Ақмола облысы мәдениет басқармасының
2023 жылдың мамыр айында атқарылған жұмыстары туралы
АҚПАРАТ
2023 жылғы 31 мамырдағы жағдай бойынша облыста барлық меншік нысанындағы 618 мәдениет объектілері жұмыс істейді, оның ішінде 594 мемлекеттік, оның ішінде:
- 248 мемлекеттік клубтық кәсіпорын, оның ішінде ауылды жерде – 226;
- 331 мемлекеттік кітапхана, оның ішінде ауылды жерде – 289 (Зеренді ауданы Баратай ауылында ауылдық кітапхана ашылды);
- 11 музей, оның ішінде ауылды жерде – 2;
- 2 театр;
- Үкілі Ыбырай атындағы Ақмола облыстық филармониясы – 1;
- 1 тарихи-мәдени мұраны қорғау және пайдалану орталығы;
- 1 Халық шығармашылығы және мәдени демалыс орталығы.
Мамыр айында мәдениет мекемелері 3 187 іс-шара өткізді, оған 480 537 адам қатысты.
Облыстың клубтық кәсіпорындарының негізгі және мерейтойлық іс-шаралары.
1 мамыр – біздің бүкілхалықтық бірлігіміздің күні, Қазақстанның барлық этностарының достығы мен келісімінің мерекесі, бұл қазақстандық патриотизмнің, елімізге, халқымызға деген адалдықтың мерекесі. Еліміздің барлық жетістіктері бейбітшілік пен келісімнің арқасында қол жеткізілді.
Қопа көлінің жағалауында «Көкшетау» мәдениет сарайының ұйымдастыруымен Қазақстан халқының бірлігі күніне және Темірбек Жүргеновтің 125 жылдығына арналған «Би – рух тынысы» хореографиялық фестивалі өтті.
Фестивальге Е.Рахмадиев атындағы мемлекеттік академиялық филармониясы, Астана қ., Солтүстік Қазақстан облысы, Петропавл қ., Ерейментау, Қорғалжын, Атбасар, Сандықтау аудандары, Степногорск, Көкшетау қалаларының би ансамбльдері қатысты.
Фестивальді ұйымдастырушылар барлық қатысушыларды дипломдармен, естелік мүсіншелермен және 100 000 теңге көлемінде ақшалай сертификаттармен марапаттады.
Жеңіс күні – халқымыздың ерлігі мен даңқының, батылдығы мен қаһармандығының жарқын көрінісі, патриоттық сезім мен бізге бейбітшілік пен еркіндік сыйлаған аға ұрпаққа деген құрмет күні. Ұлы Отан соғысының ардагерлеріне шын жүректен алғыс айтамыз, мәңгі есте сақтаймыз және мақтан етеміз.
Ақмола облысында ұлы мерекеге орай 600-ге жуық іс-шаралар жоспарланды.
Еліміз бойынша әскери қызметшілер мен соғыс ардагерлерін дәстүрлі құттықтау іс-шаралары атап өтілуде. Сонымен қатар бейбіт уақытта қаһармандық көрсетіп, Отанға адал қызмет ету үлгісін көрсеткен қатардағы азаматтарға кеңінен құрмет көрсетіліп келеді. Барлық еңбек ұжымдарында мерекелік іс-шаралар мен құттықтаулар өткізу дәстүрі қалыптасты.
9 мамыр күні Кеңес Одағының Батыры Мәлік Ғабдуллиннің ескерткіші және Кеңес Одағының екі мәрте Батыры Талғат Бигелдиновтың бюстіне ардагерлер мен тыл еңбеккерлерінің қатысуымен гүл шоқтарын қою рәсімі өтті.
Сағат 12.00-де «Абылай хан» алаңында облыс орталығы тұрғындары мен қонақтарының назарына «Ұлы Жеңіске тағзым!» әдеби-музыкалық композициясы ұсынылды.
