Автомобиль көлігімен мүгедектігі бар адамдарды тасымалдау жөнінде қызметтер көрсету қағидаларын бекіту туралы

Қазақстан Республикасы Көлік және коммуникация министрінің м.а. 2013 жылғы 1 қарашадағы № 859 бұйрығы. Қазақстан Республикасының Әділет министрлігінде 2013 жылы 11 желтоқсанда № 8950 тіркелді.

Ескерту. Бұйрықтың тақырыбы жаңа редакцияда - ҚР Индустрия және инфрақұрылымдық даму министрінің 22.09.2022 № 521 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Автомобиль көлігі туралы" Қазақстан Республикасының Заңы 13-бабының 23) тармақшасына сәйкес БҰЙЫРАМЫН:

Ескерту. Кіріспе жаңа редакцияда - ҚР Индустрия және инфрақұрылымдық даму министрінің 25.08.2023 № 602 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Қоса беріліп отырған Автомобиль көлігімен мүгедектігі бар адамдарды тасымалдау жөнінде қызметтер көрсету қағидалары бекітілсін.

Ескерту. 1-тармақ жаңа редакцияда – ҚР Индустрия және инфрақұрылымдық даму министрінің 22.09.2022 № 521 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Қазақстан Республикасы Көлік және коммуникация министрлігінің Автомобиль көлігі департаменті (Е.Е. Джұмашев):

1) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін бұқаралық ақпарат құралдарында ресми жариялануын, соның ішінде оны Қазақстан Республикасы Көлік және коммуникация министрлігінің интернет-ресурсында және мемлекеттік органдардың интранет-порталында орналастырылуын;

3) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы "Әділет" республикалық мемлекеттік кәсіпорнының ақпараттық-құқықтық жүйесіне ресми жариялауға көшірмелерін жіберуді;

4) осы бұйрық Қазақстан Республикасы Әдiлет министрлiгiнде мемлекеттiк тiркелгеннен кейiн 5 жұмыс күнi iшiнде мемлекеттiк тiркеу туралы және бұқаралық ақпарат құралдарында жариялауға жiберу туралы мәлiметтердi Қазақстан Республикасы Көлiк және коммуникация министрлiгiнiң Заң департаментiне ұсынуды қамтамасыз етсiн.

Осы бұйрықтың орындалуын бақылау Қазақстан Республикасының Көлік және коммуникация вице-министрі М.Қ. Пішембаевқа жүктелсін.
Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Министрдің міндетін атқарушы

С. Сарсенов

КЕЛІСІЛДІ

Қазақстан Республикасының

Еңбек және халықты әлеуметтік

қорғау министрі

_________________ Т.Дүйсенова

2013 жылғы "___" ____________

Қазақстан Республикасы
Көлік және коммуникация
министрінің міндетін
атқарушының
2013 жылғы 1 қарашадағы
№ 859 бұйрығымен
бекітілді

Автомобиль көлігімен мүгедектігі бар адамдарды тасымалдау жөнінде қызметтер көрсету қағидалары

Ескерту. Қағида жаңа редакцияда – ҚР Индустрия және инфрақұрылымдық даму министрінің 22.09.2022 № 521 (01.01.2023 бастап қолданысқа енгізіледі) бұйрығымен.

1-тарау. Жалпы ережелер

Осы Автомобиль көлігімен мүгедектігі бар адамдарды тасымалдау жөнінде қызметтер көрсету қағидалары (бұдан әрі – Қағидалар) "Автомобиль көлігі туралы" Қазақстан Республикасының Заңы 13-бабының 23) тармақшасына және Қазақстан Республикасының Инвестициялар және даму министрінің міндетін атқарушының 2015 жылғы 26 наурыздағы № 349 бұйрығымен (Нормативтік құқықтық актілерді мемлекеттік тіркеу тізілімінде № 11550 болып тіркелген) бекітілген Автомобиль көлігімен жолаушылар мен багажды тасымалдау қағидаларына (бұдан әрі – Тасымалдау қағидалары) сәйкес әзірленді.

