2025 жылғы 19 қаңтарда Костычево сайлау округі бойынша Жарқайың ауданының Костычево ауылдық округінің әкімін сайлау өтті.
«Қазақстан Республикасындағы сайлау туралы» Қазақстан Республикасы Конституциялық заңы 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, Жарқайың ауданының Костычево ауылдық округінің әкімі сайлауының қорытындысы туралы учаскелік сайлау комиссияларының хаттамасы негізінде Жарқайың аудандық аумақтық сайлау комиссиясы сайлау қорытындыларын анықтады:
Костычево сайлау округі
Костычево ауылдық округінің әкімінің сайлауы бойынша:
Сайлау округі бойынша сайлаушылар тізіміне 348 азамат енгізілді, оның ішінде дауыс бергені 248. Жарамсыз деп танылған бюллетеньдер саны – 0, «Барлығына қарсы» белгісі бар – 11.
Әр кандидат үшін берілген дауыс саны:
А.О.Әбілге – 23; Ғ.Ә.Байділдинге– 192; С.Ж.Дүзелбаеваға – 22.
Костычево ауылдық округінің әкімі болып Байділдин Ғафурбек Әнәпияұлы, 1970 жылы туған, Костычево ауылының тұрғыны, «Костычево ауылдық округі әкімінің аппараты» ММ әкімі, «AMANAT» партиясы ұсынған.
Жарқайың аудандық сайлау комиссиясы