«Алтыналмас АК» акционерлік қоғамы - геологиялық барлау, кен өндіру және алтын өңдеудің толық айналымын қамтыған компания. Алтын құрамдас кенді өндіру компанияға тиесілі 9 Қазақстандық кен орнында жүргізіледі.
Компания активтері еліміздің Жамбыл, Қарағанды, Абай және Ақмола облыстарында орын тепкен.
Пайдалы қазбалар «Ақбақай», «Долинное», «Ақсу» алтын өндіру фабрикаларында, «Пустынное» байыту фабрикасында және «Алтыналмас Technology» құнды металдар шығару зауытында өңделеді.
Жолымбет кенорны Ақсу-Жолымбет құрылымдық-металлогендік аймағының оңтүстік бөлігіндегі Сілеті-Степняк мегасинклинорийінің оңтүстік-шығысындағы тұйықтақта орналасқан.
Жолымбет кенорнының кен алаңына 3 учаске (Центральное, Южное, Северное) және алтын-кварцтық формацияның бірқатар көріністері кіреді. Учаскелер Степняк типіндегі (Центральное және Южное) интрузивтердің эндо және экзоконтактілік бөліктерінде және Қырыққұдық массиві (Северное) төбесінің төмпешігінде жатыр.
Алтын өндіру фабрикасы Жолымбет кен орнының Центральный учаскесінен кен өңдеуге арналған ("№6 карьер", " Центральная шахтасы").
https://www.altynalmas.kz/about
2017 жылы «Қазақалтын Technology» ЖШС ТМТ (техногенді минералды түзілімдерді) өңдейтін Жолымбет байыту фабрикасы іске қосылды. 2021 жылдың қарашасында ТМТ көлемі өңделіп, фабриканы алтын құрамды кенді өңдеуге бейімдеу басталды. 2022 жылдың сәуір айынан бастап фабрикада жылына 650 мың тонна кен өндіріледі