.

Мемлекеттік бюджетке 260,2 млрд. теңге салық және басқа
да міндетті төлемдер түсті немесе болжамға 104,8%, оның ішінде республикалық бюджетке – 148,3 млрд. теңге (болжамға 102,3%), жергілікті бюджетке – 111,9 млрд. теңге (болжамға 108,4%) түсті.

  1. 2022 жылы әлеуметтік салаға 221,8 млрд. теңге (облыс бюджетінің 44,9%), оның ішінде білім беруге – 177,4 млрд. теңге (35,9%), денсаулық сақтауға – 5,7 млрд. теңге (1,1%) қарастырылған.

2 жастан 6 жасқа дейінгі балаларды мектепке дейінгі білім берумен қамту – 86%.

Аршалы ауданында (Жалтыркөл ауылы), Біржан сал ауданында (Бұланды ауылы), Сандықтау ауданында (Петровка ауылы), Целиноград ауданында (3 жоба: Өтеміс, Шұбар, Жаңажол ауылдары), Степногорск қаласында (Бестөбе кенті), Қосшы қаласында
(1 нысан), Көкшетау қаласында (2 нысан) 10 мектептің құрылысы бойынша жобаларды іске асыру жалғасуда, сонымен бірге,
5 балабақша: Қоянды ауылы Целиноград ауданында, Қосшы қаласында және Көкшетау қаласында (3 нысан), мектептерге
2 қосымша құрылыс: Ақкөл ауданында (Ақкөл қаласындағы №4 мектеп) және Көкшетау қаласында (№4 арнайы мектеп-интернат). Жібек Жолы ауылында мектеп құрылысы аяқталу сатысында, сондай-ақ ағымдағы жылы Қосшы қаласында 1200 орындық мектеп пайдалануға берілді.

Денсаулық сақтау саласында Целиноград ауданы Қоянды ауылында 50 адам қабылдайтын алғашқы медициналық-санитарлық көмек орталығының құрылысы жалғасуда, Атбасар ауданы Сочинское ауылында медициналық пункт және Новосельское ауылында фельдшерлік-акушерлік пункт құрылысы көзделген. Қосшы қаласында бір ауысымда 100 адам қабылдайтын емхана аяқталу сатысында.

  1. Тұрғын үй-коммуналдық шаруашылық. Қалаларда орталық сумен жабдықтауға - 95,1%, жылумен жабдықтауға - 68,6% қолжетімділік. Ауылдарда орталық сумен жабдықтауға қол жеткізу -89,3%.

2022 жылы сумен жабдықтау және су бұру жүйелерін дамытуға 17,3 млрд. теңге бөлінді. Қаражат 18 құрылысқа (8,3 млрд.теңге) және 24 объектіні қайта жаңартуға (6,9 млрд. теңге), 11 жоба бойынша ЖСҚ әзірлеуге (95,4 млн. теңге), іздеу-барлау жұмыстарына (769,9 млн. теңге), 32 объектіні ағымдағы жөндеуге (1,2 млрд. теңге) бағытталды.

  1. Қоғамдық қауіпсіздік. 2022 жылғы қаңтар-қазанда ауыр қылмыстардың 12,3%-ға төмендегені байқалды, оларды ашу бойынша 65,3%-ды құрады.
    Аса ауыр қылмыстар саны 13,2%-ға өсті (аса ауыр қылмыстардың ашылуы – 93,2%).
Дата публикации
01 ноября 2022