Раевка ауылдық округі әкімінің 2021 жылы атқарған жұмыстары туралы есебі

Қазақстан Республикасы Президентiнiң 2016 жылғы 5 ақпандағы № 190 «Орталық атқарушы органдар басшыларының, әкiмдердiң, ұлттық жоғары оқу орындары, ректорларының халыққа есеп беру кездесулерiн өткiзу туралы» Жарлығын іске асыру, сонымен қатар пандемия кезеңінде азаматтардың қауіпсіздігін қамтамасыз ету және санитарлық-эпидемиологиялық талаптарды сақтау мақсатында Раевка ауылдық округі әкімінің тұрғындар алдындағы есептік кездесуі онлайн форматта өткізіліп отыр.

            Есепті ұсынуға рұқсат етіңіздер. Рахмет.

2021 жылы 1 қыркүйекте Мемлекет басшысы Қасым-Жомарт Тоқаев «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын жолдады. Мемлекет басшысы айтқандай, биыл егемен ел болғанымызға 30 жыл толып отыр. Тәуелсіздік – біздің ең қастерлі құндылығымыз. Ең басты жетістігіміз – біртұтас ел болып, жаңа мемлекет құрдық.  Стратегиялық мақсатымыз – Орталық Азиядағы көшбасшылық рөлімізді күшейту және әлемдік экономикадағы орнымызды нығайту.

Мемлекеттілігімізді нығайту үшін бір ел болып еңбек етіп жатырмыз. Егемендік дегеніміз – жалаң ұран мен жалынды сөз емес. Біз үшін ең маңыздысы – әр азаматтың Тәуелсіздік игілігін сезіне алуы. Оның басты көрінісі – елдегі бейбіт өмір, қоғамдағы тұрақтылық пен тыныштық. Сондай-ақ, халықтың тұрмыс сапасының жақсаруы және жастардың болашаққа нық сеніммен қарауы.

Барлық бастамамыз осыған бағытталуда. Біз тұғыры мығым ел болу жолында кедергілерді еңсеріп, қиындықтарды жеңіп келеміз. Мұның бәріне берекелі бірлік пен еселі еңбек арқылы жеттік.

«Халық үніне құлақ асатын мемлекеттің» басты қағидаты – мемлекеттік аппарат азаматтардың мүддесі үшін жұмыс істеуі тиіс. Бұл ең алдымен жергілікті билік органдарына қатысты. Дәл осы әкімдіктер азаматтармен өзара іс-қимыл жасауға және олардың мәселелерін жедел шешуге шақырады, сондықтан Раевка ауылдық округі әкімі аппаратының жұмысы Президент Жолдауында қойылған барлық міндеттерді ескере отырып құрылады.

Әкім аппараты азаматтардың өтініштері, сұрақтар мен мәселелерін шешу мен диалог үшін әрдайым ашық, аптаның сейсенбі, бейсенбі күндері азаматтарды жеке қабылдау жүргізіледі, сонымен қатар әкімдік ғимаратының фойесінде азаматтардың ескертулері мен ұсыныстарына арналған жәшік бар. Әлеуметтік желілерде Фейсбук, Instagram аккаунттары бар, онда әрбір тұрғын өзін қызықтыратын сұрақтарын қойып, өз пікірін айта алады, пікір қалдыра алады.

 

Халқы

 

Округінің аумағында төрт елді мекен бар, олар Раевка, Гуляй-Поле,  Егемен және Новографское ауылдары, округте 1175  адам өмір сүреді. Аулалардың жалпы саны - 388.

 

Өсімдік және мал шаруашылығы

 

         Округ аумағында ауыл шаруашылық өндірісін ұсынатындар:

 «Раевка» ЖШС-нің 2021 жылғы егістік алқабындағы дәнді дақылдары аумағы 15044 га (оның ішінде бидай – 12391 га, арпа - 26363 га), судан шөбі –  420 га. 2021 жылғы дәнді дақылдардың жалпы түсімі жалпы: бидай 178530 центнерді құрады, өнімділігі 14,4 ц/га, арпа 761210 тонна, өнімділігі 23 ц/га.

