Қазақстан Республикасы Қаржы министрлігінің Ішкі мемлекеттік аудит комитетінің Ақмола облысы бойынша ішкі мемлекеттік аудит департаменті "Онлайн бюджеттік мониторинг" модулі арқылы жалақы төлеудің жүргізілген мониторингінің нәтижелері
Қазақстан Республикасы Қаржы министрлігінің Стратегиялық жоспары шеңберінде Ақмола облысы бойынша ішкі мемлекеттік аудит департаменті (Одан әрі - "Департамент") бұзушылықтарды уақтылы анықтау және жолын кесу, Ақмола облысының мемлекеттік органдары мен квазимемлекеттік сектор объектілерінің бюджет қаражатын толық және уақтылы игеруге бағытталған ішкі процестердің тиімділігін арттыру бойынша белгілі бір жұмыс жүргізуде.
Барлық аудиторлық тексерулер тәуекелдерді басқару жүйесіне негізделген және бұзушылықтарды ғана емес, олардың пайда болу себептерін де анықтауға және уақтылы жоюға бағытталған.
Жедел ден қою шараларын қабылдау және бюджет қаражатының тиімсіз және негізсіз пайдаланылуын болғызбау мақсатында қазынашылық органдары әзірлеген тәуекелдер бейіндерінің негізінде алынған тәуекелдік төлемдер мен шарттар талданады.
Білім беру, денсаулық сақтау, мәдениет және спорт саласындағы жалақыны төлеуге бағытталған бюджет қаражатының пайдаланылуын бақылауды күшейту мақсатында Ішкі мемлекеттік аудит комитеті (бұдан әрі - Комитет) "Онлайн бюджеттік мониторинг" Модулінің (бұдан әрі-ОБМ) функционалын кеңейтті.
Департамент 2025 жылғы 1 қаңтардан 21 мамырға дейінгі кезеңде жалақыны өтеу арқылы төлеуге мониторинг жүргізді және жалпы сомасы 1 млрд 554 млн теңгеге 4344 тәуекел төлемдері (1177 жеке тұлға) бойынша барлығы 227 ден қою хаттары (хабарламалар) жолданды, оның ішінде:
- білім беру саласында-жалпы сомасы 1 млрд. 443 млн. теңгеге 4040-ші тәуекел төлемдері (1043 жеке тұлға) бойынша 175 хабарлама;
- дене шынықтыру және спорт саласында-жалпы сомасы 75 млн 335 мың теңгеге 223 тәуекел төлемі бойынша 26 хабарлама (75 жеке тұлға);
- мәдениет саласында-жалпы сомасы 15 млн 021 мың теңгеге 35 тәуекел төлемі бойынша 19 хабарлама (29 жеке тұлға).
"Карт-шот бойынша жеке тұлға деректерінің сәйкес келмеуі" бейіні бойынша 34 тәуекел төлемінің ішінде тәуекелдің ең көп бөлігі Шортанды ауданының мәдениет объектілеріне тиесілі екенін атап кеткені жөн.
Сондай-ақ, денсаулық сақтау саласында-жалпы сомасы 20 млн 685 мың теңгеге 46 тәуекелді төлем (30 жеке тұлға) бойынша 7 хабарлама жолданған.