Целиноград ауданында «Нәтижелі жұмыспен қамтуды және жаппай кәсіпкерлікті дамыту 2017-2021 жылдарға арналған «Еңбек» бағдарламасының іске асырылуы туралы ақпарат

Бағдарламаны іске асыру барысында Халықты жұмыспен қамту орталығына жұмысқа орналастыру мәселесі бойынша 2135 адам өтініш білдірді, оның ішінде жұмысқа орналасқандардың жалпы саны 2070 адам немесе 97 % жұмысқа орналастырылды.

"Бағдарламаға қатысушыларды техникалық және кәсіптік біліммен және қысқа мерзімді кәсіптік оқытумен қамтамасыз ету" бірінші бағыт шеңберінде қысқа мерзімді кәсіптік оқуына 35 жіберілді. Оның ішінде: 5 адам оқудан шығарылды, 22 адам жұмысқа орналастырылды, 8 адам жұмысқа орналаспады (2 жүкті, 1 көшу, 4 өзің өзі жұмыспен қамтығандыр, 1 ЖК ашты).

Қысқа мерзімді оқытуға республикалық бюджеттен 5806,0 мың теңге бөлінді.

Бағдарламаның екінші бағыты аясында кәсіпкерлік негіздеріне "Бастау Бизнес" жобасына 151 адам оқытылды.

Кәсіпкерлік бастамаларды қолдау бойынша шағын несие алуға 138 жолдама берілді. Оның ішінде 100 адам шағын несие алды. Берілген микрокредиттің жалпы сомасы 418480,2 мың теңгені құрайды.

Несие мал шаруашылығын дамытуға (жылқы, ІҚМ, қой), наубай     хана ашуға, жүк автомобильдерін және автобустарды сатып алу үшін берілді.

Осы бағыт шеңберінде мемлекеттік гранттарды 200 АЕК (555 600 теңге) дейін ұсыну республикалық бюджеттен 30430,0 мың теңге және облыстық бюджеттен 555 600 теңге бөлінді. 202 жылдың 01 қаңтарына жаңа бизнес-идеяларды іске асыруға 56 адам грант алды жоспар бойынша 40 адам.

"Халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту" үшінші бағыты Жастар тәжірибесі, Әлеуметтік жұмыс орны, қоғамдық жұмыстар сияқты компоненттерді қамтиды.

Жастар тәжірибесіне 34 адам жіберілді, жоспар бойынша 23 адам. Аяқталғаннан кейін 25 адам тұрақты жұмысқа орналастырылды, 9 адам жұмысқа орналаспады (2 өзің өзі жұмыспен қамтығандар, 3 көшу, 2 отбасы жағдайлары бойынша, 1 жастар тәжірибесін өтуден бас тартты).

Республикалық бюджеттен 8861,0 мың теңге бөлінді, 100 % игерілді.

Әлеуметтік жұмыс орындарына 20 адам жолданды, жоспар бойынша 11 адам. Аяқтағаннан кейін тұрақты жұмыс орындарына 19 адам орналастырылды, 1 адам жұмысқа орналаспады (әлеуметтік жұмыс орнынан бас тартты).

Республикалық бюджеттен 4095,0 мың теңге бөлінді, 100 % игерілді.

Қоғамдық жұмыстарға 248 адам жіберілді, оның 12-і мүгедек. Жіберілгендерден: тұрақты жұмыс орындарына 216 адам орналастырылды, жұмысқа орналаспаған 32 адам (7 қайта қоғамдық жұмысқа жіберілді, 3 зейнетке шығу, 7 өзің өзі жұмыспен қамтығандар, 4 көшу, 2 студент, 9 денсаулық жағдайы бойынша).

Жергілікті бюджеттен 29050,0 мың теңге және республикалық бюджеттен 45000,0 мың теңге қаражат бөлінді. 100 % игерілді.