«Айям 7» ЖШС-нің 2021 жылғы егістік алқабындағы дәнді дақылдары аумағы 56 га (оның ішінде бидай – 706, арпа – 250 га). 2021 жылғы дәнді дақылдардың жалпы түсімі: бидай 7800 ц, өнімділік – 11 ц/га, арпа 7000 ц, өнімділік – 28 ц/га құрады.

Сондай-ақ, 300 га зығыр егілді, салмағы  –  5000 ц, өнімділігі - 16,7 ц/га.

Сонымен қатар 1263 га егістік жерді қамтып жатқан шаруа қожалықтары бар, 2021 жылғы егістік алқабы 1263 га құрады (оның ішінде бидай – 1000 га, арпа - 1263 га). Дәнді дақылдардың жалпы түсімі: бидай 8300 центнерден, өнімділік 8,3 ц/га, арпа 1315 центнерден, өнімділік 5 ц/га құрады.

 Бір ғана «Сыздыков Г.Ф.» ЖК көкөніс өсірумен айналысады, 2021 жылы 10 га орамжапырақ отырғызылып, 83  тонна орамжарпырақ жиналды, өнімділігі  83 ц/га құрады.

2022 жылғы 1 қаңтардағы жағдай бойынша үй шаруашылық кітапшаларын толтыру кезінде мал санының қайта саналу деректері бойынша мал мен құстың саны:

- ауылдық округ тұрғындарында: ІҚМ - 942 бас, шошқалар - 519 бас, жылқылар – 295 бас, қой мен ешкі - 1219 бас.

- «Раевка» ЖШС-нің мал шаруашылығы саласында 634 бас ІҚМ саналады, соның ішінде 251 бас ұрғашы. Жылқылар саны - 1. Жұмысшылар саны – 173 адам.

- бұдан өзге, округте мал шаруашылығымен айналысатын 4 ЖК жұмыс істейді, оларда 21 ІҚМ басы бар, 74 ҰҚМ бар.

Округте мал шаруашылығы өнімдерінің эпизоотиялық жағдайын және қауіпсіздігін қамтамасыз ету үшін шаралар қабылданады.

Барлық елді мекендерде мал жаю ұйымдастырылған. Малшылар, иелері, «Раевка ауылдық округі әкімінің аппараты» ММ және жергілікті полиция қызметінің учаскелік инспекторы арасында төрт жақты шарттар жасалды.

Үнемі ауыл шаруашылық жәрмеңкелеріне қатысып, ол жерде жергілікті тұрғындар мен ЖК өнімін саудаға шығарамыз. 

 

 

 

 

Тұрғын үй-коммуналдық шаруашылығы

 

Округтың аумағын абаттандыру мен санитарлық тазалау бойынша жұмыс жүргізілді.

2021 жылы қойылған сұрақтарға қатысты мынаны түсіндіремін:

• Раевка-Гуляй-Поле автожолы бойынша қандай да бір жұмыстар жоспарлана ма?

Атқарылған жұмыстарға тоқталып өтсем: «Автомобиль жолдарының жұмыс істеуін қамтамасыз ету» бағдарламасы бойынша «Раевка-Пригородное аудандық маңызы бар автомобиль жолдарын ағымдағы жөндеу» жобасына Раевка-Гуляй-Поле жолын төсеуге 17400,0 мың теңге және Шортанды-Новографское жолына — 6000,0 мың теңге бөлінді. Бұл жоба «Нұр Отан» партиясының Жол картасын қамтыды. Байқау жеңімпазы – «Ecostroi NS». 2021 жылы Раевка-Гуляй-Поле жолын 1400,0 мың теңгеге және Гуляй-Поле а. Сейфуллин көшесіне, ішінара Полевая, Абай және Приозерная көшелеріне себу бойынша-1400,0 мың теңгеге жұмыстар жүргізілді. Ағымдағы жылы жұмыстар жалғасатын болады.

