АСТАНА. ҚазАқпарат - Қасым-Жомарт Тоқаев Қазақстан Республикасының президенттігіне кандидат ретінде Республикалық қоғамдық штабқа барды, деп хабарлайды ҚазАқпарат.
Президенттікке кандидат Қасым-Жомарт Тоқаевтың 227 қоғамдық қабылдауы ашылған. Сайлаушылар ұсыныс, тілектері сол орындарда қабылданады. Бірінші күннің өзінде 100-ге жуық өтініш түскен.
Кезектен тыс президенттік сайлауға Қ.Тоқаевты үміткер ретінде халық коалициясы ұсынған болатын. Коалицияға түрлі партиялар, қоғамдық бірлестіктер енді. Кандидаттың ел өңірлерінде 227 қоғамдық қабылдауы құрылды. Олар сайлаушылардың ұсыныс-тілектерін қабылдап жатыр. Бірінші күні-ақ қазақстандықтардан 100-ден астам өтініш келіп түсті.
Президент Қасым-Жомарт Тоқаевтың Жарлығымен Қазақстан президентін сайлау 20 қарашада өтеді. ҚР Орталық сайлау комиссиясы кандидаттарды тіркеуді аяқтады. Үміткерлер қазір үгіт-насихат жұмыстарын жүргізіп жатыр.