Қонысбай ауылдық округі әкімінің аппараты

1. Әкімнің аппараты өз қызметін Қазақстан Ренспубликасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы әкімнің аппараты туралы ережеге сәйкес жүзеге асырады.

2. Әкімнің аппараты мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрі мен мөртаңбалары, белгіленген үлгідегі бланкілері, қазынашылық органдарында шоттары болады.

3. Әкімнің аппараты өз атынан азаматтық-құқықтық қатынастарға түседі.

4. Әкімнің аппараты заңнамаға сәйкес мемлекеттің атынан азаматтық-құқықтық қатынастардың тарапы болуға құқылы.

5. Ауылдық округ әкімі өз құзырлығы шегіндегі мәселелер бойынша Қазақстан Республикасының заңнамасымен бекітілген тәртіпте, округ аумағында міндетті күші бар шешімдер мен өкімдер түрінде құқықтық актілер шығарады.

6. Қонысбай ауылдық округ әкімінің аппараты туралы Ережені, оның құрылымын Зеренді ауданының   әкімдігі бекітеді.

7. Қонысбай  ауылдық округ әкімінің аппаратын Зеренді ауданының   әкімдігі құрады, қысқартады және қайта ұйымдастырады.

8. Әкімнің аппараты жергілікті бюджет есебінен ұсталатын мемлекеттік мекеме болып табылады.

9. Әкімнің аппаратына әкім аппаратының функциялары болып табылатын міндеттерді орындау тұрғысынан кәсiпкерлiк субъектiлерімен шарттық қатынастарға түсуге жол берілмейді.