• Егемен және Гуляй-Поле ауылдарында су құбыры желілерінің құрылысы бойынша?

Түсіндіріп кетсем: «Ауылдық елді мекендерде сумен жабдықтау жүйесін дамыту» бағдарламасы бойынша «Егемен және Гуляй-Поле ауылдарында су құбыры желілері мен сутартқыш құрылысы» жобасының жалпы сомасы 314220,0 мың теңгені құрайды. Әзірленген ЖСҚ бар. 2021 жылы құрылысты бастауға 1 млн.теңге бөлінді. Жезқазған қ. «Даникер» ЖШС-мен шарт жасалды. Өз қаражаты есебінен Ұңғымаларды бұрғылау бойынша жұмыстар орындалды. «Ақмола облысының энергетика және ТКШ басқармасы» ММ-не бюджеттік өтінім берілді. Қазіргі уақытта қаржыландыру күтілуде.

Раевка ауылының тұрғындарының 2021 жылғы есеп беру кездесуінде қойған сұрақ:

 - Раевка ауылында түнгі уақытқа көше жарығының шамдарын орнату бойынша жұмыстарды жалғастыру жоспарлануда ма?

Атқарылған жұмыстарға тоқталып өтсем: Раевка ауылында Набережная, Целинная көшелері және М.Мәметова тұйық көшесі бойынша 1917,8 мың теңге сомасына 31 шам мөлшерінде түнгі жарықтандыру орнатылды, бұл сомаға монтаждау, апорларды жалға алу және жарықтандыру төлемі кіреді. Шамдарды одан әрі орнату үшін бетон тіректер қажет, «АЭҮК» АҚ ағаш тіректерді бетонға ауыстырған кезде жұмыс жалғасады.

Раевка а. Абай көшесі бойынша 420,0 мың теңге сомасына 4 дана жасанды резеңке жасанды жол дөңбектері (жасырын полицей) орнатылды.

Қысқы кезеңде «Раевка» ЖШС-мен қарды тазалауға келісім шарт жасалып, 200,0 мың теңге игерілді.

Округте 200,0 мың теңгеге жаппай дератизация жүргізілді.

«Ауылдық елді мекендерде сумен жабдықтау жүйесін дамыту» бағдарламасы бойынша «Раевка селосындағы жаңа тұщы су ұңғымаларына су құбырын қосу» жобасының жалпы сомасы 120150,0 мың теңгені құрады. Көкшетау қаласындағы «Байсын А» ЖШС-мен шарт жасалды. Ұңғымаларды бұрғылау, сутартқышты төсеу, су құбыры алаңдарын орнату бойынша жұмыстар орындалды. Электрмен жабдықтау құрылғылары бойынша жұмыстар аяқталды. Қазіргі уақытта Шортанды СУ-ға жіберу үшін іске қосу-жөндеу жұмыстары жүргізілуде.  Жақын арада ұңғымалар іске қосылады.

«Ауылдық елді мекендерде сумен жабдықтау жүйесін дамыту» бағдарламасы бойынша Новографское ауылындағы су құбыры желілері мен су таратқыш құрылысына құрылыс бөлімімен ЖСҚ әзірленуде.

    2021 жылы «Сәулет және қала құрылысы бөлімі» ММ арқылы Егемен және Гуляй-Поле а. бас жоспарларын әзірлеуге «ГРАДО» ЖШС-мен шарт жасалды. Қоғамдық тыңдаулар өткізілді. Қазіргі уақытта бас жоспарлар мәслихат сессиясында бекіту сатысында.

 

Білім

 

Округ аумағында екі мектеп жұмыс істейді: Раевка ауылының орта мектептебінде 95 оқушы бар (оның ішінде мектеп алды дайындықта 7 оқушы).

