Шағын және орта бизнесті дамыту - кез келген ел экономикасының негізі. Дамыған шағын және орта кәсіпкерліксіз мемлекеттің макроэкономикалық жағдайының тұрақтылығы туралы айту қиын. Осының салдарынан, Тәуелсіздік басында шағын және орта бизнес Қазақстанда экономиканың маңызды секторы ретінде айқындалды. Шағын және орта бизнесті жан-жақты қолдау әрқашан мемлекеттік саясаттың басымдығы болды.
Ақмола облысының кәсіпкерлік және өнеркәсіп басқармасының шағын және орта бизнес саласындағы негізгі мақсаты жеке кәсіпкерлікті дамыту үшін жағдай жасау болып табылады.
Ақмола облысының кәсіпкерлік және өнеркәсіп басқармасының шағын және орта бизнесті дамытудағы негізгі міндеттері:
1) «Бизнестің жол картасы-2025» бизнесті қолдау мен дамытудың, нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде шағын және орта бизнес субъектілерін қолдауды іске асыру»;
2) облыста шағын және орта кәсіпкерлікті және инновациялық қызметті қолдау инфрақұрылымының объектілерін құруды және дамытуды қамтамасыз ету;
3) облыс аумағында кәсіпкерлік қызметті және инвестициялық ахуалды дамыту үшін жағдай жасау;
4) Жергілікті атқарушы органдардың жеке кәсіпкерлік субъектілерінің бірлестіктерімен, Ұлттық палатамен және нарықтық инфрақұрылым объектілерімен өзара қарым-қатынастарын дамыту стратегиясын айқындау;
5) облыстық деңгейде жеке кәсіпкерлікті мемлекеттік қолдауды қамтамасыз ету;
6) Қазақстан Республикасының заңнамасына сәйкес жеке кәсіпкерлік субъектілерінің мүдделерін қозғайтын мәселелер бойынша Қазақстан Республикасының Ұлттық Кәсіпкерлер палатасының өкілдерін тарта отырып, ведомствоаралық сипаттағы мәселелер бойынша консультациялық-кеңесші органдардың жұмысын ұйымдастыру;
7) жеке кәсіпкерлік субъектілерінің бірлестіктерін аккредиттеуді жүргізу;
8) жеке кәсіпкерлік мәселелері жөніндегі сараптамалық кеңестің жұмысын ұйымдастыру;