2021 жылғы мемлекеттік қызмет көрсету мәселелері жөніндегі
«Жақсы ауданы әкімінің аппараты» ММ-нің қызметі туралы
ЕСЕП
«Жақсы ауданы әкімінің аппараты» ММ мемлекеттік қызметтің 9 түрін көрсетеді: «Жер учаскесінің нысаналы мақсатын өзгертуге шешім беру», «Іздестіру жұмыстарын жүргізу үшін жер учаскесін пайдалануға рұқсат беру», «Ауыл шаруашылығы алқаптарын бір түрден екінші түрге ауыстыруға түпкілікті шешім беру», " Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу», «Жер учаскесін жеке меншікке ақысын бірден төлеп не бөліп төлеу арқылы сату», «Жер учаскесін алу үшін кезекке қою», «Объектілерді кейіннен кәдеге жарату (құрылыстарды бұзу) жөніндегі жұмыстар кешенін жүргізуге рұқсат беру», «Әскерге шақыруды кейінге қалдыру», «Азаматтарды әскери қызметке шақырудан босату».
2021 жылы 61 мемлекеттік қызмет көрсетілді. Мемлекеттік қызмет көрсетуден дәлелді бас тарту – 1, электрондық түрде берілгені – 1 (жер учаскелеріне құқықтарды алу), қағаз түрінде берілгені – 0.
Мемлекеттік қызметтерді ақпараттандыру және сапалы орындау үшін әлеуметтік желілерде мемлекеттік мекеме көрсететін мемлекеттік қызметтерді алу тәртібі туралы тікелей эфирлер өткізілді.
Құжаттар топтамасын, мемлекеттік қызмет көрсету тәртібін, мемлекеттік қызмет көрсету мерзімдерін қабылдау кезінде бұзушылықтарға жол берілген жоқ. «Жақсы ауданы әкімінің аппараты» ММ-не мемлекеттік қызмет көрсету бойынша шағымдар түскен жоқ.
Барлық ескертулерді Жақсы ауылы, Дружба көшесі, 3 мекенжайы бойынша орналасқан «Жақсы ауданы әкімінің аппараты» ММ-не немесе аудан әкімі аппаратының электрондық поштасына жіберуге болады. Байланыс телефоны: 871635-21261.