Раевка орта мектебінде қазақ тілінде оқытатын сыныптар бар, ол жерде 9 бала оқиды. Ұстаздар құрамы – 24 адам. Егемен ауылының 12 оқушысы  тасымалдау көлгімен қамтамасыз етілген.

Гуляй-Поле ауылында - негізгі мектеп, оқушылар саны – 22 бала. Ұстаздар құрамы – 7 адам. 2021 жылы «Раевка» ЖШС-на тамақтандыруды ұйымдастыруға арналған электр плитасы бойынша демеушілік көмек көрсетілді.

Раевка ОМ, Гуляй-Поле НМ ғимараттарын жылытатын қазандықтарға «Шортанды жылу тарату компаниясы» ЖШС қызмет көрсетеді.

Округтің барлық мектептерінде бейнебақылау бар.

 Сондай-ақ, мәселелер бар: Раевка ОМ-де от жағушылардың жетіспеушілігі, сондай-ақ жазғы кезеңде жаңа жылыту маусымына дайындық кезінде сору жүйесін, түтін сору жүйесін және түтін құбырын ауыстыру, қазандықтарды жөндеу, электр қалқанын ауыстыру қажет.

Жазғы кезеңде онлайн режимде жұмыс істейтін мектеп жанындағы лагерьлер ұйымдастырылды.

Округ мектептерінде «Балапан» және «Ақ қайың» балалар шағын орталықтары жұмыс істейді, оған 19 бала барады.

Кадрлардың жетіспеушілігі өткір мәселе болып қалуда - мектептерде пән мұғалімдері жетіспейді, мұғалімдер қосымша жұмыс істейді. Келесі оқу жылында 7 бос жұмыс орны ашылады, бірінші кезекте мұғалімдер үшін тұрғын үйдің болмауы болып отыр. Сонымен қатар, Раевка орта мектебін жөндеу басты мәселе болып отыр, ғимараттың шатыры мен қасбетін жөндеу қажет. ЖСҚ әзірлеу қажет.

Раевка ауылдық округінің әкімдігі Раевка орта мектебін «Ауыл - ел бесігі» бағдарламасына енгізу үшін білім бөліміне өтініш берді.

 

Спорт

 

«Ауыл  - ел бесігі» бағдарламасы аясында 2021 жылы ашық спорт алаңы орнатылды. Қыс мезгілінде оған хоккей корты құйылады, онда тұрғындар бос уақыттарын өткізеді және хоккей жарыстары өтеді. Ержанов Тлеуғабыл Тұяқұлына және басқа да көптеген тұрғындарға мұз айдынын құюға көмек көрсеткені үшін алғыс айтамыз. Жазғы маусымда футбол ойнауға арналған жасанды жабын бар.  Сметалық құны 15,4 млн.теңгені құрады. Округте барлық спорттық іс-шаралар мектепте, хоккей корты мен стадионда өткізіледі. Раевка мектебінде спорттық секциялар жұмыс істейді: теннис, волейбол, баскетбол. Спорт жабдықтары бар. Жыл сайын аудандық спартакияларға қатысамыз.

 

Мәдениет

 

Ауылдық округтегі мәдениет мекемелері: 1 ауылдық, 1 мектептік кітапхана, 1 мәдниет үйі. Барлық іс-шаралар мектеп ғимараттарында өткізіледі. Раевка ауылында «Нұр Астық Kz» ЖШС теңгерімінде тұратын мәдениет үйі бар, мәдени-бұқаралық іс-шараларды өткізу үшін әдіскердің мөлшерлемесі қажет.  Жаңа жылға «Раевка» ЖШС балаларға 241,5 мың теңге сомасына 78 сыйлық табыс етілді. Сондай-ақ, кәсіпкер Ольга Владимировна Масловаға аз қамтылған және көп балалы отбасылардың балаларына жаңа жылдық сыйлықтар бергені үшін алғыс айтамыз. Қарттар күніне «Раевка» ЖШС 575,0 мың теңге бөліп, 115 зейнеткерге тапсырылды. Қазақстан Республикасы Тәуелсіздігінің 30 жылдығына аз қамтылған отбасыларға азық-түлік пакеттері округ кәсіпкерлерімен ұйымдастырылды: Мухамедьяев Алмаз, Мухамедьяев Бауржан, Рамазанов Хас-Магамед, Абенов Қанат Саттарович.

