Қазақстан Республикасы
экономика және бюджеттік жоспарлау министрінің
2013 жылғы 25 маусымдағы № 193 бұйрығына
2 қосымша
Степногорск қаласының экономика және қаржы бөлімі мемлекеттік мекемесінің 2025 жылғы мемлекеттік қызмет көрсету саласындағы қызметі туралы есеп
Халыққа көрсетілетін мемлекеттік қызметтердің сапасын арттыру – бұл сыбайлас жемқорлыққа қарсы іс-қимылдың және азаматтардың мемлекеттік органдар қызметіне сенімін арттырудың маңызды аспектісі.
«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасының Заңына, «Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын көрсету қағидаларын бекіту туралы» Қазақстан Республикасының Ұлттық экономика министрінің 2014 жылғы 6 қарашадағы № 72 бұйрығына сәйкес «Степногорск қаласының экономика және қаржы бөлімі» мемлекеттік мекемесі «Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын ұсыну» мемлекеттік қызметтерін көрсетеді.
2025 жылы Отбасы банк «Тұрғын үй құрылыс жинақ банкі» АҚ сенім білдірілген агентінің интернет - ресурсы арқылы Қарабұлақ ауылының, Байқоңыс ауылының білім беру саласындағы Құрық құдық ауылының Мәдениет және спорт саласындағы мамандарына көтерме жәрдемақы, бюджеттік кредит түрінде әлеуметтік қолдау шараларын алуға 5 өтініш келіп түсті.
Оның ішінде:
Бюджеттік кредит-1; көтерме жәрдемақы – 4;
Мемлекеттік қызмет көрсету мерзімі - 6 (алты) жұмыс күні.
«Степногорск қаласының экономика және қаржы бөлімі» ММ көрсетілетін қызметті алушылардың ақпараттандырылуын қамтамасыз ету мақсатында мемлекеттік қызметтер көрсету тәртібі туралы ақпарат ақпараттық стендінде, Степногорск қаласы әкімінің ресми интернет - ресурсында, бөлімнің Facebook әлеуметтік желісінің ресми беттерінде орналастырылған.
Мемлекеттік қызмет алушылардан 2025 жылғы 1 қаңтардан 31 желтоқсанға дейін «Степногорск қаласының экономика және қаржы бөлімі» мемлекеттік мекемесіне мемлекеттік қызметтерді көрсету мәселелері бойынша шағымдар түскен жоқ.
2025 жылы мемлекеттік қызмет көрсету сапасына қоғамдық мониторинг жүргізу нәтижелерінің есебіне сәйкес мемлекеттік қызмет көрсетуде бұзушылықтар анықталған жоқ. Бұл қоғамдық мониторинг зерделеніп, бұзушылықтардың алдын алу үшін жұмыста пайдаланылатын болады.
Бұдан әрі тиімділік және көрсетілетін қызметті алушылардың мемлекеттік қызмет көрсету сапасына қанағаттанушылығын арттыру мақсатында бөлім алдына мынадай міндеттер қойылды:
- мемлекеттік қызмет көрсету кезінде Қазақстан Республикасының заңнамасын қатаң сақтау;
- мемлекеттік қызметтерге шағымдануды бақылау (негізделген шағымдар бойынша шаралар қабылдау);
- мемлекеттік қызметтер көрсету қағидаларының қолжетімділігін қамтамасыз ету: уәкілетті органда ақпараттық стенділерді жаңарту, Мемлекеттік қызметтер көрсету қағидаларын қаланың ресми интернет-ресурсында уақтылы орналастыру, әлеуметтік желілер беттерінде мемлекеттік қызметтер көрсету тәртібі туралы мақалаларды жариялау;
- «Отбасы банк» порталы арқылы мемлекеттік қызметтерді алу мүмкіндіктері туралы көрсетілетін қызметті алушыларды ақпараттандыру және танымал ету бойынша іс-шаралар өткізу.
Анықтама телефоны: 8(71645) 73689.
Бөлім басшысы С. Мұхамеджанова