Бұлақ ауылдық округі әкімінің аппараты

Ауылдық округ әкімінің аппараты мемлекеттік мекемесі ауылдық округ әкімінің қызметін қамтамасыз ететін және Қазақстан Республикасының заңнамасында көзделген өзге де міндеттемелерді жүзеге асыратын мемлекеттік мекеме болып табылады. Әкім аппараты өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік актілерге, сондай-ақ әкім аппараты туралы Ережеге сәйкес жүзеге асырады. Әкім аппараты мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрлері мен мөртаңбалары, белгіленген үлгідегі бланкілері, қазынашылық органдарында шоттары болады. Әкім аппараты өз атынан азаматтық-құқықтық қатынастарға түседі. Әкім аппаратының заңнамаға сәйкес мемлекет атынан азаматтық-құқықтық қатынастардың тарапы болуға құқығы бар. Ауылдық округ әкімінің аппараты туралы ережені, оның құрылымын аудан әкімі бекітеді. Мемлекеттік органның толық атауы - "Зеренді ауданы Бұлақ ауылдық округі әкімінің аппараты" мемлекеттік мекемесі. Заңды мекенжайы: 021212, Қазақстан Республикасы, Ақмола облысы, Зеренді ауданы, Еленовка ауылы, Абылай хан көшесі, 38. Ауылдық округ әкімінің аппаратын аудан әкімдігі құрады ,таратады және қайта ұйымдастырады. Әкім аппараты жергілікті бюджет есебінен ұсталатын мемлекеттік мекеме болып табылады. Әкім аппаратына кәсіпкерлік субъектілерімен әкім аппаратының функциялары болып табылатын міндеттерді орындау тұрғысында шарттық қатынастарға түсуге тыйым салынады.