Алғашқы «Қазақстан – бақыт мекені» көрінісі Үкілі Ыбырай атындағы Ақмола облыстық филармониясының солистері Серікболсын Бекмолдин, Аягөз Қалмағанбетова, Абзал Ес, Айгерим Даулетхан, бейбіт аспан мен жаңа қазақстандық патриотизмді бейнелейтін «Көкшетау» МС-ның шығармашылық ұжымдарының орындауындағы С.Ибрагимовтың «Отаным» әнімен ашылды.
Ақмола облыстық орыс драма театры актерінің орындауындағы «Мәлік Ғабдуллин» көрінісінде «Жас ғабдуллиншілер» клубы, «Көкшетау» МС-ның хореографиялық ұжымдарының қатысушыларымен «Жеңіс лентасы» мерекелік лентасын бір мезетте тарату рәсімі ұйымдастырылды.
Кеңес Одағының Батыры Мәлік Ғабдуллин – қаһармандық іс-қимылдарымен, терең ғылыми ізденістерімен өзгешеленетін тарихи тұлға. КСРО педагогикалық ғылымдар академиясының академигі, филология ғылымдарының докторы, профессор, көрнекті қоғам қайраткері Мәлік Ғабдуллинің сан саналы ғұмыр жолы келешек ұрпақ үшін нағыз патриотизмнің, еліне деген зор сүйіспеншілік пен махаббаттың жарқын көрінісі.
Бүгінгі таңда облыс орталығында Мәлік Ғабдуллин атындағы музей жұмыс істейді, онда аты аңызға айналған тұлғаның жеке заттары, еңбектерінің көшірмелері және фотосуреттері сақталған. Музей жанынан «Жас ғабдуллиншілдер» клубы құрылды, Республика бойынша Кеңес Одағының Батыры есімімен аталатын 9 жалпы білім беретін мектеп бар, әрқайсысында жас ғабдуллиндер клубы қызмет етеді.
Үкілі Ыбырай атындағы Ақмола облыстық филармониясының солистері, хореографиялық ансамблдері, Ж.Мусин атындағы Жоғары қазақ педагогикалық колледжінің «Томирис» әскери-патриоттық клубының, Ақан Сері атындағы жоғары мәдениет колледжі солистерінің орындауында «Қазақтың қаһарман қыздары» атты музыкалық-хореографиялық композициясы ұсынылды.
«Ер есімі – ел есінде» көрінісінде эстрадалық өңдеуде ерлер квинтетінің орындауында Р.Елебаевтың «Жас қазақ» әні шырқалды. Ұлы Жеңіс батырлары: Сағадат Нұрмағанбетов, Талғат Бигелдинов, Бауыржан Момышұлы бейнесін Ш.Құсайынов атындағы қазақ музыкалық-драма, Ақмола облыстық орыс драма театрларының актерлері, Ж.Мусин атындағы Жоғары қазақ педагогикалық колледжінің студенттері сомдады.
Ұлы Жеңіс батырлары: Сағадат Нұрмағамбетов, Талғат Бегелдинов, Бауыржан Момышұлы мәңгілікке табандылықтың, батылдықтың және өз Отанына жанқиярлықпен шайқасқан аңыз адасдардың үлгісі болып қала бермек. Біз, қазіргі және болашақ ұрпақ, Ұлы Отан соғысы батырларының жеңісін әрқашан есімізде сақтаймыз.
«Би – рух тынысы» көрінісінде Ақан Сері атындағы жоғары мәдениет колледжінің хореографиялық ансамбльдері, «Көкшетау» МС-ның «Тұмар», «Сувенир» халықтық би ансамблдерінің орындауында солдаттық әндер орындалды.
«Ұлы Жеңіс» көрінісі Үкілі Ыбырай атындағы Ақмола облыстық филармониясы, Біржан Сал атындағы музыкалық колледжі бірлескен хоры, Абай Мырзахметов атындағы Көкшетау университетінің «Сымбат», «Палитра» хореографиялық ансамблдері, «Достар» МС-ның «Асыл мұра», «Арай» би ансамблдері, «Көкшетау» МС-ның хореографиялық ұжымдарының орындауындағы И.Елемесінің «Жеңіс күні» әнімен шырқалды.