«Раевка ауылдық округі әкімінің аппараты» ММ жаңа жылдық мерекелер кезінде Раевка ауылына көше шыршасы орнатылды, сондай-ақ балалар мен ата-аналардың күшімен мектеп аумағында қардан мүсіндер жасалды.

 

Денсаулық сақтау және әлеуметтік қорғау

 

         Біздің округте Раевка ауылында Фельшерлік-амбулаторяилық пункт жұмыс істейді, үш медициналық пункт қызмет етеді. Раевка ауылында тіс дәрігерінің кабинеті бар, орта медицина қызметкерлерімен 100% қамтылған. Раевка ФАП бойынша мәселе бар: су құбыры мен канализацияның болмауы, бұл санитарлық нормаларға сәйкес келмейді. Тұрғындарды дәрілік құралдарымен «Коровина» ЖК дәріханасы қамтамасыз етеді.

2021 жылғы есеп беру кездесуінде Гуляй-Поле ауылының тұрғынымен келесі сұрақ қойылды:

Гуляй-Поле ауылында дәріхана ашу бойынша?

Түсіндіремін: санитарлық ережелер мен нормаларға сәйкес (СанПиН) шалғайдағы ауылдық елді мекенде дәріхана пунктін ашу үшін медициналық ұйымның жанынан ауданы 20 шаршы метр үй-жай қажет. Қазіргі уақытта Гуляй-Поле медициналық пунктінде көрсетілген ауданда бос орын жоқ, сәйкесінше дәріхана пунктін ашу мүмкіндігі жоқ.

Жоспарға сәйкес скринингтік тексерулер жүргізілуде, жылжымалы флюороқондырғылар, маммография және жылжымалы медициналық кешен жұмыс істеді. Туберкулез бойынша жағдай тұрақты, тізімде тұрғандар жоқ. 2021 жылы 12 бала дүниеге келді, 23 адам қайтыс болды, ана өлімі - жоқ, бала өлімі – жоқ. Округте 1 мүгедек балаға үйде қызмет көрсететін 1 әлеуметтік қызметкер жұмыс істейді.

         Еңбекке қабілетті халық – 651, оның ішінде жұмыс істейтіндер - 497 адам, жеке қосалқы шаруашылықта жұмыс істейтіндер -125 адам. Зейнеткерлік жастағы тұрғындар - 217 адам, мүгедектер - 39 адам, оның ішінде еңбекке қабілетті жастағы адамдар - 20, жұмысқа орналастырылғандар - 5 адам, 16 жасқа дейінгі мүгедек балалар - 6 адам.

«Бастау-Бизнес» бағдарламасы аясында 2021 жылы округтің 3 адамы оқудан өтіп, сертификат алды.

«Бизнес-Бастау» бағдарламасы бойынша оқыту мүмкіндігі бойынша тұрғындар арасында үгіт-насихат жұмыстары жүргізілуде.

Қоғамдық жұмыстарға 7 жұмыссыз жолданды.

Атаулы әлеуметтік көмек 4 отбасына көрсетілді.

Мемлекет басшысы Қасым-Жомарт Тоқаевтың Жолдауынан: «Коронавирус денсаулық сақтау саласы үшін үлкен сынақ болды. Әлемді жайлаған індеттің беті әлі қайтар емес. Күн сайын мыңдаған азаматымыз дертке шалдығып, талай адам өмірден өтуде. Біз уақыт ұттырмай індетпен күресу шараларын дереу қолға алдық».

