№ А-10/408 қаулысымен
бекітілді
«Ақмола облысының
кәсіпкерлік және өнеркәсіп басқармасы»
мемлекеттік мекемесі туралы
ереже
«Ақмола облысының кәсіпкерлік және өнеркәсіп басқармасы» мемлекеттік мекемесіне заңнамалық актілермен кірістер әкелетін қызметті жүзеге асыру құқығы берілген жағдайда, онда осындай қызметтен алынған кірістер республикалық бюджеттің кірісіне жіберіледі.
1) облыс аумағында кәсiпкерлiк қызмет пен инвестициялық ахуалды дамыту үшiн жағдай жасау;
2) индустриялық-инновациялық дамытудың мемлекеттік саясатын жүзеге асыру.
3) сауда саясатын жүргізуді қамтамасыз ету.
1) жеке кәсiпкерлiктi дамыту үшiн жағдайлар жасау;
2) «Бизнестің жол картасы 2025» бизнесті қолдау мен дамытудың мемлекеттік бағдарламасын, Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын (қалалар мен моноқалаларда шағын кредит беру және кепілдік беру бөлігінде), Қазақстан Республикасын индустриялық-инновациялық дамытудың 2020-2025 жылдарға арналған мемлекеттік бағдарламасын облыста іске асыру және орындау үшін жауапкершілік және қамтамасыз ету;
3) облыста шағын және орта кәсiпкерлiк пен инновациялық қызметтi қолдаудың инфрақұрылым объектiлерiн құру мен дамытуды қамтамасыз ету;
4) облыс аумағында кәсiпкерлiк қызмет пен инвестициялық ахуалды дамыту үшiн жағдай жасау;
5) жергiлiктi атқарушы органдардың жеке кәсiпкерлiк субъектiлерiнің бiрлестiктерiмен, Ұлттық палатамен және нарықтық инфрақұрылым объектілерімен өзара қарым-қатынастарын дамыту стратегиясын айқындау;
6) облыстық деңгейде жеке кәсіпкерлікті мемлекеттік қолдауды қамтамасыз ету;
7) индустриялық-инновациялық қызметті мемлекеттік қолдау саласындағы мемлекеттік саясатты қалыптастыруға және іске асыруға қатысу;
8) өңірлік кәсіпкерлер палаталарының қатысуымен өңірлерде кәсіпкерлікті қолдау картасын әзірлеу;
9) жеке кәсіпкерлік субъектілерінің мүдделерін қозғайтын мәселелер бойынша Қазақстан Республикасының заңнамасына сәйкес Қазақстан Республикасының Ұлттық кәсіпкерлер палатасының өкілдерін тарта отырып, ведомствоаралық сипаттағы мәселелер бойынша консультациялық-кеңесшi органдар құру бойынша жұмысты ұйымдастыру;
10) жеке кәсіпкерлік субъектілерінің бірлестіктерін аккредиттеуді ұйымдастырып өткізу;
11) жеке кәсіпкерлік мәселелері жөніндегі сараптама кеңесінің жұмысын ұйымдастыру;
12) Қазақстан Республикасының заңнамасымен белгіленген нысандар мен мерзімдер бойынша Қазақстан Республикасының Үкіметімен бекітілген тізбеге сәйкес, ұйымдардың сатып алуында жергілікті қамту жөнінде индустриялық-инновациялық қызметті мемлекеттік қолдау саласында уәкілетті органға ақпаратты жинау, талдау және ұсыну бойынша жұмысты ұйымдастыру;
13) индустриялық-инновациялық қызметті мемлекеттік қолдауды жүзеге асыратын индустриялық-инновациялық инфрақұрылым элементтеріне, индустриялық-инновациялық жүйе субъектілеріне әдістемелік, консультациялық, практикалық және өзге де көмек көрсету;
14) мемлекеттік жоспарлау жөніндегі орталық уәкілетті органға экономиканың басым секторларын айқындау жөнінде ұсыныстар енгізу;
15) индустриялық-инновациялық қызметті мемлекеттік қолдау саласындағы уәкілетті органға индустриялық-инновациялық қызметті мемлекеттік қолдау шараларының іске асырылуы туралы ақпарат беру;
16) облыс аумағында өндірілетін тауарлардың, жұмыстар мен көрсетілетін қызметтердің және оларды өндірушілердің тізбесін құру бойынша жұмысты ұйымдастыру;
