ХАБАРЛАМА
2022 жылғы 28 тамызда Жақсы ауданы Жаңақима ауылдық округі әкімінің сайлауы бір сайлау округі бойынша өтті.
Жақсы аудандық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, Жақсы ауданы Жаңақима ауылдық округі әкімі сайлауы нәтижелері туралы учаскелік сайлау комиссияларының хаттамалары сәйкес сайлау қорытындыларын белгіледі:
Жаңақима ауылдық округі әкімінің сайлауы бойынша сайлау округі:
Сайлау округі бойынша сайлаушылар тізіміне 1584 азамат енгізілді, олардың 1362-і дауыс берді. Жарамсыз бюллетеньдер саны – 10, «Барлығына қарсы» деген жолда белгі қойылған - 15.
Әрбір кандидат үшін берілген дауыстар саны:
Балацкая Т.В.- 156; Кантарбаева А.С.- 100; Серікбаев Е.А. -1081.
Жаңақима ауылдық округінің әкімі болып Ерлан Әшімұлы Серікбаев сайланды, 1965 жылы туған, Жақсы ауданы Чапай ауылының әкімі, Беловод ауылының тұрғыны, «AMANAT» партиясынан ұсынылды.
Жақсы аудандық сайлау комиссиясы Қазақстан Республикасының «Қазақстан Республикасындағы сайлау туралы» Конституциялық Заңының 45-бабына сәйкес 2022 жылғы 28 тамыздағы шешімімен 2022 жылдың 28 тамызындағы сайланған Жақсы ауданының Жаңақима ауылдық округі әкімін тіркеді.
Жақсы аудандық аумақтық сайлау комиссиясы