Ведомствоаралық өзара іс-қимылды талдау
| Нысаналы индикатордың атауы / нәтиже көрсеткіші | Бірлесіп орындаушы орган | Іс-қимылды талдау |
| 1 | 2 | 3 |
| «Құрылыс жұмыстарының нақты көлем индексі» НИСтепногорск қаласында 45 пәтерлі тұрғын үй салу (4-позиция) | ҚжСҚҚБ, ҚБ | Ақмола облысының құрылыс Басқармасы арқылы алынған республикалық және облыстық бюджеттерден берілетін трансферттер есебінен. Нысан 2020 жылдың қараша айында пайдалануға берілді. Бөлінген қаражат 100% игерілді.. |
Бірлесіп орындаушы органның әрекеті немесе әрекетсіздігі нәтижесінде жетпеген нысаналы индикаторлар туралы ақпарат жоқ.
Сыртқы әсер етуді талдау
| Сыртқы әсер факторлары және олардың нысаналы индикаторларға қол жеткізуге әсері / нәтиже көрсеткіші | Қабылданған шаралар |
| 1 | 2 |
| 2020 жылы нысаналы индикаторларға/нәтиже көрсеткіштеріне қол жеткізуге COVID-19 коронавирустық инфекциясының пандемиясына байланысты шектеу шаралары әсер етті, бұл нысаналы индикаторлардың жекелеген жоспарлы мәндерінің: «Өнеркәсіп өндірісінің индексі», «Өңдеуші өнеркәсіптің өнеркәсіптік өндіріс индексі» орындалмауына әкеп соқты. | |
Қаржы қаражатын игеру
| Қаржыландыру көзі | Жоспар,млн. теңге | Нақты,млн. теңге | Пайдаланбау себептері |
| 1 | 2 | 3 | 4 |
| Жергілікті бюджет | 8193,5 | 8192,7 | Мемлекеттік сатып алу нәтижелері бойынша және еңбекақы төлеу қоры бойынша үнемдеу. |
| Республикалық бюджет | 2246,5 | 2246,5 | |
| Басқа көздер | 31490 | 31995,7 | |
| Барлығы | 41930 | 42434,9 |
Аналитикалық жазба
Бағдарламалық құжаттың деректемелері:
Атауы: Степногорск қаласының аумағын дамытудың 2016-2020 жылдарға арналған бағдарламасы (бұдан әрі – Бағдарлама).
Бекітілген: Степногорск қалалық мәслихатының 2019 жылғы 24 желтоқсандағы № 6С-48/4 шешімі.
Мемлекеттік орган: «Степногорск қаласының кәсіпкерлік бөлімі» ММ
Жүргізілген талдау қорытындысы
Степногорск қаласының аумағын дамытудың 2016-2020 жылдарға арналған бағдарламасында 16 мақсат, 34 нысаналы индикатор көзделген, оның ішінде 2020 жылдың қорытындысы бойынша (2021 жылғы 31 қаңтардағы жағдай бойынша) 25 нысаналы индикаторға қол жеткізу байқалады, 6 нысаналы индикаторларға қол жеткізілмеген, 3 нысаналы индикатор орындалуда.
Оның ішінде «Өңір экономикасын дамыту» 1- бағыты бойынша 2020 жылға 5 мақсат, нысаналы индикаторлардың 7 жоспарлы мәні көзделген. Нысаналы индикаторлардың 4 жоспарлы мәніне қол жеткізілді, 1 нысаналы индикатордың жоспарлы мәні орындалуда (Ақмола облысының инфрақұрылымдық даму, мемлекеттік сатып алу бағдарламаларының жобаларын іске асыру шеңберінде тауарларды сатып алуда жергілікті қамту үлесін ұлғайту-Қазақстан Республикасының 2017 жылғы 27 желтоқсандағы № 125-VI «Жер қойнауы және жер қойнауын пайдалану туралы» кодексінің 195 және 215-баптарына сәйкес жер қойнауын пайдаланушылардың қатты пайдалы қазбаларды барлау және өндіру жөніндегі операцияларды жүргізу кезіндегі есептілігі жыл сайын алдыңғы күнтізбелік жыл үшін әрбір жылдың отызыншы сәуірінен кешіктірілмей ұсынылады. Қатты пайдалы қазбаларды барлау және өндіру жөніндегі операцияларды жүргізу кезіндегі жер қойнауын пайдаланушылардың жылдық есептілігі әрбір жылдың мамыр айының екінші онкүндігінде қалыптастырылады. Нақты орындау ағымдағы жылдың мамыр айында есептелетін болады).