Ескерту. 1-тармақ жаңа редакцияда - ҚР Индустрия және инфрақұрылымдық даму министрінің 25.08.2023 № 602 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Қағидалар автомобиль көлігімен тасымалдау бойынша қызметтер көрсету кезінде мүгедектігі бар адамдар үшін қолжетімді көліктік ортаны қамтамасыз етудің жалпы тәртібі мен шарттарын анықтайды.
Осы Қағидаларда пайдаланылатын негiзгi ұғымдар:

1) таксимен тасымалдаушы – интернет-платформаларды және (немесе) платформалық жұмыспен қамтудың мобильдік қосымшаларын пайдалана отырып қызметтер көрсету немесе жұмыстар орындау жөніндегі қызметті жүзеге асыратын жеке тұлға, жолаушылар мен багажды таксимен тасымалдау қызметтерін көрсететін дара кәсіпкер немесе заңды тұлға;

2) шағын автобус – жасаушы зауыт көздеген жүргiзушiнiң орнын қоспағанда, отыратын орны он алтыдан аспайтын ерекше шағын сыныптағы автобус;

3) инватакси – мемлекеттік әлеуметтік тапсырыс шеңберінде мүгедектігі бар адамдарды тасымалдау бойынша әлеуметтік қызметтерді көрсетуге арналған автомобиль;

4) такси – Тасымалдау қағидаларына сәйкес жабдықталған, жолаушылар мен багажды автомобильмен тасымалдауға арналған жеңіл автомобиль.

Ескерту. 3-тармаққа өзгеріс енгізілді - ҚР Индустрия және инфрақұрылымдық даму министрінің 25.08.2023 № 602 (01.01.2025 бастап қолданысқа енгізіледі) бұйрығымен.

2-тарау. Автокөлік құралдарымен мүгедектігі бар адамдарды тасымалдау бойынша қызметтер көрсету тәртібі

Мүгедектігі бар адамдарды тұрақты қалааралық облысаралық маршруттарда тасымалдау кезінде және халықаралық автомобиль тасымалдарында "Жолаушылар тасымалдары бойынша автокөлік қызметтері" 1040-2001 Қазақстан Республикасы мемлекеттік стандартының талаптарына сәйкес келетін жолаушылар салонындағы өтудің ені 44 сантиметрден кем емес қалааралық автобустар (II класс) немесе алысқа жүретін автобустар (III класс) пайдаланылады.
Автобустарда мүгедектігі бар адамдарға арналған орындар және мүгедектігі бар адамдардың қозғалысына арналған кресло-арбалар автобустың жанама қабырғасының ені бойында бір қатарда орналастырады және олар автобустың жүрісі бойынша алға қарайды.
Кресло-арбаны орналасу орындарындағы жолаушылар салондарының еденінде және оларға қолжетімділік аймақтарында пандустар және баспалдақтар болмайды.
II және III класс автобустар орындықтарының арқасы жастығымен болады. Орындықтардың арқасы еңкею бұрышы бойынша орналасуды реттеуі болады.
Мүгедектігі бар адамдарды тікелей кресло-арбаларда тасымалдаған жағдайда автобуста қозғалыс кезінде кресло-арбаны бекітетін жабдықтар мен құралдар көзделеді.
Жүргізушінің жұмыс орны мүгедектігі бар адамдардың орналасу орындарынан болсын, кресло-арбаларды орналастыру орнынан болсын іске қосылатын дыбыс және жарық сигналдарымен жабдықталады.
II және III класс автобустары жолаушылар салонында мүгедектігі бар адамның қозғалуы үшін арналған арнайы көліктік арбамен жабдықталады.
II және III класс автобустарында кресло-арбаны тасымалдау үшін пайдаланылатын багаж бөлімі көзделеді. Бөлімде жинастырған күйде кресло-арбаны бекіту үшін құралдар көзделеді.
Көлік құралы аялдамалар, келу және кету уақыттары жөнінде хабарлайтын дыбыс және көретін ақпараттық табломен жабдықталады.
Қалалық маршруттық автобустардың жолаушылар салондарында кресло-арбадағы мүгедектігі бар адамдардың автобусқа кіруі үшін арналған есікке қарама-қарсы бос алаң (бұрылу шеңбері) көзделеді.
Кресло-арбаны орналастыру үшін арналған еден учаскесінде бүйір қабырғаның ені бойында көлденең тұтқа орнатылады.
Автобустарда кемінде 2 жолаушы есігі көзделеді. Оның біреуі кресло-арбадағы мүгедекке мүгедектігі бар адамдарға автобусқа кіруге және шығуға мүмкіндік беретін жабдықпен жабдықталады.

