2024 жылдың қаңтар-қараша айларында Ақмола облысы бойынша ауыл шаруашылығы өнімінің жалпы шығарылымы 892 141,3 млн. теңгені (НКИ – 145,3%), оның ішінде: өсімдік шаруашылығы – 626 733,3 млн. теңге (НКИ –176,4%), мал шаруашылығы – 265 139,1 млн. теңге (НКИ – 101,2%) құрады.

Облыста барлығы 8976 агроқұрылымдар бар, оның ішінде: 1912 - заңды тұлғалар, 554 - жеке кәсіпкерлер, 6510 - шаруа-фермерлік қожалықтары.

Ауыл шаруашылығының негізгі капиталына салынған инвестициялар 2024 жылғы қаңтар-қарашада 69,5 млрд. теңгені құрады, азық-түлік өнімдерін өндіруге негізгі капиталға салынған инвестициялар 7,2 млрд. теңгені құрады.

Облыстың ауыл шаруашылығында жұмыспен қамтылған халық саны – 24,2% жұмыспен қамтылғандардың жалпы санынан (жұмыспен қамтылғандардың барлығы – 403,8 мың адам, оның ішінде ауыл шаруашылығында – 97,4 мың адам (2024 жылғы 3 тоқсанның қорытындысы бойынша).

2024 жылдың 3-тоқсанында ауыл шаруашылығы саласындағы орташа жалақы 327,7 мың теңгені құрады, 2023 жылдың сәйкес кезеңімен салыстырғанда 20,9% - ға өсті (2024 жылдың қаңтар-қазанда – 273,3 мың теңге немесе 111,6%).