Шортанды ауданы әкімдігінің мемлекеттік қызмет көрсету саласындағы уәкілетті органдарының 2025 жылға арналған қызметі туралы есеп

Мемлекеттік қызметтер көрсету процестерін жетілдіру жөніндегі қызмет

1) Мемлекеттік қызметтер көрсету процестерін оңтайландыру және автоматтандыру нәтижелері

Қазақстан Республикасының «Мемлекеттік көрсетілетін қызметтер туралы» Заңы 11-бабына сәйкес, аудандардың, облыстық маңызы бар қалалардың жергілікті атқарушы органдары, қаладағы аудан әкімдері, аудандық маңызы бар қалалар, кенттер, ауылдар, ауылдық округтер әкімдері мемлекеттік қызметтер көрсету процестерін Қазақстан Республикасының заңнамасына сәйкес, ақпараттандыру саласындағы уәкілетті органмен келісу бойынша оңтайландыру және автоматтандыру шараларын қабылдайды.

Мемлекеттік қызметтер көрсету процестерін оңтайландыру және автоматтандыру жөніндегі ұсыныстар қажеттілігіне қарай Ақмола облысы әкімінің аппаратына жолданады.

2) Мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар

Мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар тұрақты түрде жүргізіледі. Есепті кезеңде мемлекеттік қызметтер көрсететін қызметкерлерге техникалық оқу ұйымдастырылды. Оқудан 47 қызметкер (100%) өтті.

3) Мемлекеттік қызметтер көрсету процестерін нормативтік-құқықтық жетілдіру

Мемлекеттік қызметтер көрсету процестерін нормативтік-құқықтық жетілдіру бойынша ұсыныстар қажеттілігіне қарай Ақмола облысы әкімінің аппаратына жолданады.

---

Мемлекеттік қызметтер көрсету сапасын бақылау

1) Мемлекеттік қызметтер көрсету мәселелері бойынша қызмет алушылардың шағымдары туралы ақпарат

Ауданның мемлекеттік органдары мемлекеттік қызметтер көрсету қағидалары талаптарының бұзылуының алдын алу бойынша жұмыстарды жалғастыруда. 2025 жылы мемлекеттік қызмет көрсету мәселесі бойынша 1 шағым тіркелді. Қызмет алушының құқықтары қалпына келтірілді.

2) Мемлекеттік қызметтер көрсету сапасына ішкі бақылау нәтижелері

Мемлекеттік қызметтер көрсету саласындағы заңнама талаптарының бұзылуына жол бермеу мақсатында Шортанды ауданы әкімінің аппаратының мемлекеттік қызметтер көрсетуге талдау және ақпараттық технологиялар бөлімі ағымдағы жылы ауданның мемлекеттік органдарында заңнама талаптарының сақталуы бойынша 6 бақылау іс-шарасын өткізді («Шортанды ауданының ауыл шаруашылығы бөлімі» ММ, «Шортанды ауданының ішкі саясат, мәдениет, тілдерді дамыту және спорт бөлімі» ММ, «Шортанды ауданының жұмыспен қамту және әлеуметтік бағдарламалар бөлімі» ММ, «Шортанды ауданы Жолымбет кенті әкімінің аппараты» ММ, «Шортанды ауданы Бозайғыр ауылдық округі әкімінің аппараты» ММ, «Шортанды ауданы Андреев ауылдық округі әкімінің аппараты» ММ).

Бақылау іс-шараларының қорытындысы бойынша мемлекеттік қызметтер көрсету саласындағы заңнама талаптарының бұзылуы анықталды (Қазақстан Республикасы Заңының 5-бабы 2-тармағының 6) тармақшасын бұзу – мемлекеттік қызметтер көрсету саласында біліктілікті арттыру курстарынан өтпеу; өтініштерді уақтылы тіркемеу фактілері; мемлекеттік қызмет нәтижесін жұмыс уақыты аяқталғаннан кейін беру; құжаттардың толық емес топтамасы және т.б.).

---

Мемлекеттік қызметтер көрсету сапасына қанағаттану деңгейін арттыру және тиімділігін одан әрі жоғарылату перспективалары

2026 жылға арналған халықтың мемлекеттік қызметтер көрсету сапасына қанағаттану деңгейін арттыру жөніндегі іс-шаралар жоспарына сәйкес келесі іс-шаралар жоспарланған:

• Шортанды ауданының «Андреев ауылдық округі әкімінің аппараты» мемлекеттік мекемесін «сервистік форматтағы қызмет көрсетуге» көшіру;

• мемлекеттік қызметтер көрсету кезінде заңнама талаптарының сақталуын қамтамасыз ету (негізсіз бас тартуға жол бермеу, белгіленген талаптарды сақтау, есептік деректердегі алшақтықтарға жол бермеу);

• мемлекеттік қызметтер көрсету мәселелері бойынша құқықтық түсіндіру жұмыстарын жүргізу (әлеуметтік желілердегі ресми парақшаларда онлайн-жәрмеңкелер, тікелей эфирлер өткізу; мемлекеттік қызмет көрсету тәртібі туралы барынша қолжетімді ақпаратты БАҚ пен әлеуметтік желілерде орналастыру);

• елді мекендерде цифрлық құжаттарды пайдалану бойынша баннерлер орнату;

• мемлекеттік қызметтер көрсету саласындағы қызметкерлердің біліктілігін 100% арттыру;

• мүмкіндігі шектеулі адамдардың мемлекеттік қызметтер алуына қажетті жағдайлар жасау (пандустар, шақыру батырмалары, арнайы жабдықталған санитарлық тораптардың болуы).