Аудандық бюджет шығыстарының
басым бағыттарының
тізбесін айқындау туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына, «Бюджетті атқару және оған кассалық қызмет көрсету қағидаларын бекіту туралы» Қазақстан Республикасы қаржы Министрінің 2014 жылғы 4 желтоқсандағы № 540 бұйрығына (Нормативтік құқықтық актілерді мемлекеттік тіркеу тізілімінде № 9934 болып тіркелген) сәйкес, Шортанды ауданының әкімдігі ҚАУЛЫ ЕТЕДІ:
- Осы қаулының қосымшасына сәйкес аудандық бюджет шығыстарының басым бағыттарының тізбесі айқындалсын.
- Осы қаулының орындалуын бақылау аталған мәселеге жетекшілік ететін аудан әкімінің орынбасарына жүктелсін.
- Осы қаулы алғашқы ресми жарияланған күнінен бастап қолданысқа енгізіледі.
Шортанды ауданы әкімдігінің
қаулысына қосымша
Аудандық бюджет шығыстарының басым бағыттарының тізбесі
- Еңбекақы төлемдері және басқада ақшалай төлемдер, оның ішінде техникалық қызметкерлердің еңбекақысы және еңбекақыдан барлық ұстап қалулар.
- Қазақстан Республикасының заңнамалық актілерінде көзделген ақшалай өтемақылар.
- Алименттер, міндетті зейнетақы жарналары, ерікті зейнетақы жарналары, әлеуметтік аударымдар, жәрдемақылар және басқа да әлеуметтік төлемдер, шәкіртақылар.
- Банк қызметтеріне ақы төлеу, борыштық міндеттемелерді өтеу және оларға қызмет көрсету бойынша төлемдер, бюджеттік субвенциялар, салықтар және бюджетке төленетін басқа да міндетті төлемдер.
- Отын сатып алуға (ғимараттарды жылыту бөлігінде), тамақтануды ұйымдастыру бойынша көрсетілетін қызметтерге, азық-түлік пен дәрі-дәрмек сатып алуға арналған шығыстар.
- Атқарушылық құжаттар мен сот актілерін орындау.
- Республикалық бюджеттен берілетін ағымдағы нысаналы трансферттер, нысаналы даму трансферттері, бюджеттік несиелер.