«Атамекен» көрінісі Е.Хасанғалиевтің «Атамекен» әнін «Көкшетау» МС-ның триосы орындауында және хореографиялық ұжымдарының кіші топтары мен жастар ресурстық орталығы қатысушыларының қала тұрғындарына бір мезетте 500 мемлекеттік жалауларды табыстауымен аяқталды.
Мерекелік концерттік бағдарламаны Көкшетау қаласының шығармашылық ұжымдары ұсынды. Іс-шара бағдарламасында әскери-патриоттық әндер шырқалды.
Кешке сағат 18.00-ден 22.00-ге дейін қала тұрғындары мен қонақтары назарына «Ұлы Жеңіс әндері!» кешкі мерекелік концерттік бағдарламасы ұсынылды. Мерекелік концерт қонақтары – Щучинск қаласының «Нұрсат» әскери-эстрадалық тобы.
Мерекелік іс-шаралар қатарында «Көкшетау» мәдениет сарайының ұйымдастыруымен Ұлы Жеңіс Күніне арналған «Ұрпаққа ұран болған ұлы Жеңіс» атты әскери әндер байқауы өтті. Қазылар алқасының қорытындысы бойынша кіші жас санатында 3 орынды Аяна Альмухамедова (№17 мектеп-гимназиясы), Вячеслав Волков (№17 мектеп-гимназиясы), 2 орынды Даяна Мелис (№19 орта мектебі), Арина Тыщенко (№17 мектеп-гимназиясы) бөлісті, 1 орынды Серикова Диляра (№14 жалпы орта білім беретін мектебі) иеленді.
Жоғарғы жас санатында 3 орынды «Сарбаздар» тобы (Жоғары техникалық колледжі), Ақылдас Семетай (№18 мектеп-лицейі), 2 орынды Дінмұхамед Әлімхан (Қосшы қаласының Мәдениет үйі), Мадина Бухарова (Ш.Уәлиханов атындағы университеті) бөлісті, 1 орынды Ақтоты Абдрахман иеленді (Красный Яр ауылының «Көкше» мәдениет үйі,).
Концерттік бағдарламаға «Көкшетау» мәдениет сарайының шығармашылық ұжымдары: «Балдәурен» үлгілі вокалды-хореографиялық ансамблі, «Тұмар» халықтық заманауи би ансамблі, «Жұлдыз» үлгілі вокал студиясы, «Шамшырақ» эстрадалық вокал студиясы, солистер Ақниет Абдулла, Нұрғиса Досмахан қатысты.
18 мамыр күні «Көкшетау» мәдениет сарайында Абылай ханның 310 жылдығы, Құрманғазы Сағырбайұлының 205 жылдығы және Ақан Сері Қорамсаұлының 180 жылдығына арналған «Арқаның ән – күй мұрасы» атты «Кербез сұлу» халықтық фольклорлық ансамблінің концерті өтті. ҚР халық әртісі Бисара Макенова, «Көкшетау» халықтық би ансамблі, «Көркемтау» домбырашылар ансамблі, «Көкше саздары» тобы, солистер Айымгүл Хасенова мен Төлеген Аманов көрермендерді тамаша туындылармен және жарқын орындауларымен қуантты.
19 мамыр күні Целиноград аудандық мәдениет үйінде «Ән салған Ақмола» облыстық хор ұжымдарының фестивалі өтті.
Фестивальға Ақмола облысының қала, аудандарынан 8 ұжым қатысып, қойылған талаптарға сай өнер көрсетті. Целиноград, Қорғалжын, Атбасар, Бурабай аудандарынан және Қосшы қаласынан қатысқан өнер ұжымдарының өнері халықтың көңілінен шығып, ерекше қошеметке ие болды.
Ағымдағы айда мәдениет мекемелері мен кәсіпорындары «Мәдениет және өнер қызметкерлері күні» кәсіби мерекесін атап өтті.
Мағжан Жұмабаев - көрнекті қазақ ақыны, жазушы, педагог және аудармашы. Оның өмірі күркіреген аспандағы найзағай тәрізді жарқын әрі қас қағым болды. Бірақ қысқа ғұмырына қарамастан, ол ұрпақтарына өз сөзін, бәрімізге жақын жалынды өлеңдерін қалдырды.