«Әлеуметтік сала» 2-бағыты бойынша бағдарламада 6 мақсат, нысаналы индикаторлардың 14 жоспарлы мәні көзделген. Нысаналы индикаторлардың 10 жоспарлы мәніне қол жеткізілді, 1 нысаналы индикатордың жоспарлы мәні орындалуда (өткен жылмен салыстырғанда өңірдегі орналастыру орындарымен қызмет көрсетілген келушілер санының артуы-2020 жылғы статистикалық деректер 2021 жылғы наурызда қалыптастырылады).
«Қоғамдық қауіпсіздік және құқық тәртібі» 3 - бағыты бойынша нысаналы индикаторлардың 1 мақсаты, 3 жоспарлы мәні қарастырылған. Нысаналы индикаторлардың 3 жоспарлы мәніне қол жеткізілді.
«Инфрақұрылым» 4 - бағыты бойынша нысаналы индикаторлардың 3 мақсаты, 9 жоспарлы мәні қарастырылған. Мақсатты индикаторлардың 7 жоспарлы мәніне қол жеткізілді, 1 нысаналы индикатордың жоспарлы мәні (бір тұрғынға тұрғын үймен қамтамасыз ету-статистикалық деректер қалыптасуда).
«Экология» 5- бағыты бойынша нысаналы индикаторлардың 1 мақсаты, 1 жоспарлы мәні қарастырылған. Нысаналы индикаторлардың 1 жоспарлы мәніне қол жеткізілді.
Соңғы нәтижелерге әсер еткен орындалмау себептері мен факторлары:
Нысаналы индикаторлардың 6 жоспарлы мәніне қол жеткізілмеген, оның ішінде:
«Өнеркәсіп өндірісінің индексі» НИ жоспар бойынша 102%, нақты 95,4%, жоспарлы көрсеткішке қол жеткізбеу «Қазатомөнеркәсіп» ҰАК» ЖШС-ға қайта өңдеуге жеткізетін құрамында уран бар шикізатты жеткізудің 18% - ға азаюымен, «ЕПК Степногорск» АҚ-дағы подшипниктерге тапсырыстар көлемінің 31% - ға төмендеуімен байланысты. «Өңдеу өнеркәсібінің өнеркәсіптік өндіріс индексі» НИ жоспар бойынша 102%, нақты 89,6%, жоспарлы көрсеткішке қол жеткізбеу «Қазатомөнеркәсіп» ҰАК» ЖШС-ға қайта өңдеуге жеткізетін құрамында уран бар шикізат жеткізілімінің 18% - ға азаюымен, «ЕПК Степногорск» АҚ-дағы подшипниктерге тапсырыстар көлемінің 31% - ға төмендеуімен байланысты. «Нәрестелердің өлім-жітімі» НИ тірі туған 1 мың балаға шаққандағы жағдайлар саны жоспар бойынша 3,2 нақты 7,4, жоспарлы көрсеткішке қол жеткізбеу дене салмағы өте төмен және туа біткен ақаулары бар терең шала туылған нәрестелердің дүниеге келуімен байланысты. «Жұмыспен қамтуға жәрдемдесудің белсенді шараларына тартылған атаулы әлеуметтік көмек (шартты ақшалай көмек) алушылардың үлес салмағы» НИ жоспар бойынша 22,3%, нақты 21,4%, жоспарлы көрсеткішке қол жеткізбеу 2020 жылы АӘК 580 адам, оның ішінде 18 жасқа дейінгі 386 бала (зейнеткерлер, студенттер, мүгедектер, 3 жасқа дейінгі бала күтімі бойынша әйелдер) алғандығымен байланысты, оларды жұмыспен қамтудың белсенді нысандарына тарту мүмкін емес. «Халықтың спорттық инфрақұрылыммен қамтамасыз етілуі, 1000 адамға арналған спорт алаңдарының саны» НИ жоспардағы 54,7%, нақты 51,2%, жоспарлы көрсеткішке қол жеткізбеу мәдениет және спорт Министрлігінің спорт объектілеріндегі нормативтік қамтамасыз етуді айқындаған кезде «мың ш.м. 1000 адам» есептеу формуласында «70 ш. м.» -ді «80 ш. м.»-ге ауыстыруға байланысты, осыған сәйкес есептеу формуласы бойынша көрсеткіштерге түзету енгізілді. «Пайдалануға берілген тұрғын үй ғимараттарының жалпы ауданы» НИ, жоспар бойынша 13 мың ш.м., нақты 9,5 мың ш. м., жоспарлы көрсеткішке қол жеткізбеу 2019 жылы 7 ш. а. №52,. 7 ш. а., 43/3КПТҮ пайдалануға енгізілуіне байланысты.
