2023 жылғы 24 қыркүйекте екі сайлау округі бойынша Шортанды ауданының ауылдары, ауылдық округтері әкімдерінің сайлауы өтті.
Шортанды аудандық сайлау комиссиясы "Қазақстан Республикасындағы сайлау туралы" Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес учаскелік сайлау комиссияларының Шортанды ауданының ауылдар, ауылдық округтер әкімдерін сайлау нәтижелері туралы хаттамаларының негізінде сайлау қорытындыларын белгіледі:
Дамса сайлау округі
Дамса ауылдық округі әкімінің сайлауы бойынша:
Сайлау округі бойынша сайлаушылар тізіміне 3429 азамат енгізілді, олардың 2769-ы дауыс берді. Жарамсыз бюллетеньдер саны – 56, "Барлығына қарсы" жолында белгісі бар - 125.
Әр кандидат үшін берілген дауыстар саны:
Абдрахманова Г. Ж. - 2184; Ордабаева Ә. Ш. – 404.
Дамса ауылдық округінің әкімі болып Абдрахманова Гүлнар Жеңісқызы сайланды, 1966 жылы туған, Шортанды ауданының «Дамса ауылдық округі әкімінің аппараты» ММ әкімі, өзін-өзі ұсыну тәртібімен ұсынылған Дамса ауылдық округінің Научный кентінде тұрады.
Петровка сайлау округі
Петровка ауылдық округі әкімінің сайлауы бойынша:
Сайлау округі бойынша сайлаушылар тізіміне 1020 азамат енгізілді, олардың 850-і дауыс берді. Жарамсыз бюллетеньдер саны – 6, "Барлығына қарсы" жолында белгісі бар - 23.
Әр кандидат үшін берілген дауыстар саны:
Искаков С. Е. - 670; Мергенбай И.М. – 76; Мерей С. -75.
Петровка ауылдық округінің әкімі болып Сәбит Ережепұлы Исқақов сайланды, 1987 жылы туған Шортанды ауданының «Тұрғын үй - коммуналдық шаруашылығы, жолаушылар көлігі және автомобиль жолдары бөлімі» ММ-нің тұрғын үй инспекциясы секторының меңгерушісі, өзін-өзі ұсыну тәртібімен ұсынылған Новокубанка ауылдық округінің Новокубанка ауылында тұрады.
Шортанды аудандық сайлау комиссиясы "Қазақстан Республикасындағы сайлау туралы" Қазақстан Республикасы Конституциялық Заңының 45-бабына сәйкес 2023 жылғы 26 қыркүйектегі шешіммен 2023 жылғы 24 қыркүйекте сайланған Шортанды ауданының ауылдық округтерінің әкімдерін тіркеді.
Шортанды аудандық сайлау комиссиясы