БЕКІТЕМІН
Қарабұлақ ауылының әкімі
___________М. Исмағұлов
Қарабұлақ ауылының азаматтық жиынының
ХАТТАМАСЫ
15-00 сағат 20.11.2023 ж.
Төрағалық етуші:
Степногорск қаласының әкімі - А. Қайыржанов
Қатысқандар: Қарабұлақ ауылының әкімі – Мұсылманбек Баукенұлы Исмағұлов, мемлекеттік органдардың басшылары, құқық қорғау органдарының өкілдері, Степногорск қалалық санитарлық-эпидемиологиялық бақылау басқармасының басшысы, «Viamedis» ЖШС басшысы, жергілікті қоғамдастық құрамы және Қарабұлақ ауылының тұрғындары.
Барлығы: 50 адам қатысты
КҮН ТӘРТІБІ:
Қарабұлақ ауылының әкімі Мұсылманбек Баукенұлы Исмағұлов 2023 жылдың 4 тоқсандағы Қарабұлақ ауылының әлеуметтік-экономикалық дамуы туралы есеп берді. Есеп беру барысында атқарылған жұмыстар, аяқталмаған жұмыстар және ауылдағы проблемалық мәселелер туралы айтылды.
Есеп беру кездесуі барысында келесі сұрақтар келіп түсті:
Сұрақ: Б.А.Бейсенбеков – «Береке» шаруа қожалығының малы ауылдың маңында жайылады, жайылым жерге неге мал жаймайды?
Жауап: Ж.Ж. Омаров - Ірі қара малдар төлдеп төлін суалту үшін сиырлардың бұзаулары, ұсақ малдардың төлдері ширағанша «Береке» шаруа қожалығының малдары уақытша ауыл маңында болды.
Сұрақ: А.М.Сатыбаева – №1 «Степногрск- Қарабұлақ» бағыты бойынша таңғы уақытта, демалыс күндері жүру кестесін өзгертуді сұраймыз?
Жауап: Т. Қ. Жексембин- бұл ұсыныс тасымалдау ұйымымен бірге қарастырылатын болады.
Сұрақ: З.Н. Капезова - құлын жоғалды жылқышылар неге жауапсыз қарайды?
Жауап: А. Қ. Қайыржанов - Қарабұлақ ауылының учаскелік инспекторына бұл мәселені қарастырылу берілді.
Сұрақ: Л.Ф. Арсентьева - Қарабұлақ ауылына спорт зал керек?
Жауап: А.Қ. Қайыржанов – Бұл мәселе МҮ салынып болған соң қарастырылатын болады.
Сұрақ: М. Н. Батталова – кітапхана өте суық?
Жауап: А.Қ. Қайыржанов – «Степногорск қаласының мәдениет, тілдерді дамыту, дене тәрбиесі және спорт бөлімі» ММ басшысы А.Қ.Тұқмағанбетовқа терезелерді ауыстыру және жылыту жүйесі үшін 2024 жылға ЖСҚ дайындалсын.
Сұрақ: Ж.Ж.Омаров – Неліктен субсидиялауға өтінімдерді қарау (шығындарды өтеу, құрғақшылық және т. б.) ұзаққа созылады?
Жауап:А.Қ. Қайыржанов - «Жер қатынастары және ауыл шаруашылығы бөлімі» ММ басшысы Д.Қ.Оспановқа бұл мәселені Ақмола облысының Ауыл шаруашылығы басқармасымен бірлесіп қарастырылу берілді.
Сұрақ: Ж.Ж.Омаров – Жыл сайын ауыл шаруашылық жерлерінде жылқылар егінге, шөпке түсуде, табыншылар тарапынан бақылау неге жоқ?
Жауап: А.Қ.Қайыржанов - Қарабұлақ ауылының учаскелік инспекторы бақылауға алынсын.
Сұрақ: «Время» шаруа қожалығы - А.И.Мишустин – Ауыл шаруашылығы жерлеріне К. Елеусизов деген азаматтың жылқылары егінге, шөпке түсуде? К.Елеусізовқа шара қолдануыңызды сұраймыз.
Жауап:А.Қ.Қайыржанов - Қарабұлақ ауылының учаскелік инспекторына бұл мәселені қарастырылу берілді.
Хаттаманы жүргізген бас маман А.Санах
Қарабұлақ ауылының азаматтық жиынының ХАТТАМАСЫ 20.11.2023 ж.