Нысаналы индикаторлардың жоғарыда келтірілген 6 жоспарлы мәндерінің орындалмауы объективті себептер бойынша қалыптасты, бұл Степногорск өңірінің әлеуметтік – экономикалық дамуына елеулі әсер етпеді.
Бюджеттік инвестицияларды іске асыруға байланысты құжатты іске асыру жөніндегі іс-шаралардың орындалу дәрежесін айқындау жөніндегі көшпелі іс-шаралардың нәтижелері туралы мәліметтер:
Іске асырылып жатқан әлеуметтік және тұрғын үй мақсатындағы жобалардың дайындығын анықтау мақсатында 2020 жылы көшпелі іс-шаралар өткізілді. Анықталған ескертулер жұмыс комиссиясының қорытындысына қол қою барысында жойылды, нәтижелері бойынша объектілерді пайдалануға қабылдау жүзеге асырылды.
Орындалған және орындалмаған іс-шаралар туралы ақпарат:
Степногорск қаласының аумағын дамытудың 2016-2020 жылдарға арналған бағдарламасын іске асыру жөніндегі іс-шаралар жоспарында 93 іс-шара қарастырылған, оның ішінде 87 іс-шара орындалды, 5 іс-шара орындалуда, 1 іс-шара орындалмады.
«Өңір экономикасын дамыту» 1 бағыты бойынша 19 іс-шараны іске асыру көзделген, олар бойынша 13 іс-шара орындалды, 5 іс-шара орындалуда, 1 іс-шара орындалмады:
Іс-шара: «Машина жасауды мемлекеттік сатып алудағы жергілікті қамту үлесін ұлғайту» жоспар бойынша 16,9 %, нақты 0%, жоспарлы көрсеткішке қол жеткізбеу машина жасау тауарлары сатып алынбағанына байланысты.
Орындаудағы іс-шаралар:
Бордақылау алаңын салу (1 кезең), «KBS LTD» ЖШС - жобаны 2021 жылдың 4 тоқсанында іске асыру жоспарлануда; ІҚМ үшін жем-шөп дақылдарын өндіру (1 кезең) «Kusto Farming» ЖШС-жобаны іске асыру 2021 жылдың 4 тоқсанында жоспарлануда; Экологиялық таза өнім алу үшін симментал тұқымды ІҚМ басын өсіру, «Biolife» ЖШС-жобаны 2022 жылы іске асыру жоспарлануда; Экологиялық таза азық-түлік өнімдерінің органикалық өндірісі: соя және рапс, «Biolife» ЖШС-жобаны 2021 жылы іске асыру жоспарлануда; ҰҚМ өсіруді ұйымдастыру, «Hot & Cold» ЖШС - жобаны 2021 жылы іске асыру жоспарлануда.
«Әлеуметтік сала» 2- бағыты бойынша іске асыруға 18 іс-шара қарастырылған, орындауға 100% қол жеткізілген;
«Қоғамдық қауіпсіздік және құқық тәртібі» 3 бағыты бойынша іске асыруға 3 іс-шара қарастырылған, орындауға 100% қол жеткізілген;
«Инфрақұрылым» 4- бағыты бойынша 51 іс-шараны іске асыруға көзделген, орындауға 100% қол жеткізілген;
«Экология» 4 - бағыты бойынша іске асыруға 2 іс-шара қарастырылған, орындауға 100% қол жеткізілген.
Бөлінген қаржы қаражатының игерілуі туралы ақпарат:
Бағдарламаны іске асыру үшін барлық көздерден 2020 жылы бюджетті нақтылауды ескере отырып 41 931 млн. теңгені игеру жоспарланған, іс жүзінде 42 434,9 млн. теңге игерілді, оның ішінде:
1) республикалық бюджет есебінен 2 246,5 млн.теңге қарастырылды, 2 246,5 млн. теңге игерілді, орындалуы 100%.
2) жергілікті бюджет есебінен 8 193,5 млн.теңге қарастырылып, 8 192,7 млн. теңге игерілді, орындалуы 100%.
3) өз қаражаты және басқа да көздер есебінен 31 490 млн. теңгені игеру жоспарланған, 31 995,7 млн. теңге игерілді, орындалуы 101,6%, «Ақсу өнеркәсіптік алаңында құрамында алтыны бар кенді қайта өңдеу бойынша өнімділігі жылына 5 млн тонна алтын өндіру фабрикасының құрылысы» инвестициялық жобасын іске асыру есебінен асыра орындау («Ақсу Technology»ЖШС).