22 мамыр күні «Көкшетау» мәдениет сарайының ұйымдастыруымен Мағжан Жұмабаевтың 130 жылдығына арналған «Мағжан поэзиясының маржандары» атты мәнерлеп оқу байқауы өтті.
Қазылар алқасының қорытындысы бойынша 9-14 жас санатында 1 орынды Милана Мусакилова (№16 орта мектебі), 15-24 жас санатында 1 орынды Аружан Каиргазиева (№6 мектеп-лицейі), 25-35 жас санатында 1 орынды Айсәуле Алибекова (№7 ЖОББМ) иеленді.
Мерекелік онкүндік аясында 25 мамыр күні «Көкшетау» мәдениет сарайында Абылай ханның 310 жылдығы, Құрманғазы Сағырбайұлының 205 жылдығы, Ақан сері Қорамсаұлының 180 жылдығына арналған «Ақмола жұлдыздары» облыстық көркемөнерпаздар халық шығармашылығы байқауының жеңімпаздарын марапаттау рәсімі мен қорытынды гала-концерті өтті.
Жиырма жылдан астам уақыт бойы байқау қалалар мен ауылдарда өнер жұлдыздарын жағып, жаңа есімдер мен таланттарды анықтады.
Бұл жоба халық композиторларының шығармашылығын ұрпақтан-ұрпаққа жаңғыртуға және насихаттауға қызмет етеді және өңіріміздегі мәдениет саласындағы ең танымал жоба болып табылады.
Байқаудың алғашқы іріктеу кезеңінде кәсіпорындарда, мекемелерде облыстың 276 ауылдық округі мен 3 қаласынан 70 мыңға жуық адам қатысты. Аудандық және қалалық гала-концерттерде 16 мыңнан астам көркемөнерпаз өнер көрсетті, оның ішінде 150 ауылдық округтен 7 мыңнан астам адам.
«Ақмола жұлдыздары» көркемөнерпаздар халық шығармашылығын тамашалау барысында дуэт, трио, квартетте өнер көрсеткен 127 вокалистің және 62 шығармашылық ұжымның жаңа есімдері анықталды.
Қазылар алқасының шешімімен 311 үздік ұжым мен қатысушылар, сондай-ақ 104 халық және сәндік-қолданбалы өнер шеберлері лауреаттар атағына ие болды.
Байқау бағдарламасы «Абылай хан» алаңында Көкшетау, Қосшы қалалары мен Ақкөл, Аршалы, Сандықтау және Целиноград аудандарының ұлттық киімдегі 100-ден аса мың бұралған бишілерінің орындауындағы «Гүлдей құлпырған Қазақстан» композициясынан бастау алды.
«Ер ұраны – Абылай» театрландырылған қойылымында жиналған қауым үш жүздің басын біріктірген қазақтың ұлы ханы, ұлы мемлекет қайраткері – Абылайдың хан сайланған сәтінен көрінісін тамашалады. Қазақ елі тарихындағы қасіретті де ерлікке толы кезеңдердің бірі – бірегей тұлға Абылай ханның ел билеуін Атбасар мен Целиноград аудандарының ержүрек батырларының орындауында көрермен зор қошеметпен қабыл алды.
Байқау аясында сәндік-қолданбалы шығармашылықтың «Шаңырағы биік Қазақстан» көрмесі өтті, онда Қазақстан халқының мәдениетін, тұрмысын, дәстүрлерін бейнелейтін қолданбалы және бейнелеу өнерінің көркемөнерпаз шеберлерінің үздік туындылары ұсынылды.
Көрмеге сәндік-қолданбалы өнердің 720 шебері қатысты, оның ішінде 295 адам – жобаның дебютанттары. Әр-түрлі техникада орындалған 2510 түпнұсқа жұмыс ұсынылды: сүйек, ағаш, металл ою, тоқыма, өрілген және кестеленген бұйымдар, кескіндеме, акварель, халық шығармашылығы бұйымдары. Шеберлердің жұмыстары жаңа заманауи материалдардың дәстүрлі ұлттық қолданбалы өнер түрлерімен ерекше үйлесімімен ерекшеленді.
