Жобаны Әділет министрлігі бастамашылық етті. Мақсаты-халықпен кері байланыс жүйесін ұйымдастыру. Артықшылығы-азаматтар тәулік бойы тегін құқықтық көмек ала алады. Яғни, құқықтық мәселелер бойынша еліміздің әр өңірінен 119 ақпараттық қызметтің бірыңғай нөміріне қоңырау шалған азаматтар тегін заңгерлік кеңес алады.
Бүгін осы жобаның көмегімен азаматтардың сот актілерін орындау, оның ішінде алимент өндіріп алу бойынша проблемалық мәселелері шешілді. 119 бірыңғай нөмірі халыққа білікті заң көмегін көрсету мақсатында қолданысқа енгізілді. Бұл азаматтардың құқықтық сауаттылық деңгейін арттыруға, олардың уақыты мен ақшасын үнемдеуге мүмкіндік береді.
Осы желі бойынша тұрғындар білікті заңгерлермен және құзыретті органдардың өкілдерімен байланысып, оларды толғандыратын сұрақтарға толық жауап алады.