Құжатты іске асыруға қатысатын әртүрлі тараптардың өзара іс-қимылын талдау:
Іске асыру басталғаннан бері бағдарламаға 4 рет өзгерістер енгізілді:
- Моноқалаларды дамытудың 2012-2020 жылдарға арналған бағдарламасы шеңберінде Степногорск қаласының әкімдігі 2016 жылғы шілдеде өзектендірумен қаланы дамытудың Кешенді жоспарын әзірледі. ҚР Ұлттық экономика Министрлігінің хатына сәйкес Степногорск қаласының кәсіпкерлік бөлімі Степногорск қаласының 2015-2017 жылдарға арналған кешенді даму жоспарын Степногорск қаласының аумағын дамытудың 2016-2020 жылдарға арналған бағдарламасына біріктіру бөлігінде жұмыс жүргізді. Өзгерістер Степногорск қалалық мәслихатының 2017 жылғы 19 қаңтардағы № 6С-14/2 шешімімен енгізілді.
- Степногорск қалалық мәслихатының 2017 жылғы 21 желтоқсандағы № 6С-24/6 шешімімен бағдарламаға Ақсу кентінде және Бестөбе кентінде «Қазақалтын Technology» ЖШС алтын өндіру фабрикаларының құрылысы бойынша 2 «зәкірлік» инвестициялық жоба енгізілді.
- Степногорск қалалық мәслихаты сессиясының шешімімен 2018 жылғы 4 мамырдағы № 6С-27/5 бағдарламасына өзгерістер енгізілді (Ақмола облысы бойынша Тексеру комиссиясының 2018 жылғы 13 сәуірдегі №2 аудиторлық есебі бойынша).
- Қазақстан Республикасы Ұлттық экономика министрінің 2018 жылғы 18 желтоқсандағы №104 бұйрығымен, Ақмола облысының экономика және бюджеттік жоспарлау басқармасы басшысының 2019 жылғы 12 желтоқсандағы №31-О «аудандар мен Көкшетау және Степногорск қалаларының аумақтарын дамыту бағдарламаларының нысаналы индикаторларының тізбесін бекіту туралы» бұйрығымен және Степногорск қалалық мәслихаты сессиясының шешімімен бекітілген жаңа базалық көрсеткіштер тізбесіне 2019 жылғы 24 желтоқсандағы № 6С-48/4 бағдарламаға өзгеріс енгізілді.
2021 жылы Степногорск қаласының аумақтарын дамытудың 2016-2020 жылдарға арналған Бағдарламасының іс-шаралар жоспарына өзгерістер енгізілді Степногорск қаласы әкімдігінің 2021 жылғы 25 қаңтардағы № А-1/11 қаулысымен.
Құжаттың іске асырылу барысына ортаның сыртқы әсерін талдау:
2020 жылы нысаналы индикаторларға/нәтиже көрсеткіштеріне қол жеткізуге covid-19 коронавирустық инфекциясының пандемиясына байланысты шектеу шаралары әсер етті, бұл нысаналы индикаторлардың жекелеген жоспарлы мәндерінің: «Өңдеуші өнеркәсіптің өнеркәсіптік өндіріс индексі», «Өңдеуші өнеркәсіптің өнеркәсіптік өндіріс индексі» орындалмауына әкеп соқты.
Жүргізілген бақылау іс-шаралары туралы мәліметтер:
2020 жылы Ақмола облысы бойынша Тексеру комиссиясымен 2020 жылғы 26 маусымдағы бақылау іс-шаралары өткізілді (аудиторлық қорытынды №2).
Бағдарламалық құжатты іске асыру қорытындылары туралы қорытындылар:
2020 жылға арналған бағдарламада көзделген мақсаттар, нысаналы индикаторлар ішінара орындалды.
Бағдарламалық құжатты одан әрі іске асыру жөніндегі ұсыныстар:
2020 жылы Степногорск қаласында 2016-2020 жылдарға арналған Степногорск қаласының аумақтарын дамыту бағдарламасының негізгі индикаторлары мен көрсеткіштеріне қол жеткізу бойынша тиісті жұмыстар жүргізілді. Есепті кезеңде индикаторлар мен көрсеткіштердің жоспарлы мәндерін орындау серпіні оң.
Жалпы, бағдарламаны іске асыру қаланың әлеуметтік – экономикалық дамуының негізгі көрсеткіштерінің өсуіне ықпал етеді, бұған нақты деректер дәлел бола алады.
Сонымен қатар, алдағы жылдарға арналған бағдарламада көзделген нысаналы индикаторларға қол жеткізу бойынша мүдделі мемлекеттік органдар мен шаруашылық жүргізуші субъектілердің жұмысын үйлестіру жөніндегі жұмысты күшейту қажет.
Степногорск қаласының әкімі Е. Баяхметов