Қазақстан Республикасының этносаралық қатынастар саласындағы мемлекеттік саясаты қоғамдық келісімді, жалпыұлттық бірлікті және толеранттылық қағидаттарын нығайтуға бағытталған.

Қазіргі уақытта Ақмола облысында 789 608 адам тұрады. Облыс аумағында 100-ден астам этнос пен этникалық топтардың өкілдері мекендейді. Оның ішінде қазақтар – 451 747 адам (57,2%), орыстар – 205 046 адам (25,9%), украиндар – 38 228 адам (4,8%), немістер – 29 629 адам (3,7%), татарлар – 13 454 адам (1,7%), белорустар – 11 440 адам (1,4%), поляктар – 8 274 адам (1,0%), ингуштар – 4 623 адам (0,5%), шешендер – 3 381 адам (0,4%), әзербайжандар – 2 374 адам (0,3%), башқұрттар – 2 106 адам (0,2%), басқа этнос өкілдері – 19 306 адам (2,4%) және этникалық тиесілігін көрсетпегендер – 583 адам (0,07%) құрайды.

Жүргізілген тоқсан сайынғы мониторинг нәтижелері халықтың осы саладағы мемлекеттік саясатқа деген сенім деңгейінің жоғары екенін көрсетеді. Атап айтқанда, респонденттердің 82,6%-ы өңірдегі этносаралық ахуалды тұрақты әрі қолайлы деп бағалайды.Ақмола облысындағы этносаралық толеранттылық деңгейін жоғары деп бағалауға болады. Оң бағалаулардың жиынтық үлесі 87,8%-ды құрайды.

Облыста 45 этномәдени бірлестік тіркелген. Этномәдени бірлестіктердің өкілдері қоғамдық келісімді, жалпыұлттық бірлік пен ынтымақтастықты нығайтуға бағытталған ақпараттық-түсіндіру, сараптамалық және мәдени-ағартушылық жұмыстарға қатысады.

Этносаралық қатынастар саласындағы жұмыстың тиімділігін қамтамасыз ету мақсатында Көкшетау қаласында «Қоғамдық келісім» КММ, сондай-ақ Степногорск қаласында Достық және шығармашылық үйі жұмыс атқарады.

2026 жылдың басынан бастап бірқатар маңызды іс-шаралар жүзеге асырылды:

Этномәдени бірлестіктер мен қоғамдық құрылымдар тарапынан Қазақстан Республикасының жаңа Конституциясы жобасын талқылау және түсіндіру бойынша 50-ден астам іс-шара ұйымдастырылды;Ақпараттық-түсіндіру топтары (1 облыстық, 20 аудандық және қалалық) облыстың еңбек ұжымдары, білім беру ұйымдары және тұрғындар арасында 400-ге жуық ақпараттық-түсіндіру іс-шараларын өткізіп, 9000-нан астам адамды қамтыды. Сонымен қатар, медиакеңістікте 826-дан астам ақпараттық материал жарияланды.

«Ұлт бірлігі – басты құндылық» этнотуры Ерейментау, Бұланды, Аршалы, Зеренді, Сандықтау аудандарында және Степногорск қаласында ұйымдастырылды. Этнотур аясында аталған аумақтарда тұратын түрлі этнос өкілдерінің қоғамдық көңіл-күйіне мониторинг жүргізіліп, мемлекеттік саясаттың негізгі басымдықтары және этносаралық қатынастар саласындағы заңнама нормалары бойынша түсіндіру жұмыстары өткізілді.

Алғыс айту күніне орай өңірде 100-ден астам іс-шара өткізілді. Облыс тұрғындары «Алғыс эстафетасы», «Алғысым бар...», «Алғыс – жүректен», «Кого благодарят дети» челлендждеріне қатысып, өз ризашылықтарын білдірді;

Қазақстан халқының бірлігі күні мерекесін атап өту аясында бекітілген облыстық іс-шаралар жоспарына сәйкес қоғамдық келісімді нығайтуға, этносаралық өзара іс-қимылды дамытуға және жалпыұлттық құндылықтарды дәріптеуге бағытталған қоғамдық маңызы бар, мәдени, ақпараттық-ағартушылық және патриоттық бағыттағы іс-шаралар кешені жүзеге асырылды. Жалпы алғанда, 100 мыңнан астам адамды қамтыған әртүрлі форматтағы 1000-нан астам іс-шара өткізілді;

Этномәдени бірлестіктердің өкілдері «Таза Қазақстан» республикалық акциясына, сондай-ақ, «Қайырымдылық керуені», «Әр жүректе жақсылық» қайырымдылық акцияларына қатысты;

Мемлекеттік әлеуметтік тапсырыс аясында құқықтық сауаттылықты арттыру, антиконституциялық сепаратистік көзқарастардың, «өшпенділік тілінің», жалған ақпараттың таралуына жол бермеу және фактчекинг мәдениетін қалыптастыру мақсатында әлеуметтік желілерде орналастыру үшін 3 бейнеролик пен 10 инфографика әзірленді.