17) өз құзыреті шегінде әлеуметтік маңызы бар азық-түлік тауарларына рұқсат етілген шекті бөлшек сауда бағалары мөлшерінің сақталуын мемлекеттік бақылауды жүзеге асыру;
18) аумақтарды дамыту бағдарламалары аясында стационарлық сауда объектілерін дамыту үшін іс-шаралар кешенін әзірлеу және іске асыру;
19) көрмелік-жәрмеңкелік қызмет бойынша жұмысты ұйымдастыру;
20) халықты сауда алаңымен қамтамасыз етудің ең төменгі нормативтері бойынша ұсыныстарын әзірлеу;
21) халықты сауда алаңымен қамтамасыз етудің ең төменгі нормативіне қол жеткізу жөнінде шараларын әзірлеу және іске асыру;
22) әлеуметтік маңызы бар азық-түлік тауарларына бағаны тұрақтандыру тетіктерін іске асыруды қамтамасыз ету жөніндегі комиссияның жұмыс органының функцияларын жүзеге асыру;
23) әлеуметтік маңызы бар азық-түлік тауарларына бағаны тұрақтандыру тетіктерін іске асыратын мамандандырылған ұйымдардан қызметтерді сатып алуды жүзеге асыру;
24) облыс аумағында алдағы күнтізбелік жылға бағаларына мемлекеттік реттеу белгіленген мұнай өнімдерін тұтыну болжамын жасау;
25) жер қойнауын пайдалану келісімшартына өзгерістер мен толықтырулар енгізу жөніндегі жұмыс тобы отырысының өткізілуін ұйымдастыру;
26) «Жер қойнауы және жер қайнауын пайдалану туралы» Қазақстан Республикасы Кодексінің 278-бабындағы 3-тармағына сәйкес, «Жер қойнауы және жер қойнауын пайдалану туралы» Қазақстан Республикасының Заңымен белгіленген тәртіппен және шарттарда жалпы таралған пайдалы қазбаларды барлауға, өндіруге келісімшарттарды жасасу, тіркеу және сақтау;
27) жер қойнауын пайдалану мәселелері жөніндегі сараптамалық комиссиясы отырысының өткізілуін ұйымдастыру;
28) жер қойнауын пайдалану және (немесе) жер қойнауын пайдалану құқығымен байланысты объектілер құқығын ауыстыруға рұқсат беру;
29) алдағы құрылыс учаскесіндегі жер қойнауында пайдалы қазбалардың болмауы немесе маңыздылығының аз екендігі жөніндегі қорытынды беру;
30) пайдалы қазбалар орнының аумағында құрылысқа рұқсат беру;
31) жалпы таралған пайдалы қазбаларды өндіруге келісімшарттар жөніндегі комиссия отырысының өткізілуін ұйымдастыру;
32) жер қойнауын пайдаланушылармен жер қойнауын пайдалануға келісімшарт (лицензия) бойынша міндеттемелерінің орындалуына мониторинг жүргізу;
33) жалпы таралған пайдалы қазбаларды барлауға және (немесе) өндіруге келісімшарттар талаптарының жер қойнауын пайдаланушылармен орындалуына бақылау;
34) жалпы таралған пайдалы қазбаларды өндіруге, кен іздеушілікке лицензия талаптарының жер қойнауын пайдаланушылармен сақтауын бақылау;
35) жалпы таралған пайдалы қазбаларды өндіру, кен іздеушілік бойынша операциялар жүргізуге мемлекеттік бақылау;
36) Қазақстан Республикасының Кәсіпкерлік кодексіне сәйкес тексерулер жүргізу;
37) құқық бұзушылық туралы iстердi қарау;
38) жалпы таралған пайдалы қазбаларды барлауға және (немесе) өндіруге келісімшарттардың, жалпы таралған пайдалы қазбаларды өндіруге, кен іздеушілікке лицензиялардың қолданылуын тоқтату;
39) мемлекеттік қызмет көрсету;
40) жалпы таралған пайдалы қазбаларды өндіруге және кен іздеушілікке лицензия беру;
41) жер қойнауын пайдалану жөніндегі операциялардың салдарын жою жөніндегі жұмыстарды қабылдау жөніндегі комиссия құру;
42) жалпыға ортақ пайдаланылатын автомобиль жолдарын, мемлекет меншігіндегі темір жолдарды салу (реконструкциялау) және жөндеу кезінде, сондай-ақ гидроқұрылыстар мен гидротехникалық құрылыстарды реконструкциялау және жөндеу үшін пайдаланылатын кең таралған пайдалы қазбаларды барлауға немесе өндіруге рұқсат беру.