Шағын автобуста жабдықпен жабдықталған және кресло-арбадағы мүгедектігі бар адамдардың қолжетімділігі үшін де, мүгедектігі бар адамдармен бірге жүретін адамдар үшін де пайдаланылатын бір есіктің болуына жол беріледі.

Кресло-арбадағы мүгедектігі бар адамдардың автобусқа қолжетімділігі үшін пайдаланылатын есіктің тиісті белгілері (жазулар немесе пиктограммалар) болады.
Автобустар мүгедектігі бар адамдарға автобусқа колжетімділігін қамтамасыз ететін рампалармен немесе кресло-арбадағы мүгедектігі бар адамдарды автобусқа (автобустан) көтеруге (түсіруге) арналған жабдықтармен жабдықталады.
Республикалық және облыстық маңызы бар қалаларда, астанада жолаушылар мен багажды тұрақты қалалық тасымалдауды жүзеге асыру үшін сатып алынатын автокөлік құралдары жасаушы зауытпен халықтың жүріп-тұруы шектеулі топтарын тасымалдау үшін ыңғайластырылған.

3-тарау. Мүгедектігі бар адамдарға такси қызметтерін ұйымдастыру және көрсету

"Автомобиль көлігі туралы" Қазақстан Республикасы Заңының 26-бабына сәйкес жолаушылар мен багажды тасымалдауды ұйымдастыру кезінде таксимен тасымаладушының он және одан да көп таксиі болған кезде әр он таксиге арнайы қозғалыс құралдарын пайдаланатын мүгедектігі бар адамдарды тасымалдау үшін бейімделген кемінде бір таксиі болады.
Мүгедектігі бар адамдарды тасымалдау үшін, соның ішінде кресло-арбада отыратын мүгедектігі бар адамдарды тасымалдауға арнайы бейімделген "Жолаушылар такси тасымалдары бойынша автокөлік қызметтері" ҚР СТ 2272-2020 Қазақстан Республикасы ұлттық стандартының талаптарына сәйкес келетін жеңіл автокөлік құралдары пайдаланылады.
Инватаксидің алдыңғы және артқы бөліктерінде "Мүгедектігі бар адам" төртбұрыш түріндегі және "Жол жүрісі қағидаларын, Көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы" Қазақстан Республикасы Ішкі істер министрінің 2023 жылғы 30 маусымдағы № 534 бұйрығына 1-қосымшаға сәйкес Жол белгілерінің 7.17-тармағында көрсетілген жол белгісінің нышаны бейнеленген тану белгілері белгіленеді.

Ескерту. 21-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

21-1. Мемлекеттік органдар мен мекемелер отырғызуды, түсіруді жүзеге асыратын немесе мүгедектігі бар адамдарды күтіп тұрған "Мүгедектігі бар адам" тану белгілері бар инватакси үшін өздерінің әкімшілік ғимараттарының аумағындағы автотұрақтарға қолжетімділікті қамтамасыз етеді.

