Әлеуметтік қолдау шараларын ұсыну тәртібі Қазақстан Республикасы Ұлттық экономика министрлігінің 2014 жылғы 6 қарашадағы №72 бұйрығымен бекітілген Қағидаларда айқындалған, оған сәйкес Ауылдық елді мекендерде орналасқан әлеуметтік сала және агроөнеркәсіптік кешен мекемелерінде кемінде үш жыл жұмыс істеген жағдайда әлеуметтік қолдау келісім негізінде ұсынылады.

2009 жылдан бастап мамандарға мынадай әлеуметтік қолдау шаралары ұсынылады:

- 100 АЕК көлемінде көтерме жәрдемақы

- 1500 АЕК мөлшерінде 0,01% сыйақы мөлшерлемесімен 15 жыл мерзімге ауылдық елді мекенде тұрғын үй сатып алу үшін бюджеттік кредит

«Дипломмен-ауылға!» бағдарлама аясында Целиноград ауданында 2021 жылға 58 маманға 16,9 млн.теңге сомасында көтерме жәрдемақы төлеуге қаражат қарастырылған.

Сондай-ақ, тұрғын үй жағдайын жақсартуға ауданның ауылдарында тұрғын үй сатып алуға бюджеттік несие беру есебінен 140 маманға жалпы сомасы 612,8 млн.теңге қаражат қарастырылған.