Есепті кезеңде аурудың 42 жағдайы анықталды, оның ішінде 1 қайтыс болды және 41 қалпына келді. Раевка ауылдық округінде 656 адам вакцинациялауға жатады, оның ішінде 558 адам вакцинациядан өтті, бұл 85% құрайды. Пфайзер вакцинасымен вакцинация басталды. Қазіргі уақытта 2 бала және 4 бала емізетін ана вакцинацияланды, ревакцинация жүргізіледі. Елде жаппай вакцинация жалғасуда, бірақ қоғамда оның қарсыластары әлі де көп. Олар егуден бас тартып қана қоймай, халықты осыған шақырады. Олардың ықпалына түсіп, көбісі адасып кетті. Сондықтан біз және округтің барлық елді мекендерінің медицина қызметкерлері тұрақты негізде вакцинациялау қажеттілігі туралы үгіт-насихат жұмыстарын жүргізудеміз.

Енгізілген салық режимі – ЖТС, әлеуметтік аударымдар және МӘМС төлемдері кіретін өзін-өзі жұмыспен қамтыған азаматтар үшін бірыңғай жиынтық төлем бойынша жұмыс жалғасуда.

«Күміс алқа» және «Алтын алқа» иегерлері – 19 адам, тыл еңбеккерлері – 1 адам. Интернационалист жауынгерлер - 2 адам. ҚР Қарулы Күштері қатарында 4 адам қызмет атқарды.

 

Мемлекеттік қызметтер

 

Шортанды ауданы Раевка ауылдық округі әкімінің аппаратымен мемлекеттік қызмет көрсету бойынша мемлекеттік саясатты іске асыру шеңберінде және Мемлекеттік қызметтер тізіліміне сәйкес мемлекеттік қызметтердің 5 түрі көрсетіледі, оның ішінде:

         1) Елді мекен шегінде объект салу үшін жер учаскесін беру. Есепті кезеңде 1 мемлекеттік қызмет көрсетілді.

         2) Жер учаскесінің нысаналы мақсатын өзгертуге шешім беру. Есепті кезеңде мемлекеттік қызмет көрсетілмеді.

         3) Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу. Есепті кезеңде 8 мемлекеттік қызмет көрсетілді.

4) Жер учаскесін жекеменшікке ақысын бірден төлеп не бөліп төлеуге сату.  Есепті кезеңде 1 мемлекеттік қызмет көрсетілді.

         5) Жер учаскесін алу үшін кезекке қою. Есепті кезеңде мемлекеттік қызмет көрсетілмеді.

 Мемлекеттік қызметтерді электрондық түрде көрсету және халықтың цифрлық сауаттылығын арттыру шеңберінде Раевка ауылдық округі әкімі аппаратының ғимаратында «Өзіне-өзі қызмет көрсету бұрышы» жұмыс істейді. Қазақстан Республикасының электрондық үкімет порталы «egov.kz» арқылы округ азаматтары электрондық цифрлық қолтаңба және/немесе мобильдік ЭЦҚ болған жағдайда ХҚКО-ға жүгінбей-ақ мемлекеттік қызметтерді электрондық түрде алу мүмкіндігіне ие. Есепті кезеңде «Өзіне-өзі қызмет көрсету бұрышын» 457 қызмет алынған, оның ішінде 170 халық санағынан өту.

Интернет-ресурстардың (Инстаграм, фейсбук) беттерінде мемлекеттік қызмет көрсету тәртібі туралы ақпарат тұрақты негізде жаңартылып отырады.

        

Азаматтардың өтініштері

           2021 жылы барлығы азаматтардан 13 өтініш түсті, оның ішінде заңды тұлғалардан - 1, жеке тұлғалардан - 12, жеке қабылдауда – 1 болған. Барлық өтініштер Қазақстан Республикасының заңнамасына сәйкес мерзімде қаралды.

          Келіп түскен өтініштер бойынша келесі шешім түрлері қабылданды: 9 өтініш қанағаттандырылды, 4 ауызша түсініктеме берілді. Есепті кезеңнің соңындағы қалған өтініштер жоқ.

