Ақмола облысы Денсаулық сақтау басқармасы жанындағы «Ақкөл аудандық ауруханасы» ШЖҚ МКК Бақылау кеңесі 020100, Ақкөл қаласы, Кирдищев көшесі, 89, жұмыс телефоны 8(71638) 2-11-61, Ақмола облысының Денсаулық сақтау басқармасы жанындағы «Ақкөл аудандық ауруханасы» ШЖҚ МКК бас дәрігерінің бос лауазымына орналасуға конкурс жариялайды
Конкурстың өтетін орны: 020100, Ақкөл қаласы, Кирдищев көшесі, 89, 3 қабат, аудандық аурухананың мәжіліс залы.
Кәсіпорынның негізгі қызметі: ересектер мен балаларға шұғыл және амбулаториялық - емханалық, сондай-ақ стационарлық медициналық көмек көрсету.
Кәсіпорынның бас дәрігерінің негізгі лауазымдық міндеттері:
Денсаулық сақтау ұйымының өндірістік, қаржы-шаруашылық қызметіне басшылық жасайды, қабылданатын басқарушылық шешімдерге, ұйым мүлкінің сақталуы мен тиімді пайдаланылуына, сондай-ақ қаржы-шаруашылық қызметінің нәтижелеріне жауапты болады.
Ұйымның саясатын, стратегиясын және оны жүзеге асыру механизмін анықтайды. Көрсетілетін диагностикалық, емдеу және профилактикалық көмектің тиімділігі мен сапасын одан әрі арттыруға, көрсетілетін қызметтердің сапасы мен бәсекеге қабілеттілігін арттыруға бағытталған персонал жұмысының жаңа ұйымдық нысандары мен әдістерін енгізуді және қолданыстағыларын жетілдіруді қамтамасыз етеді.
Ұйымның құрылымдық бөлімшелерінің тиімді өзара іс-қимылын қамтамасыз етеді, олардың іс-қимылдарын көрсететін медициналық қызметтерді дамытуға және жетілдіруге бағыттайды.
Денсаулық сақтау ұйымы басшыларының біліктілігіне қойылатын талаптар:
1) «Денсаулық сақтау» даярлау бағыты бойынша жоғары білім, «Денсаулық сақтау менеджменті» («Қоғамдық денсаулық сақтау») мамандығы бойынша біліктілікті арттырудан (қайта даярлаудан) өткені туралы куәлік және (немесе) тиісті мамандық бойынша біліктілігі туралы куәлік (немесе сертификат) ;
2) немесе «Денсаулық сақтау» даярлау бағыты бойынша жоғары білім, «Денсаулық сақтау» немесе «Бизнес және құқық» даярлау бағыты бойынша жоғары оқу орнынан кейінгі білім немесе ЕМВА немесе full-time (Фултайм) дәрежесі;
3)немесе «Бизнес, басқару және құқық» даярлау бағыты бойынша жоғары білім және «Денсаулық сақтау» даярлау бағыты бойынша жоғары оқу орнынан кейінгі білім немесе ЕМВА немесе full-time (Фултайм) дәрежесі;
4) денсаулық сақтау саласындағы менеджер сертификаты;
5) басшы лауазымдардағы жұмыс өтілі кемінде 3 жыл.
Конкурстық өтінімдерді ұсыну мерзімі: конкурсқа қатысу туралы бұқаралық ақпарат құралдарында конкурс өткізу туралы хабарландыру орналастырылған күннен бастап күнтізбелік он бес күн ішінде.
Құжаттар пакеті 020100, Ақкөл қаласы, Кирдишев 89 көшесі мекенжайы бойынша ұсынылады.
Конкурсқа қатысу үшін қажетті құжаттар:
1) конкурсқа қатысу туралы өтініш
2) Өмірбаян (еркін нысанда)
4) білім туралы құжаттардың көшірмелері
5) еңбек кітапшасының көшірмесі
6) 086/У нысаны бойынша денсаулық жағдайы туралы анықтама
6) Қазақстан Республикасы Бас прокуратурасының Құқықтық статистика және арнайы есепке алу Комитетінің аумақтық бөлімшесі берген соттылығы мен сыбайлас жемқорлық құқық бұзушылықтарының жоқтығын растайтын анықтамалар.
Конкурсқа қатысушы оның біліміне, жұмыс өтіліне, кәсіби даярлық деңгейіне қатысты қосымша ақпарат бере алады.
Үміткер конкурстық өтінімнің түпнұсқасын конвертке «түпнұсқа» деген белгімен жапсырады. Бұл конвертте үміткердің тегі, аты, әкесінің аты және мекен-жайы көрсетілуі керек. Осыдан кейін конверт сыртқы конвертке мөрленеді.
Ішкі және сыртқы конверттер:
Ақмола облысы Денсаулық сақтау басқармасы жанындағы «Ақкөл аудандық ауруханасы» ШЖҚ МКК Бақылау кеңесіне жолдансын;
Ақмола облысы Денсаулық сақтау басқармасы жанындағы «Ақкөл аудандық ауруханасы» шаруашылық жүргізу құқығындағы мемлекеттік коммуналдық кәсіпорнының бас дәрігері бос лауазымына орналасуға арналған Конкурс және «2024 жылғы 11 наурыз сағат 11-ге дейін ашпау керек» деген сөздер қамтылсын.
Конкурстық өтінім мемлекеттік және орыс тілдерінде бір данадан жіберіледі.
Құжаттарды қабылдаудың басталу күні: хабарландыру жарияланған күннен бастап.
Құжаттар мына мекенжайлар бойынша қабылданады: Құжаттардың көшірмелері: akkol_crb@mail.ru электрондық мекенжайы бойынша.
Құжаттардың түпнұсқасы: Ақмола облысы, Ақкөл қаласы, Кирдищев көшесі, 89 аурухана ғимараты мекенжайы бойынша әңгімелесу басталғанға дейін бір сағаттан кешіктірілмей ұсынылады.