Ақмола облысы аудандары мен қалаларының мемлекеттік шығармашылық тапсырысының 30 ұжымының қатысуымен «Арқа төрі – Ақмола» шығармашылық зертханасы ұсынылды. Іс-шара аясында мемлекеттік шығармашылық тапсырыс аясында қатысатын би үйірмесінің қыздары әсем билерімен тамсандырса, сурет салу шеберханасының қатысушылары көркем суреттерінің көрмесін ұйымдастырды. Домбыра үйірмесінің тәрбиеленушілері әсем сазды әуенде қазақ халқының күйлерін орындады.
«Бір кезде Ақан едім аспандағы...» музыкалық-әдеби композициясында Көкшетау, Қосшы, Степногорск қалалары, Атбасар, Зеренді, Ерейментау аудандарының күміс көмей дәстүрді әннің дүлділдері халық әндерін орындап, мереке шырайын кіргізді.
«Көкшетау» мәдениет сарайының іргелес алаңында бірлескен әжелер ансамбілдері «Дүние-ай» халық әнімен көрермен көңілін көтерді.
«Кюй атасы – Құрманғазы» музыкалық композициясында Біржан Сал, Ақкөл, Ерейментау, Целиноград, Аршалы және Атбасар аудандарының 300 домбырашылары және бірлескен қазақ халық аспаптар оркестрімен атақты Құрманғазы Сағырбайұының «Балбырауын» күйі орындалды.
«Ақмола жұлдыздары» халық шығармашылығы байқауының гала-концертіне барлығы 2000-нан астам адам қатысты.
Облыстық халық шығармашылығы байқауының аудандық және қалалық гала-концерттерінің қорытындысы бойынша үш топта жүлделі орындар анықталды:
I топ-орталықтары кенттер, ауылдар болып табылатын аудандар
Бас жүлде Целиноград ауданы («Chevrolet Cobalt» автокөлігі)
1-ші дәрежелі диплом Қорғалжын ауданы (ақшалай сыйлық 3 млн теңге)
2-ші дәрежелі диплом Зеренді ауданы (ақшалай сыйлық 2 млн теңге)
3-ші дәрежелі диплом Аршалы және Сандықтау аудандары (ақшалай сыйлық 1 млн теңге).
II топ - орталықтары қалалар болып табылатын аудандар
Бас жүлде Ерейментау ауданы («Chevrolet Cobalt» автокөлігі)
1-ші дәрежелі диплом Бурабай ауданы (ақшалай сыйлық 3 млн теңге)
2-ші дәрежелі диплом Атбасар ауданы (ақшалай сыйлық 2 млн теңге)
3-ші дәрежелі диплом Ақкөл және Бұланды аудандары (ақшалай сыйлық 1 млн теңге).
«Ақмола жұлдыздар» облыстық халық шығармашылығы байқауында көрсеткен жоғары шығармашылық жетістіктері мен мәдениетті дамытуға қосқан елеулі үлесі үшін Қосшы қаласы Бас жүлде «Chevrolet Cobalt» автокөлігімен марапатталды.
«Ақмола жұлдыздары» облыстық халық шығармашылығы байқауындағы шығармашылық жетістіктері үшін І дәрежелі дипломымен және 2 млн. теңге сертификатымен Көкшетау және Степногорск қалалары марапатталды.
Өнер – адамның ең маңызды қасиеттерінің бірі. Өнер арқасында біз өмірде үлкен жетістіктерге қол жеткізе аламыз. 29 мамыр күні «Көкшетау» мәдениет сарайының шығармашылық ұжымдарының дарынды қатысушылары маусымды «Өнерге қанат қаққандар» атты үлкен концерттік бағдарламасымен жапты.
Қазақстан Республикасының Мемлекеттік рәміздері күнін мерекелеу қарсаңында «Көкшетау» облыстық мәдениет сарайы «Мен - Қазақстанның патриотымын» атты облыстық патриоттық ән байқауын өткізді. Қазылар алқасының қорытындысы бойынша 15-22 жас санатында 1 орынды Ақтоты Абдрахман («Көкше» МҮ), 23-35 жас санатында 1 орынды Мария Зеленко (Атбасар ауданы) иеленді.