Ескерту. 3-тарау 21-1-тармақпен толықтырылды - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

4-тарау. Инватакси қызметтерін көрсету тәртібі

Инватакси қызметтерін көрсетуді жергілікті атқарушы органдар мемлекеттік сатып алулар туралы заңнамаға сәйкес мемлекеттік әлеуметтік тапсырыс арқылы жүзеге асырады.
Мемлекеттік әлеуметтік тапсырыс қызмет көрсету үшін қажетті персоналдың жұмысы үшін инватакси, шарттары бар ұйымда, оның ішінде мүгедектігі бар адамдардан тапсырыстарды қабылдауға арналған, өтінімдерді қабылдау үшін ұялы байланысты қоса алғанда және Интернет желісі арқылы көрсетілетін қызметтердің сапасы мен санын бақылау үшін телефон келіссөздерін жазу мүмкіндігін қамтамасыз ететін құрылғымен жабдықталған өтінімдерді қабылдау үшін кемінде екі телефон нөмірімен жарақтандырылған диспетчерлік қызметте орналастырылады.

Ескерту. 23-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Инватакси қызметін көрсетуге қойылатын талаптар мемлекеттік әлеуметтік тапсырысты орындау туралы шартта, оның ішінде мыналарды қамтитын шартта ескертіледі:

1) осы Қағидаларға 1-қосымшаға сәйкес инватакси қызметтерін ұсыну үшін объектілер мен межелі пункттердің тізбесі (бұдан әрі-тізбе);

2) тәулік ішінде күндізгі және түнгі уақытта инватаксидің жұмыс режимі, демалыс және мереке күндері;

3) инватакси тасымалы жүзеге асырылатын және диспетчерлік қызмет орналасқан, сондай-ақ оған инватакси қызметтерін көрсететін ұйымның автокөлік құралдары бекітілетін елді мекен;

4) инватаксиді тасымалдау жүзеге асырылатын елді мекенде тұрғылықты жері бойынша тұрақты тіркелген мүгедектігі бар адамдарға көрсетілетін инватакси қызметтері;

5) инватакси қызметтерін көрсететін ұйым мүгедектігі бар адамдарға инватакси қызметтерінің, оның ғимараттары мен құрылысжайларының (бар болса), қызмет көрсету жөніндегі ақпараттың қолжетімділігін қамтамасыз етеді, оларға инватакси қызметтерін көрсету кезінде қажетті ыңғайлылықтар мен жағдайлар жасайды;

6) тәуліктің кешкі және түнгі уақытында, демалыс және мереке күндері мүгедектігі бар адамдарға және мүгедектігі бар балаларға қызмет көрсету үшін кезекші инватаксилердің болуы.

Ескерту. 24-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); өзгеріс енгізілді - ҚР Көлік министрінің м.а. 19.06.2025 № 191 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

Инватакси қызметтерін көрсететін ұйым мемлекеттік әлеуметтік тапсырысты орындау туралы шартта көзделген талаптарды орындайды.

Ескерту. 25-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Инватакси қызметін көрсету кезінде:

1) кресло-арбалармен қозғалатын және (немесе) өз бетінше қозғалу мүмкіндігі жоқ мүгедектігі бар адамдарды тасымалдау үшін отырғызуға және түсіруге арналған арнайы гидравликалық немесе жылжымалы (ашылатын) құрылғымен және кресло-арбаларды бекітуге арналған құралдармен жарақтандырылған автокөлік пайдаланылады;

2) өз бетінше жүріп-тұру мүмкіндігі бар және кресло-арбаларды пайдаланбайтын мүгедектігі бар адамдарды тасымалдау үшін отырғызуға және түсіруге арналған арнайы гидравликалық немесе жылжымалы (ашылатын) құрылғымен және кресло-арбаларды бекітуге арналған құралдармен жарақтандырылмаған автокөлік құралдарын пайдалануға жол беріледі.

Ескерту. 26-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

26-1. 12 жасқа дейінгі мүгедектігі бар балаларды инватакси конструкциясында көзделген қауіпсіздік белдіктерінің көмегімен баланы байлауға мүмкіндік беретін арнайы балалар ұстау құрылғысы немесе өзге де құралдар болмаған кезде, ал арнайы балалар ұстау құрылғысы болмаған кезде инватаксидің алдыңғы отырысында инватакси тасымалдауға жол берілмейді.

