1) көрсетілетін қызметті беруші туралы мәліметтер
«Ақмола облысының денсаулық сақтау басқармасы» ММ (бұдан әрі-Басқарма). Халықтың денсаулығын сақтауды, азаматтар үшін сапалы медициналық қызметтер көрсетуді қамтамасыз ететін мемлекеттік қызметті іске асырады. Денсаулық сақтау басқармасының 2020 жылғы Мемлекеттік қызмет көрсету мәселелері жөніндегі қызметі туралы есебінде облыстың медициналық ұйымдары көрсеткен мемлекеттік қызметтер бойынша мәліметтер енгізілген.
2) мемлекеттік көрсетілетін қызметтер туралы ақпарат:
Ақмола облысы денсаулық сақтау басқармасымен және облыстың медициналық мекемелерімен бекітілген Мемлекеттік қызметтер тізіліміне сәйкес мемлекеттік қызметтердің 27 түрі көрсетіледі, оның ішінде 19 мемлекеттік қызмет денсаулық сақтау жүйесіне жатады, 8 мемлекеттік қызмет білім беру жүйесіне жатады («Көкшетау жоғары медициналық колледжі» МКҚК»);
- ақылы негізде 27 мемлекеттік қызметтен 2 қызмет көрсетіледі («алдын ала міндетті медициналық тексеруден өту», « көлік құралын басқаруға рұқсат беру туралы анықтама беру»);
- Мемлекеттік қызмет көрсету тәртібін анықтайтын 27 заңға тәуелді нормативтік құқықтық актілер бекітілді.
2020 жылы Ақмола облысының денсаулық сақтау басқармасы және оның ведомстволық бағынысты ұйымдары 4 896 922 мемлекеттік қызмет көрсетті, оның ішінде:
- электрондық үкімет порталы арқылы www.egov.kz, www.elicense.kz) – 49 673;
– көрсетілетін қызметті берушінің ақпараттық жүйелері арқылы электрондық түрде - 4 801 436;
– қағаз түрінде көрсетілгендер-45 813.
3) неғұрлым сұранысқа ие мемлекеттік көрсетілетін қызметтер туралы ақпарат.
Неғұрлым сұранысқа ие мемлекеттік қызметтер – «дәрігердің қабылдауына жазылу», «Дәрігерді үйге шақыру», жедел медициналық көмекті шақыру», «азаматтардың жекелеген санаттарына дәрілік заттарды, мамандандырылған емдік өнімдерді, медициналық мақсаттағы бұйымдарды ұсыну», «медициналық-санитариялық алғашқы көмек көрсететін медициналық ұйымға тіркеу», «еңбекке уақытша жарамсыздық парағын беру», «еңбекке уақытша жарамсыздық туралы анықтама беру».
1) Мемлекеттік қызметтер көрсету тәртібі туралы ақпаратқа қол жеткізу көздері мен орындары туралы мәліметтер:
Мемлекеттік көрсетілетін қызметтердің қолжетімділігі мақсатында Мемлекеттік қызмет көрсету тәртібі туралы ақпарат Ақмола облысы денсаулық сақтау басқармасының ресми сайтында орналастырылған https://www.gov.kz/memleket/entities/aqmola-zdravи Ақмола облысының медициналық ұйымдарының ресми интернет-ресурстарында көрсетілетін қызметті алушылар үшін барлық қажетті ақпарат осы ұйымдардың стендтерінде, сондай-ақ мемлекеттік қызметтер көрсету мәселелері жөніндегі Бірыңғай байланыс орталығының 1414 телефоны бойынша орналастырылған.
2) мемлекеттік қызметтер көрсету тәртібін айқындайтын заңға тәуелді нормативтік құқықтық актілердің жобаларын жария талқылау туралы ақпарат:
Жария талқылау үшін мемлекеттік органдардың қызметі туралы есептер Ақмола облысы денсаулық сақтау басқармасының және Ақмола облысының медициналық ұйымдарының ресми сайтында орналастырылады, онда әрбір көрсетілетін қызметті алушы есеппен таныса алады және түсініктемелер қалдыра алады.
3) мемлекеттік қызметтер көрсету процесінің ашықтығын қамтамасыз етуге бағытталған іс-шаралар (түсіндіру жұмыстары, семинарлар, кездесулер, сұхбат және басқалар):
Instagram Facebook әлеуметтік желілерінде 2020 жылдың 12 айында мемлекеттік қызмет көрсету сапасын арттыру бойынша 107 түсіндіру іс-шаралары өткізілді, оның ішінде: семинар – кеңестер, мемлекеттік қызмет көрсету сапасы мәселелері бойынша – 45, теледидар – 2, газеттерде және басқа да баспа басылымдарында - 6, (бетте 1000 жазылушы бар) - 59. Барлығы 170 000-нан астам адам қамтылды.
1) Мемлекеттік қызметтер көрсету процестерін оңтайландыру және автоматтандыру нәтижелері.
Осыған байланысты, 2020 жылғы 17 қазанда мемлекеттік қызметтер көрсетуді көздейтін мемлекеттік қызметтер тізіліміне өзгеріс енгізілді.
2) мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар.
Ведомстволық бағынысты медициналық ұйымдардың мемлекеттік қызметтерді көрсетуге жауапты қызметкерлері ұйым қаражаты есебінен мамандандырылған біліктілікті арттыру курстарынан өтеді.
