Ақмола облысының орман қорының жалпы аумағы 1,1 млн гектарды құрайды, оның үштен бірі – орманмен көмкерілген жерлер (445,3 мың гектар).
Ақмола облысының Табиғи ресурстар және табиғат пайдалануды реттеу басқармасының теңгерімінде 405,1 мың гектар жер бар, оның ішінде орманмен көмкерілгені – 235,1 мың гектарды құрайды.
Басқарманың қарамағында 13 коммуналдық мемлекеттік орман шаруашылығы мекемесі жұмыс істейді.
Мемлекеттік орман күзетінің штаттық саны – 488 адам. Бұған қосымша маусымдық өрт сөндірушілерді қоса алғанда, 365 техникалық қызметкер жұмысқа тартылған.