Ескерту. 4-тарау 26-1-тармақпен толықтырылды - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

26-2. Жергілікті атқарушы орган ай сайын есепті кезеңнен кейінгі айдың 5-күніне дейінгі мерзімде осы Қағидаларға 2-қосымшаға сәйкес нысан бойынша инватаксидің орындалған жұмыстарын растайтын мүгедектігі бар адамдардың нақты қолдары, сондай-ақ көрсетілетін қызметтердің сапасы мен санын растау үшін мүгедектігі бар адамдардың өтінімдерінің жазбалары бар маршруттық парақтарды жинауды жүзеге асырады.

Ескерту. 4-тарау 26-2-тармақпен толықтырылды - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жергілікті атқарушы органдардың инватакси қызметтеріне ақы төлеуі автомобиль көлігінің тәулігіне сағатпен (машина-сағатпен) өлшенген нақты жұмыс уақытын негізге алады.
Мүгедектігі бар адамдарға және мүгедектігі бар балаларға инватакси қызметін көрсетуге көрсеткіштер мыналар болып табылады:

1) "Мүгедектігі бар адамды абилитациялау мен оңалтудың жеке бағдарламасына сәйкес жүріп-тұруы қиын бірінші топтағы мүгедектігі бар адамдар үшін жеке көмекшінің қызметтерін ұсыну қағидаларын бекіту туралы" Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы № 288 бұйрығына (Нормативтік құқықтық актілерді мемлекеттік тіркеу тізілімінде № 32994 болып тіркелген) 1-қосымшаға сәйкес жеке көмекшінің қызметтерін ұсынуға медициналық көрсетілімдер мен қарсы көрсетілімдер;

2) "Мүгедектігі бар адамды абилитациялаудың және оңалтудың жеке бағдарламасына сәйкес мүгедектігі бар адамдарды протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен, оларды ауыстыру мерзімдерін қоса алғанда, қамтамасыз ету қағидаларын бекіту туралы" Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы № 287 бұйрығына (Нормативтік құқықтық актілерді мемлекеттік тіркеу тізілімінде № 32993 болып тіркелген) 2-қосымшаның 5-тармағына сәйкес протездік-ортопедиялық көмекті, техникалық көмекші (компенсаторлық) құралдарды және арнаулы жүріп-тұру құралдарын беруге медициналық-әлеуметтік көрсетілімдер мен қарсы көрсетілімдер;

