Меню
Облыста барлық меншік нысанындағы 596 мәдениет нысаны жұмыс істейді, оның ішінде 594 мемлекеттік, оның ішінде:
251 мемлекеттік клубтық кәсіпорын оның ішінде 232 ауылда,
329 мемлекеттік кітапхана, оның ішінде 286 ауылда,
2 мемлекеттік театр;
1 мемлекеттік Үкілі Ыбырай атындағы филармония,
14 музей, оның ішінде 2 ауылда,
1 тарихи-мәдени мұраны қорғау және пайдалану орталығы,
1 Халық шығармашылығы және мәдени демалыс орталығы.
Мәдениет саласын қаржыландыруға 2025 жылы 17,5 млрд. теңге бөлінді. Оның ішінде облыстық бюджеттен – 6,8 млрд теңге, аудандық бюджеттен – 10,6 млрд теңге.
Соңғы 4 жылда мәдениет нысандарында 32 күрделі және 51 ағымдағы жөндеу жүргізілді, 3 нысан салынды, 3 қайта құру жүргізілді, 11 БМК (блокты-модульді қазандықтар) орнатылды.
2025 жылы мәдениет объектілерінің инфрақұрылымын дамыту және жаңғыртуға 3,5 млрд теңге бөлінді, оның ішінде: 11 нысанның құрылысына – 2,2 млрд теңге, 1 нысанды қайта жаңғыртуға – 150 млн теңге, 6 нысанға күрделі жөндеу жүргізуге – 1,1 млрд теңге, 1 нысанға ағымдағы жөндеу жүргізуге – 13,8 млн теңге.
Ақмола облысының мәдени-демалыс ұйымдары бойынша 2025 жылы 5 құрылыс жобасы аяқталды:
- Бурабай ауданының Щучинск қаласында 400 орындық аудандық мәдениет үйінің құрылысы. Келісімшарттар бойынша құны – 1 579,3 млн теңге.
- Аршалы ауданы Жібек жолы ауылында демалыс орталығының құрылысы. Келісімшарттар бойынша құны – 838,8 млн теңге.
- Степногорск қаласына қарасты Қарабұлақ ауылында мәдениет үйінің құрылысы. Келісімшарттар бойынша құны – 713,9 млн теңге.
- Бурабай ауданы Кенесары ауылында 120 орындық клуб құрылысы. Жобаның құны – 539,3 млн теңге.
- Бұланды ауданы Вознесенка ауылында мәдениет үйінің құрылысы. Келісімшарттар бойынша құны – 693,7 млн теңге.
Сондай-ақ, 5 жөндеу жобасы аяқталды:
- Аршалы ауданы Анар ауылдық клубы – келісімшарттар бойынша құны 293 000,0 мың теңге.
- Есіл ауданы Свободное ауылының мәдениет үйі – 201 100,0 мың теңге.
- Шортанды ауданы Жолымбет кентінің мәдениет үйі – 304 000,0 мың теңге.
- Бурабай ауданы Үрімқай ауылдық мәдениет үйі – 272 000,0 мың теңге.
- Театрлар бойынша 2025 жылы Ақмола облыстық орыс драма театрының екі кабель желісіне ағымдағы жөндеу жүргізіліп, келісімшарттар бойынша құны 13,8 млн теңгені құрады
Қазақстан Республикасы Үкіметінің 2014 жылғы 24 ақпандағы
№ 138 қаулысымен бекітілген Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағидаларына сәйкес, кенттерге, ауылдық округтерге, ауылдарға, аудандық маңызы бар қалаларға, елді мекендердің құрамдас бөліктеріне атау беру және оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеруді жергілікті атқарушы органдар мен кенттердің, ауылдық округтердің, ауылдардың, аудандық маңызы бар қалалардың әкімдері жергілікті қоғамдастық жиналыстарын өткізу арқылы ұйымдастырады.
Ауылдарға, кенттерге, ауылдық округтерге, аудандық маңызы бар қалаларға, елді мекендердің құрамдас бөліктеріне атау беру және оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру үшін жергілікті атқарушы органдар ауылдардың, кенттердің, ауылдық округтердің, аудандық маңызы бар қалалардың әкімдерімен бірлесе отырып:
1) жергілікті қоғамдастық жиналысын өткізу мерзімін анықтайды және оның өткізілетін күніне дейін күнтізбелік отыз күннен кешіктірмей өздерінің интернет-ресурсында орналастырылады (бар болса) және тиісті аумақта таралатын бұқаралық ақпарат құралдарында жиналыстың күн тәртібі, өткізілетін күні, орны және уақыты көрсетілген хабарландыру орналастырады;
2) өздерінің интернет-ресурстарында (бар болса) және бұқаралық ақпарат құралдарында қажетті құжаттар мен материалдарды орналастырады.
Ауылдарға, кенттерге, ауылдық округтерге, аудандық маңызы бар қалаларға, елді мекендердің құрамдас бөліктеріне атау беру және оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру ашық дауыс беру арқылы жүзеге асырылып, оның қорытындысы бойынша шешім қабылданады. Дауыс беру қорытындысы жиналыс өткен жерде жарияланып, хаттамамен ресімделеді.
Хаттамада «қолдап» немесе «қарсы» дауыс бергендердің жалпы саны көрсетіледі. Хаттамаға жергілікті қоғамдастық жиналысына қатысқандардың тізімі қоса тіркеледі.
Жергілікті қоғамдастық жиналысының хаттамалары ол өткізілгеннен кейін жеті жұмыс күні ішінде жергілікті атқарушы органдардың интернет-ресурстарында (бар болса) және тиісті әкімшілік-аумақтық бірліктің аумағында таралатын бұқаралық ақпарат құралдарында жарияланады.
Жергілікті өкілді және атқарушы органдар тиісті аумақ халқының пікірін ескерудің қорытындысы бойынша бірлескен шешіммен тиісті ономастика комиссияларының қарауына ауылдарға, кенттерге, ауылдық округтерге, елді мекендердің құрамдас бөліктеріне атау беру және оларды қайта атау, сондай-ақ олардың атауларының транскрипциясын нақтылау мен өзгерту бойынша ұсыныс енгізеді.
Ауылдардың, кенттердің, ауылдық округтердің, аудандық маңызы бар қалалардың әкімдері тиісті аумақ халқының пікірін ескеру қорытындысы бойынша аудандық жергілікті атқарушы органдарға елді мекендердің құрамдас бөліктеріне атау беру және оларды қайта атау, сондай-ақ олардың атауларының транскрипциясын нақтылау мен өзгерту бойынша ұсыныс енгізеді.
Аудандық жергілікті атқарушы органдар тиісті ономастикалық комиссиялардың қарауына ауылдардың, кенттердің, ауылдық округтердің, аудандық маңызы бар қалалардың елді мекендердің құрамдас бөліктеріне атау беру және оларды қайта атау, сондай-ақ олардың атауларының транскрипциясын нақтылау мен өзгерту бойынша ұсыныс енгізеді.