Нарықтық экономика жағдайындағы кәсіпорындардың тиімді қызметі олардың өз дамуының алыс және жақын перспективасын қаншалықты анық болжайтынына, яғни жоспарлау мен болжауға байланысты. Жоспарлау кез келген кәсіпорынды басқарудың маңызды функциясы болып табылады.
Ақмола облысының кәсіпкерлік және өнеркәсіп басқармасының сауда саясатын іске асыру саласындағы негізгі міндеттері:
1) Облыс аумағында өндірілетін тауарлардың, жұмыстар мен көрсетілетін қызметтердің және оларды өндірушілердің тізбесін қалыптастыру жөніндегі жұмысты ұйымдастыру;
2) өз құзыреті шегінде әлеуметтік маңызы бар азық-түлік тауарларына рұқсат етілген шекті бөлшек сауда бағалары мөлшерінің сақталуына мемлекеттік бақылауды жүзеге асыру;
3) аумақтарды дамыту бағдарламалары шеңберінде стационарлық сауда объектілерін дамыту үшін іс-шаралар кешенін әзірлеу және іске асыру бойынша жұмысты ұйымдастыру;
4) көрме-жәрмеңкелік қызмет бойынша жұмысты ұйымдастыру;
5) халықты сауда алаңымен қамтамасыз етудің ең төменгі нормативтері бойынша ұсыныстар әзірлеу;
6) халықты сауда алаңымен қамтамасыз етудің ең төменгі нормативіне қол жеткізу жөніндегі шараларды әзірлеу және іске асыру;
7) әлеуметтік маңызы бар азық-түлік тауарларына бағаны тұрақтандыру тетіктерін іске асыруды қамтамасыз ету бойынша комиссияның жұмыс органының функцияларын жүзеге асыру;
8) әлеуметтік маңызы бар азық-түлік тауарларына бағаны тұрақтандыру тетіктерін іске асыратын мамандандырылған ұйымдардан қызметтерді сатып алуды жүзеге асыру;