3) құрылымында психикалық тұрақты мінез-құлықтағы анағұрлым бұзылысы бар, "Аутистік спектрдің бұзылуы F84.0-F84.5" диагнозы, "Ақыл-ой кемістігі F70-F79" диагнозы, Даун синдромы Q90 (Q90.0, Q90.1, Q90.2, Q90.9), жамбас пен жамбастың жасөспірімдік остеохондрозы M91 (М91.0, М91.1, М91.2, М91.3, М91.8, М91.9), көз ауруы және оның қосымша аппараты H00-H59, сүйек ақауынан туындаған туа біткен сколиоз Q76.3, бас жарақаттарының салдары Т90 (Т90.0, Т90.1, Т90.2, Т90.3, Т90.4, Т90.5, Т90.8, Т90.9), сирингомиелия G95.0, туа біткен ауытқулар, деформациялар және хромосомалық бұзылулар Z87.7, 4 дәрежелі созылмалы бүйрек жеткіліксіздігі, екі жақты уретрогидронефроз N18.8, өткізгіш және нейросенсорлық есту қабілетінің жоғалуы Н90, басқа есту қабілетінің жоғалуы Н91, қатерлі ісіктер C00-C97, дистония G24, тұқым қуалайтын атаксия G11, жұлынның бұлшыкет атрофиясы және онымен байланысты синдромдар G12, бұлшыкеттің алғашқы зақымдануы G71, шашыраңқы склероз G35, полиневропатия және басқа перифериялық жүйке жүйесінің зақымдануы G60-G64, spina bifida (жұлын каналының толық жабылмауы) Q05 (Q05.0, Q05.1, Q05.2, Q05.3, Q05.4, Q05.5, Q05.6, Q05.7, Q05.8, Q05.9), негізгі ергежейлілікпен көрінетін туа біткен ауытқулар синдромдары Q87.1, аяқ-қолдардың басқа жүре пайда болған деформациялары M21, бұлшыкеттің басқа бұзылыстары M62, цереброваскулярлық аурурлардың салдары I69, жамбас сүйгінің сынуы S72, басқа айдарларда жіктелмеген жарақаттан кейінгі жара инфекциясы T79.3, төменгі аяқ-қол жарақаттарының салдары T93, жүйке жүйесінің аурулары G00-G99, жүйке жүйесі мен сезім мүшелерінің ауруының жеке анамнезде Z86.6, орталық жүйке жүйесінің басқа анықталған зақымданулары G96.8, шизофрения F20, микроцефалия Q02, мидың басқа нақтылған туа біткен ауытқулары Q04.8, гиперинсулинизм, жүйке жүйесінің басқа бұзылыстары G90-G99, эпилепсия G40 (G40.1, G40.2, G40.3, G40.4), церебральды сал ауруы G80 (G80.0, G80.1, G80.2, G80.3, G80.4, G80.5, G80.6, G80.7, G80.8, G80.9), басқа паралитикалық синдромдар G83, myasthenia gravis және жүйке-бұлшыкет синапсының басқа бұзылыстары G70, жұлының бұлшыкет атрофиясы және онымен байланысты синдромдар G12, басқа миопатиялар G72, сколиоз М41 (М41.0, М41.1, М41.2, М41.3, М41.4, М41.5, М41.8, М41.9).

Ескерту. 28-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); өзгеріс енгізілді - ҚР Көлік министрінің м.а. 19.06.2025 № 191 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

Бірінші, екінші немесе үшінші топтағы мүгедектігі бар адамдар мен балаларға (оның ішінде 7 жасқа дейінгі) инватакси қызметін ұсыну үшін мүгедектіктің белгілеу мерзіміне арналған дәрігерлік-консультациялық комиссияның қолданыстағы қорытындысы негіз болып табылады.

Қызметті алу үшін мүгедектігі бар адам инватакси қызметін көрсететін ұйымға мынадай құжаттарды ұсынуы қажет:

1) өтініш (еркін нысанда);

2) жеке басын куәландыратын құжат немесе туу туралы куәлік;

3) "Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген 026/е нысаны бойынша дәрігерлік-консультациялық комиссияның қорытындысы;

4) "Медициналық-әлеуметтік сараптама жүргізу қағидаларын бекіту туралы" Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 29 маусымдағы № 260 бұйрығына (Нормативтік құқықтық актілерді мемлекеттік тіркеу тізілімінде № 32922 болып тіркелген) 19-қосымшаға сәйкес нысан бойынша мүгедектік туралы анықтама.

2), 3) және 4) тармақшаларда көрсетілген құжаттар салыстыру үшін түпнұсқаларда және көшірмелерде ұсынылады, содан кейін құжаттардың түпнұсқалары мүгедектігі бар адамға қайтарылады.

Жеке және заңды тұлғаларға цифрлық құжаттар сервисі арқылы пайдаланылатын және ұсынылатын жеке басты куәландыратын құжаттар қағаз жеткізгіштегі құжаттарға тең.

Медициналық мекемеде (емханада) мүгедек баланың немесе мүгедектігі бар адамның негізгі және (немесе) ілеспе диагнозына сәйкес келетін бейінді маман болмаған кезде медициналық мекеменің (емхананың) дәрігерлік-консультациялық комиссиясы тиісті біліктілігі мен медициналық қызметке лицензиясы бар жеке бейінді маманның қорытындысын негізге алады.

