II тоқсанда 30 мыңнан астам отбасы eGov.kz порталы арқылы онлайн режимiнде алғаш рет атаулы әлеуметтiк көмек (бұдан әрi — АӘК) тағайындауды ресiмдедi. Мұндай мүмкiндiк азаматтарға мемлекеттiк инстанцияларда адамдардың жаппай жиналуын болдырмау және COVID-19 жұқтыру қаупiн азайту мақсатында берiлдi. Коронавирустық инфекцияның таралуына байланысты шектеу шаралары қолданылуының барлық кезеңi iшiнде АӘК алғаш рет тағайындау үшiн азаматтар электрондық форматта өтiнiш бере алады.
Өтiнiш беру үшiн eGov.kz порталда авторлану қажет және электрондық цифрлық қолтаңбаның болуы тиiс.
Кiру орындалғаннан кейiн жоғарғы оң жақ бұрышында ашылмалы тiзiм бар батырманы басу, «Электрондық өтiнiштер» және «Онлайн тапсырыс беру» таңдау қажет.
Бұдан әрi өтiнiш берушi жеке кабинетке түседi, онда оған «құру» батырмасын басу қажет. Содан кейiн («аймақ», «нақты тұратын мекен-жайы», «ұялы телефон» және т.б.) жолдарды толтыру талап етiледi. Бұдан басқа, құжаттардың фотосуретiн немесе сканерленген көшiрмелерiн қоса беру қажет. Тiзiмдi «Қажеттi құжаттар тiзiмi» сiлтемесiне өту арқылы көруге болады.
Соңғы әрекет ЭЦҚ-кiлттiң көмегiмен өтiнiмге қол қою болады. Ол үшiн «Сертификатты таңдау» батырмасын басу және аты «RSA…» — дан басталатын файлды таңдау қажет, содан кейiн жүйе ашық парольдi енгiзудi сұрайды.
Өтiнiш беру нәтижесiнде өтiнiмге жеке кабинетте мәртебе берiледi.
Естерiңiзге сала кетейiк, ағымдағы жылдың III тоқсанында қазақстандықтарға мемлекеттiк инстанцияға жүгiнбей-ақ АӘК тағайындауды ұзартты. Яғни, ағымдағы жылдың II тоқсанында АӘК алған азаматтар, егер отбасының әрбiр мүшесiне шаққандағы орташа табысы Өңiрлiк ең төменгi күнкөрiс деңгейiнiң 70% — ынан аспаса, III тоқсанда автоматты түрде төлем алуды жалғастырады.