НҰР-СҰЛТАН. ҚазАқпарат - Елордадағы тағы екі сауда үйінде вакцина егетін пункттер ашылды, деп хабарлайды ҚазАқпарат тілшісі елорда әкімдігінің баспасөз қызметіне сілтеме жасап.
7 мамырдан бастап елордада тағы екі сауда үйінде қала тұрғындарына коронавирус инфекциясына қарсы вакцина еге бастайды. Вакцина егу орындарын «Артем» және «Әлем» ірі сауда нүктелері толықтырды. Қоғамдық денсаулық сақтау департаменті қаланың халық көп шоғырланған аумағында орналасқан осы сауда үйлерінде вакцина егу орындарының ашылуы оң жағалау тұрғындарына вакцина алуға қолайлы жағдай туғызатынын атап өтті. «Жаңа пункттерде күту бөлмелері мен бақылау орындары ұйымдастырылды, вакцина алған адам міндетті түрде 30 минут бойы бақылауда болуы керек. Азаматтардан осы маңызды нәрсені ұмытпауды және вакцина алуға қатысты барлық талапты орындауды сұраймыз», - дейді Қоғамдық денсаулық сақтау басқармасындағылар. Еске сала кетейік, халықты вакцинамен кең қамту үшін Алтай қаласының әкімі Көлгіновтің тапсырмасы бойынша вакциналау пункттерінің санын үш есеге ұлғайтты. Бүгін елордада вакцина алу пункттері «Mega Silk Way», «Керуен», «Хан Шатыр», «Абу-Даби Плаза» және «Азия Парк» сауда орталықтарында ашылды. Демалыс күндері Үлкен Шанхай мен Орталық базарда вакцинация пункттері ұйымдастырылды.