1) Қазақстан Республикасының қолданыстағы заңнамасымен көзделген көлемде жүктелген қызметтерді орындау үшін мемлекеттік органдардан және ұйымдардан қажетті құжаттарды, ақпараттарды және материалдарды сұрау және алу;
2) сыбайлас жемқорлық құқық бұзушылық пен қылмысқа жол бермеу бойынша шаралар қолдану;
3) Қазақстан Республикасының заңнамасына сәйкес өзге құқықтар мен міндеттерді жүзеге асыру.
1) Қазақстан Республикасының заңнамасына сәйкес «Ақмола облысының кәсіпкерлік және өнеркәсіп басқармасы» мемлекеттік мекемесінің қызметкерлерін лауазымға тағайындайды және босатады;
2) өз орынбасарларының, «Ақмола облысының кәсіпкерлік және өнеркәсіп басқармасы» мемлекеттік мекемесі бөлімдері басшыларының міндеттері мен уәкiлеттiлiктерiн анықтайды;
3) Қазақстан Республикасының заңнамасымен белгіленген тәртіпте «Ақмола облысының кәсіпкерлік және өнеркәсіп басқармасы» мемлекеттік мекемесінің қызметкерлерін марапаттайды және тәртіптік жазаға тартады;
4) сыбайлас жемқорлыққа қарсы тұру бойынша шара қолданады және ол үшiн дербес жауапты болады;
5) «Ақмола облысының кәсіпкерлік және өнеркәсіп басқармасы» мемлекеттік мекемесінің бұйрықтарын шығарады және олардың күшін жояды.
6) облыстың жергілікті атқарушы органдарымен бекітілген штат санының лимиті шегінде, «Ақмола облысының кәсіпкерлік және өнеркәсіп басқармасы» мемлекеттік мекемесінің құрылымын, штат кестесін бекітеді;
7) «Ақмола облысының кәсіпкерлік және өнеркәсіп басқармасы» мемлекеттік мекемесі қызметкерлерiнiң лауазымдық нұсқаулықтарын бекiтедi;
8) Қазақстан Республикасының заңнамасында белгіленген жағдайларда және көлемдерде мүлікке иелік етеді;
9) келісімшарттар жасайды;
10) банкте есепшоттар ашады;
11) «Ақмола облысының кәсіпкерлік және өнеркәсіп басқармасы» мемлекеттік мекемесін Қазақстан Республикасының қолданыстағы заңнамасына сәйкес барлық мемлекеттік органдарда және өзге де ұйымдарда ұсынады;
12) «Ақмола облысының кәсіпкерлік және өнеркәсіп басқармасы» мемлекеттік мекемесінің жұмыс регламентін бекітеді.
«Ақмола облысының кәсіпкерлік және өнеркәсіп басқармасы» мемлекеттік мекемесінің мүлкі оған меншік иесі берген, сондай-ақ өз қызметі нәтижесінде сатып алынған мүлік (ақшалай кірістерді коса алғанда) және Қазақстан Республикасының заңнамасымен тыйым салынбаған өзге де көздер есебінен қалыптастырылады.