Салық есептiлiгi нысандарын ұсыну мерзiмдерiн ұзарту туралы

Ақмола облысы бойынша Мемлекеттiк кiрiстер департаментi Қазақстан Республикасы Қаржы министрлiгi Мемлекеттiк кiрiстер комитетiнiң 2020 жылғы 17 наурыздағы хатына сәйкес № КГД-14-1 / 6589-I келесiнi хабарлайды.

«Қазақстан Республикасында төтенше жағдай енгiзу туралы» 2020 жылғы 15 наурыздағы №285 Қазақстан Республикасы Президентiнiң Жарлығын iске асыру үшiн «Салық және бюджетке төленетiн басқа да мiндеттi төлемдер туралы» (Салық кодексi) Қазақстан Республикасы Кодексiнiң 19, 212-баптарынбасшылыққа ала отырып,салықтық есептiлiктi электрондық нысанда ұсынған кезде, келесi нысандардың ұсыну мерзiмiн 2020 жылдың 30 сәуiрiне дейiн ұзарту:

1)корпоративтiк табыс салығы бойынша декларация (100.00, 110.00, 150.00, 180.00 нысандар);

2)жеке табыс салығы бойынша декларация (220.00, 240.00 нысандар);

3)жеке табыс салығы және мүлiк бойынша декларация (230.00 нысан);

4)көлiк құралдары салығы, жер салығы және мүлiк салығы бойынша декларация (700.00 нысан);

5)қоршаған ортаға эмиссия үшiн төлемақы бойынша декларация (870.00 нысан);

6)жалға беру (пайдалану) шарттарының тiзiлiмi (871.00 нысан);

7)тiркелген шегерiм пайдаланылатын арнаулы салық режимiн қолданатын салық төлеушiлер үшiн декларация (912.00 нысан);

8)бiрыңғай жер салығын төлеушiлерге арналған декларация (920.00 нысан).