Жұмылдыру жарияланған кездегі азаматтардың іс-қимыл тәртібі

     Жақсы ауданының әкімдігі халықтың құқықтық сауаттылығын арттыру және Қазақстан Республикасының жұмылдыру дайындығы және жұмылдыру саласындағы заңнамасының талаптарын түсіндіру мақсатында жұмылдыру жарияланған кездегі азаматтардың іс-қимыл тәртібі туралы хабардар етеді.

Жұмылдыру дегеніміз не?

 

Жұмылдыру - бұл мемлекеттік органдарды, ұйымдарды, Қарулы Күштерді, басқа да әскерлер мен әскери құралымдарды, Қазақстан Республикасының халқын, аумағын және экономикасын әскери жағдай режиміне (жалпы жұмылдыру) немесе олардың қандай да бір бөлігін (ішінара жұмылдыру) ауыстыруға байланысты жалпымемлекеттік іс-шаралар кешені.

      Азаматтарды жұмылдыру бойынша әскери қызметке шақыру Қазақстан Республикасы Президентінің ішінара немесе жалпы жұмылдыру жариялау туралы Жарлығы негізінде және заңнамада белгіленген тәртіппен жүзеге асырылады.

 

Кімдер шақырылады?

 

Жұмылдыру жарияланған кезде заңдарда және жұмылдыру жоспарларында айқындалған азаматтар, оның ішінде әскери есепте тұрған әскери міндеттілер әскерге шақырылуға жатады.

       Түсіну маңызды: жұмылдыру туралы хабарландыру барлық азаматтарды автоматты түрде шақыруды білдірмейді. Азаматтардың нақты санаттары, оларды шақыру саны мен тәртібі Қазақстан Республикасы Президентінің тиісті Жарлығымен және уәкілетті мемлекеттік органдардың шешімдерімен айқындалады.

       Мұндай іс-шаралардың тәртібі мен мерзімдерін уәкілетті органдар заңнамаға және жұмылдыру жоспарларына сәйкес айқындайды.

 

Азаматтардың міндеттері

 

      «Жұмылдыру дайындығы және жұмылдыру туралы" Қазақстан Республикасының Заңына сәйкес азаматтар мемлекеттің жұмылдыру әзірлігін қамтамасыз ету мақсатында:

    - тұрғылықты жері бойынша әскери есепте тұруға;

    - заңнамада белгіленген тәртіппен әскери билеттің не тіркеу туралы куәліктің болуы;

   - өзінің әскери қызметке тағайындалуын айқындау үшін жергілікті әскери басқару органдарына шақыру бойынша келуге;

   - жұмылдыру ұйғарымдары мен күн тәртібінің талаптарын орындау;

   - заңда көзделген жағдайларда қорғаныс мұқтаждары үшін жер учаскелерін, ғимараттарды, құрылыстарды, көлік құралдарын және басқа да мүлікті кейіннен белгіленген тәртіппен мемлекет олардың құнын баламалы өтей отырып беруге міндетті.

 

Жұмылдыру жарияланғанда азаматтар орындауы тиіс:

1. Сабырлы болу және ресми ақпаратты қадағалау.
2. Әскери есепке алу деректерінің өзектілігін тексеру.
3. Шақыру қағазын немесе жұмылдыру нұсқамасын алған кезде көрсетілген талаптармен мұқият танысу.
4. Белгіленген уақытта және жерде келу.
5. Өзіңізбен бірге қажетті құжаттардың болуы.
6. Жергілікті әскери басқару органының заңды талаптарын орындау.
7. Егер азаматқа заңда белгіленген шектеу қолданылса, тұрғылықты жерінен тиісті рұқсатсыз кетпеу.
8. Жұмылдыру іс-шараларының барысы туралы тексерілмеген ақпаратты таратпау.

 

Есіңізде болсын: белгіленген талаптарды сақтау және мемлекеттік органдардың заңды өкімдерін уақтылы орындау жұмылдыру кезеңінде азаматтардың міндеті болып табылады.

    Материал «Жұмылдыру дайындығы және жұмылдыру туралы» Қазақстан Республикасының 1997 жылғы 16 маусымдағы № 127-1 Заңының негізінде дайындалды.