3) мемлекеттік қызметтер көрсету процестерін нормативтік-құқықтық жетілдіру.
«Денсаулық сақтау саласында мемлекеттік қызметтер көрсетудің кейбір мәселелері туралы» Қазақстан Республикасы Денсаулық сақтау министрінің 2020 жылғы 18 мамырдағы № ҚР ДСМ-49/2020бұйрығының негізінде, «туберкулезге қарсы ұйымнан анықтама беру», «Психоневрологиялық ұйымнан анықтама беру», «Наркологиялық ұйымнан анықтама беру» мемлекеттік көрсетілетін қызметтердің 3 түрі денсаулық сақтау ұйымдарымен жеке тұлғаларға «электрондық үкімет» www.egov.kz веб-порталы арқылы көрсетеді. 2020 жылғы 21 қыркүйектен бастап «транспланттау мақсатында тіндерді (тіннің бөлігін) және (немесе) ағзаларды (ағзалардың бөлігін) алу мүмкіндігі туралы көзі тірісінде еркін көңіл білдіруіне келісім беруді немесе қайтарып алуды тіркеу» мемлекеттік көрсетілетін қызметі «Электрондық үкімет» порталы арқылы көрсетіледі.
1) Мемлекеттік қызметтер көрсету мәселелері бойынша көрсетілетін қызметті алушылардың шағымдары туралы ақпарат:
2020 жылы Мемлекеттік қызмет көрсетуге шағымдар түскен жоқ.
2) денсаулық сақтау басқармасы бекіткен Қазақстан Республикасының Мемлекеттік қызметтер көрсету саласындағы заңнамасын сақтау мәселесі жөніндегі бақылау іс-шараларының 2020 жылға арналған жоспарына сәйкес 4 бақылау іс-шарасы өткізілді, олардың нәтижелері бойынша ескертулерді жою жөнінде қажетті ұсынымдар жасалды.
Бақылау іс-шаралары барысында басқарма осындай бұзушылықтарды анықтайды:
1) Мемлекеттік қызметтер көрсету саласындағы ақпараттық – түсіндіру жұмыстарының әлсіздігі;
2) есептік деректердің алшақтығы;
3)ресми интернет-ресурстарды сапасыз жүргізу.
Бұзушылықтардың себептерін жою мақсатында мынадай жұмыстар жүргізілді:
- медицина қызметкерлерімен қолданыстағы заңнама нормативтері және мемлекеттік қызмет көрсету ережелері туралы тиісті түсіндіру жұмыстары жүргізілді;
- медициналық ұйымдардың басшыларына қолданыстағы заңнамаға сәйкес мемлекеттік қызмет көрсету сапасын арттыру бойынша бақылауды күшейтуге нұсқау берілді. Аталған бұзушылықтарға жол берген бақылау объектілеріне оларды жою және кінәлі адамдардың жауаптылығын қарау жөнінде ұсынымдар енгізілді.
Қызмет алушылардың мемлекеттік қызмет көрсету сапасына қанағаттануын арттыру мақсатында 2021 жылға келесі іс-шаралар жоспарланды:
Қазақстан Республикасының мемлекеттік қызметтер көрсету саласындағы заңнамасын сақтау мәселесі бойынша 2021 жылға арналған бақылау іс-шараларының жоспары бекітілді.
2020 жылға арналған мемлекеттік қызметтер көрсету сапасына қоғамдық мониторинг ұсынымдарын ескере отырып, мемлекеттік қызметтер көрсету сапасын арттыру жөнінде шаралар қабылдау;
Мемлекеттік қызмет көрсету сапасын арттыру бойынша қабылданып жатқан шаралар туралы кеңес өткізу;
Мемлекеттік қызметтерді уақтылы көрсету бойынша күнделікті мониторинг жүргізу;
мүмкіндігі шектеулі адамдардың мемлекеттік қызметтерді алуы кезінде оларға қажетті жағдайлар жасау (пандустар, шақыру нүктелері);
көрсетілетін қызметті алушылардың шағымдарын уақтылы қарауды қамтамасыз ету, өтініштер үшін негіз болған себептер мен жағдайларды жою бойынша түпкілікті шаралар қабылдау;
халықтың «электрондық үкімет» порталы арқылы танымал әлеуметтік желілер, мерзімді баспа басылымдары арқылы мемлекеттік қызметтерді алу мүмкіндіктері туралы хабардар болуын және уәждемесін күшейтуді қамтамасыз ету;
Мемлекеттік қызмет көрсету сапасын арттыру бүгінгі таңда мемлекеттік басқару жүйесін жетілдірудің маңызды бағыты болып қала береді: мемлекеттік басқаруды жетілдірудің нысаналы көрсеткіштерінің бірі азаматтардың мемлекеттік қызмет көрсету сапасына қанағаттануын арттыру болып табылады. Яғни, «сервистік мемлекет» моделіне көшу міндеті бекітілген, онда мемлекеттік басқару органдары Азаматтар мен ұйымдардың мүдделері үшін қызмет көрсетеді, ал мемлекеттік басқару сапасын негізгі бағалаудың бірі азаматтардың мемлекеттік қызметтерді ұсыну сапасына қанағаттануы болып табылады.