Ақмола облысы ветеринария басқармасының жанындағы
«Біржан сал ауданының ветеринариялық станциясы»
шаруашылық жүргізу құқығындағы
коммуналдық мемлекеттік кәсіпорнынының 2024 жылға арналған мемлекеттік қызметтер көрсету мәселелері жөніндегі есебі
1) көрсетілетін қызметті беруші туралы мәліметтер
Ақмола облысы ветеринария басқармасының жанындағы «Біржан сал ауданының ветеринариялық станциясы» шаруашылық жүргізу құқығындағы коммуналдық мемлекеттік кәсіпорны (бұдан әрі – Кәсіпорын) Кәсіпорын қызметінің мәні Біржан сал ауданының аумағында ветеринария саласындағы қызметті жүзеге асыру болып табылады.
Кәсіпорын қызметінің мақсаты халықтың денсаулығын жануарлар мен адамға ортақ аурулардан қорғау, жануарларды аурулардан қорғау және емдеу, ветеринариялық-санитариялық қауіпсіздікті қамтамасыз ету, Біржан сал ауданының аумағын басқа өңірлерден жануарлардың жұқпалы және экзотикалық ауруларының әкелiнуi мен таралуынан қорғау болып табылады.
Кәсіпорынның орналасқан жері: 020700, Қазақстан Республикасы, Ақмола облысы, Біржан сал ауданы, Степняк қаласы, Жақан Сыздықов көшесі, 2А құрылыс.
2) мемлекеттік көрсетілетін қызметтер туралы ақпарат
Кәсіпорын 2024 жылы мемлекеттік қызметтердің 3 түрін көрсетуді жүзеге асырды:
Ветеринариялық анықтама беру;
Ветеринариялық паспорт беру.
Ауыл шаруашылығы жануарлары туралы мәліметтерді өзектендіру (түзету).
"Азаматтарға арналған үкімет "Мемлекеттік корпорациясы" коммерциялық емес акционерлік қоғамы арқылы ветеринария саласында мемлекеттік қызметтер көрсетілмейді.
2024 жылы көрсетілген мемлекеттік қызметтердің жалпы саны – 1622.
Тегін негізде екі мемлекеттік қызмет көрсетіледі:
"Ветеринариялық анықтама беру", 2024 жылы барлығы 1599 қызмет көрсетілді;
"Ветеринариялық паспорт беру" 2024 жылы барлығы 21 қызмет көрсетілді;
«Ауыл шаруашылығы жануарлары туралы мәліметтерді өзектендіру (түзету)» 2024 жылы барлығы 2 қызмет көрсетілді;
Қағаз нысанда көрсетілетін қызметті берушінің ақпараттық жүйелері арқылы екі мемлекеттік қызмет көрсетіледі:
"Ветеринариялық анықтама беру";
"Ветеринариялық паспорт беру".
«Ауыл шаруашылығы жануарлары туралы мәліметтерді өзектендіру (түзету)»
Мемлекеттік қызметтер көрсету тәртібін айқындайтын бекітілген заңға тәуелді нормативтік құқықтық актілердің саны – 3, ("Ветеринариялық құжаттарды беру қағидаларын және олардың бланкілеріне қойылатын талаптарды бекіту туралы" Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 бұйрығы, Министрдің бұйрығы "ауыл шаруашылығы жануарларын бірдейлендіру қағидаларын бекіту туралы"Қазақстан Республикасы Ауыл шаруашылығы министрінің 2015 жылғы 30 қаңтардағы № 7-1/68 бұйрығы, Қазақстан Республикасы Ауыл шаруашылығы министрінің 2010 жылғы 2 маусымдағы № 367 «Ауыл шаруашылығы жануарларын бірдейлендіру жөніндегі деректер базасын қалыптастыру және жүргізу ережесін бекіту туралы» бұйрығына).
3) неғұрлым талап етілетін мемлекеттік қызметтер туралы ақпарат
Жергілікті деңгейде ветеринария саласында неғұрлым талап етілетін мемлекеттік қызмет Ветеринариялық анықтама беру болып табылады.
2024 жылы кәсіпорын және ветеринарлық пунктер қағаз жеткізгіште 1622 қызмет көрсетті.
АШЖБ дерекқор базасының "Электрондық үкімет" порталымен интеграциялаудың болмауы есебінен құжаттарды қабылдау және мемлекеттік қызметті көрсету нәтижесін беру АШЖБ ДБ ақпаратын енгізе отырып, көрсетілетін қызметті берушінің кеңсесі арқылы ғана қолжетімді.
Ветеринариялық анықтама беру бойынша салыстыру кестесі
|
2023 жыл |
2024 жыл |
|
1377 |
1599 |
ветеринариялық паспорт беру бойынша
|
2023жыл |
2024 жыл |
|
244 |
21 |
1) Мемлекеттік қызметтер көрсету тәртібі туралы ақпаратқа қол жеткізу көздері мен орындары туралы мәліметтер
Мемлекеттік қызмет көрсету тәртібі туралы ақпаратты көрсетілетін қызметті берушінің интернет-ресурсынан алуға болады – e.vetservis "Мемлекеттік көрсетілетін қызметтер" бөлімінде, www.elisense.kz- "Электрондық үкімет" веб-порталында, сондай-ақ 8-716-2-50-43-96 телефондары бойынша.
