ГААГА. ҚазАқпарат – Нидерланды коронавирусқа қарсы вакциналау қарқынын арттырып жатыр, деп хабарлайды ҚазАқпарат меншікті тілшісі.
Нидерландының денсаулық сақтау министрлігінің мәліметінше, қазіргі уақытта елде 8 миллионнан астам вакцина салынды. Олардың 5,5 млн дозасы жергілікті вакциналау орталықтарында жасалды. Тек өткен аптаның өзінде халыққа 1 миллионға жуық доза салынды. Қазіргі уақытта бір аптада бұл сан 2 миллионға дейін артуы тиіс. Бұл кезеңде вакцинация орталықтарына 53-54 жастағы тұрғындар шақырылады. Осы жас санатына 507 мың адам кіреді, олардың 425 мыңға жуығына вакцина әлі егілмеген. Жалпы, Нидерландыда коронавирус жұқтырғандар статистикасы төмендеуде: 21 мамырда күніне 4219 жаңа КВИ жағдайы тіркелді, бұл алдыңғы күнмен салыстырғанда 433-ке аз. Осылайша, өткен аптада ауруға шалдығушылардың орташа саны алдыңғы жеті күндік кезеңдегі салыстырғанда тәулігіне 4367-ге дейін төмендеген. Өткен аптада бұл көрсеткіш 6202 болған.