2021 жылғы «Степногорск қаласының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» ММ мемлекеттік қызмет көрсету саласындағы қызметі туралы есебі

 

 Қазақстан Республикасының

Экономика және бюджетті жоспарлау министрінің

 2013 жылғы 25 маусымдағы №193 бұйрығына

 

2021 жылғы «Степногорск қаласының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» ММ мемлекеттік қызмет көрсету саласындағы қызметі туралы есебі

 

Халыққа көрсетілетін мемлекеттік қызметтер сапасын жоғарылату — сыбайлас жемқорлыққа қарсы іс-әрекет ету және мемлекеттік органдар қызметіне азаматтардың сенімін жоғарылатудың басты аспектісі.

Мемлекеттік қызметтер келесі негізгі қағидаттар негізінде көрсетіледі:

1. көрсетілетін қызметті алушылардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне байланысты немесе кез келген өзге жағдаяттар бойынша қандай да бір кемсітушіліксіз теңдей қол жеткізуі;
2. мемлекеттік қызметтер көрсету кезінде төрешілдік пен созбұйдалық көріністеріне жол бермеу;
3. мемлекеттік қызметтер көрсету саласындағы есеп берушілік және ашықтық;
4. мемлекеттік көрсетілетін қызметтердің сапасы мен қолжетімділігі;
5. мемлекеттік қызметтер көрсету процесін үнемі жетілдіру;
6. мемлекеттік қызметтер көрсету кезіндегі үнемділік және тиімділік.

2013 жылдың 15 сәуірдегі Қазақстан Республикасының «Мемлекеттік қызметтер туралы» заңына сәйкес «Степногорск қаласының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» ММ мемлекеттік қызмет көрсететін мемлекеттік орган болып саналады.

Мемлекеттік мекеме тоғыз мемлекеттік қызмет көрсетеді:

1. «Мемлекеттік тұрғын үй қорынан берілетін тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке алу және кезекке қою, сондай-ақ жергілікті атқарушы органдардың тұрғын үй беру туралы шешім қабылдауы».
2. «Мемлекеттік тұрғын үй қорынан тұрғын үйлерді жекешелендіру».
3. «Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильмен жолаушылар тасымалын жүзеге асыруға байланысты тасымалдаушының залалдарын субсидиялау».
4. «Жолаушылар мен багажды автомобильмен қалалық (ауылдық), қала маңындағы және ауданішілік тұрақты тасымалдау маршруттарын және қозғалыс кестелерін бекіту».
5. «Облыстық және аудандық маңызы бар жалпыға ортақ пайдаланылатын автомобиль жолдарының бөлінген белдеуінде жарнаманы тұрақты орналастыру объектілерінде сыртқы (көрнекі) жарнама орналастыруға рұқсат беру».
6. «Қауіпті техникалық құрылғыларды есепке қою және есептен шығару».
7. «Ағаштарды кесуге рұқсат беру».
8. «Тұрғын үй сертификаттарын беру».
9. «Энергия өндіруші және энергия беруші ұйымдарға күзгі-қысқы кезеңдегі жұмысқа әзірлік паспортын беру».

Мемлекеттік қызметтер тегін көрсетіледі.

Мемлекеттік қызмет көрсету нысандары: электрондық.

2021 жылы Мемлекеттік корпорация арқылы – 36, электрондық үкімет порталы арқылы-286 қызмет көрсетілді.

Мемлекеттік қызмет көрсету тәртібі туралы толық мәлімет  «Степногорск қаласының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» ММ стендтерінде орналасқан және «Степногорск ақшамы» аудандық газетінде жарияланады.

2021 жылғы 1 қаңтардан 31 желтоқсанға дейін «Степногорск қаласының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» ММ мемлекеттік мекемесіне қызмет алушылар тарапынан шағымдар түскен жоқ.

Байланыс ақпараты:

«Степногорск қаласының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» ММ 4 шағын аудан, 1 ғимарат, телефон 5-53-70.

Қабылдау жұмыс күндері сағат 09.00-ден 18.30-ға дейін, түскі үзіліс сағат 13.00-ден 14.30-ға дейін жүзеге асырылады.

 

есепті жүктеу