Мекенжай тіркелімі

«Мекенжай тiркелiмi» ақпараттық жүйесi — әкiмшiлiк-аумақтық бiрлiктерi, олардың бөлшектерi туралы ақпараттармен, Қазақстан Республикасы аумағында тiркелiнген жылжымайтын мүлiк нысандарының орналасқан жерi туралы ақпараттармен мемлекеттiк үкiмет органдары мен жергiлiктi басқару органдарын қамтамасыз ету үшiн қажет. «Мекенжай тiркелiмi» ақпараттық жүйесiн құрудың негiзгi мақсаты мекен-жай ресурсының берiлуiнiң бiртұтас жүйесiн құру болып табылады.

«Мекенжай тiркелiмi» ақпараттық жүйесiмен жұмыс Қазақстан Республикасы Ұлттық экономика министрiнiң 2015 жылғы 22 желтоқсандағы № 783 және Қазақстан Республикасы Инвестициялар және даму министрiнiң 2015 жылғы 28 желтоқсандағы № 1262 бiрлескен бұйрығымен бекiтiлген Қазақстан Республикасының аумағындағы жылжымайтын мүлiк объектiлерiн адрестеу қағидаларымен сәйкес жүзеге асады.

«Мекенжай тiркелiмi» ақпараттық жүйесiне әкiмшiлiк-аумақтық бiрлiктер жөнiндегi мәлiметтердi енгiзу қызметтерi Ақмола облысыТiлдердi дамыту басқармасы мамандарына жатады.

МТК кодын көрсете отырып жылжымайтын мүлiк объектiсiнiң мекенжайын қалыптастырумен және оларды «Мекенжай тiркелiмi» ақпараттық жүйесiнiң деректер базасына енгiзумен, жылжымайтын мүлiк объектiлерiне реттiк нөмiр берумен, облыстағы қалалар мен аудандардың сәулет және қала құрылысы бөлiмдерiнiң мамандары айналысады.

Жылжымайтын мүлiк объектiнiң мекенжайы бойынша мәселелер туындағанда — жаңа объектiге мекенжай беруде, бұрын берiлген мекенжайдың дәл еместiгiн анықтауда, объектiнiң орналасқан жерiндегi сәулет және қалақұрылысы бөлiмдерiне жүгiну қажет.