Ескерту. 29-тармақ жаңа редакцияда - ҚР Көлік министрінің м.а. 19.06.2025 № 191 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Инватакси қызметтері белгіленген Тізбеге сәйкес көрсетіледі.
Тізбені және инватакси қызметін алушылар санатын жергілікті бюджеттің мүмкіндігі ескеріле отырып, жергілікті атқарушы органдардың шешімі бойынша кеңейтуге жол беріледі.
Инватакси қызметтері жұмыс, оқу кестесіне, сондай-ақ мектепке дейінгі ұйымның жұмыс кестесіне сәйкес мүгедектігі бар адамдар болып табылатын жұмыс істеушілерге, білім алушыларға, мектепке дейінгі ұйымдардың тәрбиеленушілеріне бірінші кезектегі тәртіппен ұсынылады. Мүгедектігі бар өзге адамдарға инватакси қызметтері олардың жүгіну тәртібімен ұсынылады. Мүгедектігі бар адамдарды инватаксимен тасымалдау маршруттық параққа сәйкес жүзеге асырылады.

Ескерту. 32-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Инватакси қызметтерін алу үшін өтінім жоспарланған сапар күніне дейін бір күн бұрын инватакси қызметін көрсететін ұйымға телефон арқылы беріледі.
Инватакси қызметтерін көрсету тапсырыс қабылдау, мүгедектігі бар адамды қарсы алу, орналасқан жерден инватаксиге дейін мүгедектігі бар адамды тасымалдауға жәрдемдесу (еріп жүретін адам болмаған жағдайда), сондай-ақ отырғызуға/түсіруге (қажет болған жағдайда), багажды тиеу/түсiруге (қажет болған жағдайда), мүгедектігі бар адамды және еріп жүретін адамды (болған жағдайда) өтінімде көрсетілген межелі орынға дейін жеткізу кіреді.
Тапсырыс беру кезінде мүгедектігі бар адам мынадай деректерді: тегін, атын, әкесінің атын (ол болған жағдайда), сапар күнін және уақытын, белгіленген пункттің нақты мекенжайын, тапсырыс берушімен байланысу үшін телефонын, өзге де қосымша ақпаратты (жолаушылардың санын, жүк көлемін және жай-күйін, поездың, автобустың, әуе кемесінің келу/кету уақытын) береді.
Диспетчер инватакси маршрутын жасау кезінде өтінім уақытын түзетеді және оны мүгедектігі бар адаммен келіседі.
Қызметтерді көрсету кезінде инватаксидің жүру бағыты бойынша бір мезгілде бірнеше мүгедектігі бар адамдардың өтінімін орындауға жол беріледі.
Өтінімді алып тастаған жағдайда мүгедектігі бар адам тапсырыстың белгіленген уақытына дейін бір сағаттан кешіктірмей диспетчерлік қызметке хабарлайды.
Инватакси тапсырыс орнына келгені туралы хабарланғаннан кейін инватакси мүгедектігі бар адамды 20 минут күтеді. Мүгедектігі бар адам көрсетілген уақытта келмесе, тапсырыс алынады және өтінім орындалды деп есептеледі.
Маршрут бағыты өзгертілген жағдайда мүгедектігі бар адам тапсырыстың белгіленген уақытына дейін бір сағаттан кешіктірмей диспетчерге телефон арқылы хабарлайды. Сапар мекенжайының өзгеруі инватакси маршрутымен сәйкес келмесе, диспетчер мүгедектігі бар адамға тапсырыс беру мекенжайын өзгертуден бас тартады.
Мүгедектігі бар адам белгіленген уақыттан кешігетін болса, ол тапсырыстың белгіленген уақытына дейін бір сағаттан кешіктірмей диспетчерге телефон арқылы хабарлайды. Диспетчер тапсырыс уақытын ауыстырады немесе мүгедектігі бар адамның кешігуі себебімен инватакси қызметтерін көрсету кестесіне кедергі келтірсе, тапсырысты алып тастайды.
Инватакси салонында мүгедектігі бар адамға арналған бір орынға 20 килограмм салмақтан аспайтын багажды тасымалдауға рұқсат беріледі.
Осы Қағидалардың 28-тармағына сәйкес мүгедектігі бар адам немесе мүгедектігі бар бала сапарда бір адаммен бірге жүреді. Еріп жүретін адамға сапар тегін.

