Бірыңғай есеп беру күнін өткізу туралы хабарландыру
2025 жылғы 25 қыркүйекте сағат 15.00-де Көкшетау қаласы, Абай көшесі, 96, 8-қабат мекенжайындағы «Green Which» БО – да бизнес – қоғамдастық алдында бақылау-қадағалау органдарының «Бірыңғай есеп беру күні» өтеді.
Іс-шара барлық облыстық бақылау-қадағалау органдарының кәсіпкерлік субъектілерімен кездесуі нысанында өтеді, онда олардың мемлекеттік бақылау мен қадағалауды жүзеге асыру нәтижелері талқыланады және бизнес-қоғамдастықпен кері байланыс орнатылады.
Жоба, Қазақстан республикасының Президенті Қ.К. Тоқаевтың, Ұлттық инвесторлардың кеңесі отырысының қорытындысы бойынша тапсырмасымен жүзеге асырылады. Идеяның бастамашысы - «Атамекен» Кәсіпкерлердің Ұлттық Палатасы болып табылады.
Бизнес өкілдері іс-шара барысында сөз сөйлеушілерге де, бақылау және қадағалау органдарының басқа өкілдеріне де қызықтыратын сұрақтар қоя алады.