         Округ әкімінің халық алдындағы 1 есеп беру кездесуі онлайн форматта, 4 азаматтар жиыны және Раевка ауылдық округінің жергілікті қоғамдастығының 6 жиналысы округ тіршілігінің түрлі мәселелері бойынша өткізілді.

 

Кәсіпкерлік және бизнес

 

Шағын бизнес саласында халықты қажетті тауарлармен қамтамасыз ететін 4 дүкен жұмыс істейді, халықтан сүт сатып алынады. Округте барлығы 22 ЖК тіркелген, оның 13-сы жұмыс істейді. Жұмыс істемейтіндерімен ЖК жандандыру бойынша түсіндіру жұмыстары жүргізілуде. 2021 жылы 2 ЖК жұмысын қайта бастады. 2021 жылы Раевка ауылында ұсақ мал өсіру бойынша 2 ЖК және Новографское ауылында ІҚМ өсіру бойынша 1 ЖК ашылды. Ашылған жеке кәсіпкерлердің әрқайсысы 583400 теңге сомасында гранттар алды.

 

Жергілікті өзін-өзі басқару

 

Жергілікті өзін-өзі басқаруды дамыту маңызды басымдық болып табылады. «100 нақты қадам» ұлт жоспары аясында бюджеттің төртінші деңгейі бойынша жұмыс жалғасуда. Бұл ауылдық округтің қаржылық мүмкіндіктерін кеңейтуге және жергілікті маңызы бар мәселелерді шешуде ЖӨБ-нің өз бюджетіне тікелей салық алу арқылы рөлін күшейтуге мүмкіндік берді. Осыған байланысты «Раевка ауылдық округі әкімінің аппараты» ММ салық базасын нығайту бойынша жұмыс жүргізуде.

Осылайша, 2021 жылғы салық түсімдері:

мүліктік салығы - 408731 теңге

жер салығы - 18457 теңге

көлік салығы - 2203793 теңгені құрады.

Раевка ауылдық округінде 10 адамнан тұратын жергілікті қоғамдастық құрылды. Жергілікті қоғамдастықпен бірлесіп ауыл мәселелерін шешу бойынша белгілі бір жұмыс жүргізілуде. Жергілікті қоғамдастықтың барлық мүшелеріне жемісті бірлескен жұмысы үшін алғыс айтқым келеді.

 

Жергілікті полиция қызметінің (ЖПҚ) жұмысы

 

Ішкі істер органдарының жергілікті полиция қызметімен біздің округ аумағында қоғамдық тәртіпті сақтау және қылмыс жасауға жол бермеу бойынша жұмыстар жүргізілді.

Осылайша учаскелік полиция инспекторы құқықбұзушылықтарды анықтады:

- 505-бап «Абаттандыру ережелерін бұзу» бойынша - 20 факт

- 408-бап «Жануарларды асырау ережелерін бұзу» бойынша - 17 факт

- 147-бап «Егістікті таптау» бойынша - 1 факт

Округтегі қылмыстық ахуал тұрақты.

                                                     

2022 жылға арналған жоспарлар

 

1. Гуляй-Поле а., Егемен а. көшелеріне құм себу және грейдерлеу.
2. Раевка ауылында көше шамдарын орнатуды жалғастыру.
3. Раевка ауылындағы алаңға балалар ойын элементтерін қосу.
4. Гуляй-Поле ауылында балалар ойын алаңын орнату.
5. Рұқсат етілмеген орындардан қоқыс шығару.
6. Түнгі уақытта жарықтандыру орнату, абаттандыру және жаңа спорт алаңын көгалдандыру.
7. Раевка а. бейнебақылау орнату.

 

    Біздің барлық күш-жігеріміз ауыл тұрғындарының өмірін жақсартуға бағытталған, біз әрқашан бар күш-жігерімізді салып, алға қойылған барлық міндеттерді шешуге тырысамыз. Ауылдық округтің әрбір тұрғыны өз елінің патриоты болуға және шағын отаны-өз ауылын абаттандыруға өз үлесін қосуға тиіс.