Өз бетінше жүріп-тұру мүмкіндігі жоқ және (немесе) осы Қағидалардың 28-тармағының 3) тармақшасына сәйкес медициналық көрсетілімдері бар мүгедектігі бар адам ілесіп жүретін адам болған кезде инватаксиді тасымалдауға жол беріледі.

Мүгедектігі бар бала ата-анасының және (немесе) оның заңды өкілінің сүйемелдеуімен инватаксимен тасымалдауға жол беріледі.

Осы Қағидалардың 28-тармағына сәйкес инватакси қызметін көрсетуге көрсетілімдері жоқ және (немесе) ілеспе тұлға болып табылмайтын бөгде адамдарды инватаксимен тасымалдауға жол берілмейді.

Ескерту. 43-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Межелі пунктке келгеннен кейін инватакси жүргізушісінің маршруттық парағына мүгедектігі бар адам қол қояды, мүмкіндік болмаған жағдайда, дене функцияларының бұзылуына байланысты ілесіп жүретін адам қол қояды. Мүгедектігі бар бала үшін маршруттық параққа ата-анасы және (немесе) оның заңды өкілі қол қояды.

Ескерту. 44-тармақ жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Адамның өтініші бойынша бордюр, саты, баспалдақ және басқа да тосқауылдардан өтуге көмек көрсету түріндегі кедергілерден жүргізушінің келісімімен ғана орындалады.
Жүргізуші салонда қалып қойған, ұмытылған мүгедектігі бар адамдардың заттарының сақталуына жауап бермейді.

Автомобиль көлігімен
мүгедектігі бар адамдарды
тасымалдау жөнінде қызметтер
көрсету қағидаларына
1-қосымша

Инватакси қызметтерін көрсетуге арналған объектілердің және белгіленген пункттердің тізбесі

Ескерту. 1-қосымша жаңа редакцияда - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1) мүгедектігі бар адамның жұмыс орны;

2) мүгедектігі бар адамның оқу орны;

3) жергілікті өкілді және атқарушы органдар;

4) сот, прокуратура;

5) әлеуметтік инфрақұрылым объектілері;

6) заң консультациялары;

7) нотариус;

8) медициналық мекемелер (жедел (шұғыл) медициналық көмекті көрсету жағдайларды қоспағанда);

9) әуежайлар, теміржол вокзалдары, автовокзалдар, теңіз және өзен порттары;

10) арнайы әлеуметтік қызметтерді көрсететін ұйымдар;

11) мүгедектігі бар адамдардың қажеттіліктері үшін массаж қызметтерін көрсететін ұйымдар.

Автомобиль көлігімен
мүгедектігі бар адамдарды
тасымалдау жөнінде қызметтер
көрсету қағидаларына
2-қосымша

Маршрут парағы

Ескерту. Қағидалар 2-қосымшамен толықтырылды - ҚР Көлік министрінің м.а. 04.11.2024 № 361 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Инватакси қызметін көрсететін ұйымның атауы _______________________

_________________________________________________________________

Инватаксиді тасымалдау күні (күні, айы, жылы) _______________________

№ р/н

Мүгедектігі бар адам

Инватакси сапарының бағыты

Мүгедектігі бар адамға инватаксимен қызмет көрсету уақыты

Тегі, аты, әкесінің аты (болған жағдайда оның болуы)

Телефон нөмірі

Қолы

Бастапқы жөнелту пункті

Соңғы межелі пункті

Инватаксидің келу уақыты, сағат / минут

Мүгедектігі бар адамды отырғызу уақыты, сағат / минут

Мүгедектігі бар адамды түсіру уақыты, сағат / минут

...

Жүргізуші _______________________________________________ Жүргізушінің қолы

(тегі, аты, әкесінің аты (бар болса)

Диспетчер _______________________________________________ Диспетчердің қолы

(тегі, аты, әкесінің аты (бар болса)

Дата публикации

28 июля 2025