Көрсетілетін қызметтердің түрлері бойынша ақпарат алу үшін ветеринариялық станция ғимаратында көрсетілетін қызметтер және оларды көрсету тәртібі туралы ақпараты бар ақпараттық стенд бар, сондай-ақ жүгінген адам электрондық үкіметтің веб-порталын өз бетінше пайдалана алатын өзіне-өзі қызмет көрсету бұрышы бар www.e.gov.kz. веб-камера және карта оқу құралы бар. E.gove mobile банері бар.
2) мемлекеттік қызметтер стандарттарының жобаларын жария талқылау туралы ақпарат
Қазіргі уақытта мемлекеттік қызметтерді көрсету тәртібін айқындайтын, оларды жетілдіру жөнінде ұсыныстар енгізу үшін талқылауға шығарылған заңға тәуелді нормативтік құқықтық актілердің жобалары жоқ.
3) мемлекеттік қызметтер көрсету процесінің ашықтығын қамтамасыз етуге бағытталған іс-шаралар
Көрсетілетін қызметті алушылардың мемлекеттік қызметтерді алу мүмкіндігі мен көрсету тәртібі туралы хабардар болуын арттыру шеңберінде бұқаралық ақпарат құралдарында (аудандық газетте) мемлекеттік қызметтер бойынша 1 мақала жарияланды, Instagram-да 2 жарияланым орналастырылды.
Кәсіпорында, көрсетілетін қызметті алушылар жүгінген кезде мамандар мемлекеттік қызметтер көрсету процесі туралы консультациялық-түсіндіру жұмыстарын жүргізеді.
Басқарма жүйелі түрде көрсетілетін қызметті алушылардан талап етілетін құжаттардың мерзімдері мен санын оңтайландыру бойынша іс-шаралар жүргізеді.
1) Мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар
Мемлекеттік қызмет көрсетуге жауапты мамандар тиісті Заңдарды, ережелерді, әдістемелік ұсынымдарды, мемлекеттік қызмет стандарттары мен регламенттерін зерделеу арқылы өздерінің білім деңгейін арттырады.
Міндетті негізде кәсіпорын қызметкерлері кестеге сәйкес біліктілігін арттырудан өтеді.
2024 жылы кәсіпорынның 3 қызметкері мемлекеттік қызмет көрсету саласында біліктілікті арттыру бойынша семинардан өтті. 2024 жылы мемлекеттік қызметтер көрсету сапасын арттыру мақсатында.
- Instagram әлеуметтік желісінде Басқарма мен ведомстволық бағынысты ұйымдардың сайттарында 1 тікелей эфир өткізілді;
2) мемлекеттік қызметтер көрсету процестерін нормативтік-құқықтық жетілдіру.
Мемлекеттік көрсетілетін қызметтерді алу кезінде қоғамдық қатынастарды реттеу, Мемлекеттік қызметтер көрсету саласындағы негіз қалаушы қағидаттар мен нормаларды белгілеу мақсатында "мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңына тиісті өзгерістер мен толықтырулар енгізілді.
Мемлекет пен азаматтардың құқықтары мен мүдделерін сақтау мақсатында Қазақстан Республикасының Ауыл шаруашылығы министрлігі ветеринария саласында қызметтер көрсету тәртібін айқындайтын қағидаларды бекітті.
1) Мемлекеттік қызметтер көрсету мәселелері бойынша көрсетілетін қызметті алушылардың шағымдары туралы ақпарат
Кәсіпорында мемлекеттік қызмет көрсету нәтижелері бойынша шағымдар жоқ.
2) мемлекеттік қызметтер көрсету сапасын ішкі бақылау нәтижелері
Кәсіпорында жүйелі негізде көрсетілетін мемлекеттік қызметтердің сапасына ішкі бақылауды жүзеге асырады, оның нәтижелері бойынша тиісті акт шығарылады.
Кәсіпорнының барлық мемлекеттік қызметтері уақтылы көрсетілді, қызмет көрсету кезінде артық құжаттарды талап ету белгіленбеген.
Мемлекеттік қызметтер көрсетудің сапасы мен уақтылығын одан әрі арттыру мәселелері тұрақты бақылауда, мемлекеттік қызметтер көрсету тәртібін бұзушылықтарға жол бермеу жөнінде шаралар қабылдануда.
Одан әрі тиімділік мақсатында: Есеп беретін мемлекеттік органдардың осы мәселе бойынша жұмысының жай-күйін талдау, оқыту семинарлары, дәрістер, оларға практикалық және әдістемелік көмек көрсету мақсатында аудандар мен қалалар әкімдіктеріне бару жалғастырылатын болады.