ХАТТАМА Қарабұлақ ауылы жергілікті қоғамдастығы жиналысының

БЕКІТЕМІН

                                                                                 Қарабұлақ ауылының әкімі

                                                                                 _______ М.Исмағұлов

 

ХАТТАМА

Қарабұлақ ауылы жергілікті қоғамдастығы жиналысының

 

Қарабұлақ ауылы                                                              2026 жылғы 26 наурыз

Қарабұлақ ауылы  әкімінің аппараты                               сағат 15:00

 

Жиналыс төрағасы:

Қарабұлақ ауылы әкімі –  Мұсылманбек Баукенұлы Исмағұлов

Қатысқандар:

Қарабұлақ ауылының жергілікті қоғамдастығының мүшелері – 10 адам

 

КҮН ТӘРТІБІ:

1 . «Таза Қазақстан 2024–2029 жылдарға арналған» тұжырымдамасын қарау туралы.

  1. Қоғамдық көлік маршрутын ұйымдастыру туралы.
  2. Қарабұлақ ауылының 2026 жылға арналған бюджеті туралы.

 

ТЫҢДАЛДЫ:

         Қарабұлақ ауылының әкімі М.Б. Исмағұлов қатысушыларды 2024–2029 жылдарға арналған «Таза Қазақстан» тұжырымдамасының негізгі бағыттарымен таныстырды. Тұжырымдаманы іске асыру халықтың экологиялық мәдениетін қалыптастыруға, ауылдың санитарлық жағдайын жақсартуға, аумақты абаттандыру мен көгалдандыруға, сондай-ақ тұрғындарды экологиялық іс-шараларға белсенді тартуға бағытталғаны атап өтілді.

         Халықтың көлік қолжетімділігін жақсарту мақсатында қоғамдық көлік бағытын ұйымдастыру туралы ақпарат ұсынылды. «Қарабұлақ – Степногорск» қала маңы бағыты бойынша жолаушылар тасымалын «Тұлпар-Степногорск» ЖШС жүзеге асырады. Қазіргі уақытта тасымалдау «Газель» маркалы екі автобуспен жүргізілуде.

         «Тұлпар-Степногорск» ЖШС басшысы кәсіпорын тарапынан 12 жаңа автобусты лизинг арқылы сатып алуға өтінім берілгенін мәлімдеді. Бүгінгі күні өтінім мақұлданып, автобустар Степногорск қаласына жолда келеді.

         2026 жылы Қарабұлақ ауылына келесі бағыттар бойынша бюджет қаражаты бөлінді:

  • санитарлық тазалық жұмыстарына – 2 000,0 мың теңге;
  • көше жарығын күтіп-ұстауға – 2 000,0 мың теңге;
  • ауылды абаттандыру және көгалдандыру жұмыстарына – 1 596,0 мың теңге;
  • жолдарды қысқы күтіп-ұстауға – 2 000,0 мың теңге.

СӨЗ СӨЙЛЕДІ:

  1. А.Е.Тлеубаева – тұрғындар арасында тазалық пен тәртіпті сақтау мәселелері бойынша ақпараттық-түсіндіру жұмыстарын жүргізу, сондай-ақ көшелерді тұрақты сенбіліктер арқылы санитарлық тазалау жұмыстарын ұйымдастыру қажеттілігі туралы.
  2. З.З. Оразалина – экологиялық акцияларға жастарды, еріктілерді және ұйымдардың еңбек ұжымдарын тарту туралы.
  3. А.О. Капезов - жаңа автобустар сатып алынған жағдайда маршруттардың қозғалыс кестесі жақсарып, тұрғындардың көлік қызметінің сапасына қанағаттануы артатынын хабарлады.

 

ШЕШІМ ҚАБЫЛДАНДЫ:

  1. Тұжырымдама бойынша ұсынылған ақпарат назарға алынсын.
  2. Ауыл тұрғындары арасында тазалық пен тәртіпті сақтау мәселелері бойынша ақпараттық-түсіндіру жұмыстарын жүргізу қамтамасыз етілсін.
  3. Жаңа автобустар сатып алынғаннан кейін қоғамдық көлік маршруттарының сызбасы мен қозғалыс кестесі бекітілсін.
  4. Қарабұлақ ауылының 2026 жылға арналған бюджеті бойынша жергілікті қоғамдастық мүшелерінен сұрақтар мен ұсыныстар түскен жоқ.

 

 Хатшы                                                                                      Ә. Еркетаева

Дата публикации
30 марта 2026