Мемлекеттік қызмет көрсету саласындағы 2024 жылғы қызмет жөніндегі есептерді ашық талқылауды өткізу туралы

 

Мемлекеттік қызмет көрсету

саласындағы 2024 жылғы

қызмет жөніндегі есептерді

ашық талқылауды өткізу туралы

 

 

«Қазақстан Республикасындағы жергілікті мемлекеттік басқару және өзін-өзі басқару туралы» және «Мемлекеттік көрсетілетін қызметтер туралы» Қазақстан Республикасының Заңдарына сәйкес, Ақмола облысының әкімдігінің 2025 жылғы 22 қаңтардағы «Мемлекеттік қызмет көрсету саласындағы 2024 жылғы қызмет жөніндегі есептерді ашық талқылауды өткізу туралы» № А-1/27 қаулысын орындау мақсатында,  Сандықтау  ауданының  әкімдігі        

ҚАУЛЫ ЕТЕДІ:

  1. Ауданның атқарушы органдарының мемлекеттік қызметтерді көрсету саласындағы 2024 жылғы қызметі туралы есептерді көпшілік алдында талқылауды өткізу бойынша шаралар бекітілсін.
  2. Мәдениет ауылы, ауылдық округ әкімдеріне, мемлекеттік органдардың басшылары мемлекеттік қызметтерді көрсету саласындағы қызмет туралы есептерді көпшілік алдында талқылауды өткізу бойынша ұйымдастыру шараларын өткізсін.
  3. Сандықтау ауданы әкімі аппаратының мемлекеттік қызметтерді көрсетілуін бақылау бойынша бас инспекторына:

1) 2025 жылғы 1 наурызға дейінгі мерзімде Сандықтау ауданының ресми интернет-ресурстарда және басқа бұқаралық ақпараттық құралдарында мемлекеттік қызметтер көрсету мәселелері бойынша 2024 жылғы қызмет туралы есепті орналастырсын;

2) 2025 жылғы 30 наурызға дейінгі мерзімде мемлекеттік қызметтер көрсету саласындағы 2024 жылғы қызмет туралы есептерді ашық талқылауды өткізсін;

3) 2025 жылғы 8 сәуірге дейінгі мерзімде Сандықтау ауданының ресми интернет-ресурстарда және басқа бұқаралық ақпараттық құралдарында мемлекеттік қызметтер көрсету мәселелері жөніндегі 2024 жылғы қызмет туралы есептерді ашық талқылауды өткізудің нәтижелері бойынша қорытындыларды орналастырсын.

  1. Осы қаулының орындалуын бақылау Сандықтау ауданы аппаратының басшысы А.А. Есымбаевқа жүктелсін.
  2. Сандықтау ауданы әкімдігінің осы қаулысы қол қойылған күнінен бастап қолданысқа енгізіледі.

 

 

Сандықтау ауданының әкімі                                                             С.Құдабай

Дата публикации
18 февраля 2025