Клуб мекемелерін (кәсіпорындарын) қаржыландыруға 932 491,4 млн. теңге бөлінді. Ақылы қызметтер жоспары 7 416,9 мың теңге, орындалуы 7 372,9 мың теңгені құрады.
Ағымдағы жылдың мамыр айында облыстың 331 кітапханасында 30 324 оқырманға қызмет көрсетілді, кітап беру 444 334 дананы құрады. Келушілердің жалпы саны – 328 336 адам.
Кітап қоры 4 565 934 дана, бір ай ішінде 2 719 дана әдебиет келіп түсті, 12 916 дана шығарылды.
Интернет желісіне 257 кітапхана қосылған, компьютерлендірілген – 324 кітапхана, телефондандырылған – 319 кітапхана.
Есепті кезеңде облыс кітапханаларында 2 563 іс-шара өткізіліп, оған 123 158 адам қатысты. Кітапхананы қаржыландыруға 79 672,8 мың теңге бөлінді.
М.Жұмабаев атындағы Ақмола облыстық әмбебап ғылыми кітапханасымен 7 мамыр – Отан қорғаушылар күні мен Ұлы Отан соғысы жылдарындағы қазақ халқының батырлығына арналған «Ерлік өмірінің эскиздері: Қазақ халқының соғыс жылнамасы» атты кітап-көрмесі ұйымдастырылды. Көрмеде: «Қазақстан. Ұлы Отан Соғысы жылдарында» атты кітап және «Малик Габдуллин – гордость Великой степи»; «Алия Молдагулова – снайпер, Герой Советского Союза»; «Иван Васильевич Панфилов – советский военный деятель, генерал-майор, Герой Советского Союза» тақырыбындағы мақалалар ұсынылды.
9 мамыр – Ұлы Жеңіс күніне орай кітапханамен қала мектептері оқуышыларына арналған «Ұлы ерлік – ұрпаққа үлгі» атты ақпараттық сағаттары мен 7 мамыр – Отан қорғаушылар күніне арналған «Ерлер – ел қорғаны» атты әдеби-сазды кештері өткізілді.
11 мамыр күні Мағжан Жұмабаев атындағы Ақмола облыстық әмбебап ғылыми кітапханасының қызметкері – Нұрислам Әбділ, жазушы Әскен Набиевтың 100 жылдығына орай Ақан сері атындағы мәдениет колледжінде «Елдің ардақты перзенті» атты танымдық сағат өткізді. Іс-шара барысында жазушының өмірі мен шығармашылығына, қажырлы еңбек жолына тоқталып, студенттерге қызықты әрі тың деректер берілді.
Қазақстан Республикасы Мәдениет министрлігінің қарамағындағы мемлекеттік мекемелер қызметкерлерінің еңбек тиімділігін, іскерлік және кәсіби біліктілігін арттыру мақсатында «Еңбек туралы» ҚР Заңына сәйкес әр үш жылда өткізілетін кезекті кітапхана қызметкерлерін аттестаттау жұмысы өткізілді.
Аттестаттау жұмысының бірінші күні қызметкерлер тестілеу бойынша бағаланды, екінші күні аттестаттау жұмысы сұхбат түрінде жалғасты. Нәтижесінде кітапхана қызметкерлері өздерінің біліктілігіне қарай жоғары және бірінші санаттарын дәлелдеді, көптеген кітапханашылар бірінші және екінші санат алды.
Қазақстан Республикасының Ұлттық академиялық кітапханасы мен Қазақстан Республикасының Ұлттық кітапханасының бірлесіп ұйымдастыруымен Мәдениет және өнер қызметкерлері күніне орай «Мәдениет: Кітап. Білім. Тіл» openair фестивалін өткізді.
Фестивальге Ақмола облысынан 25 адамнан тұратын делегация қатысты. Бұл Жақсы, Ерейментау, Целиноград, Аршалы, Егіндікөл, Есіл, Бурабай, Зеренді, Косшы және Степногорск қалаларының өкілдері.
Мағжан Жұмабаев атындағы Ақмола облыстық кітапханасының өнер әдебиеттері бөлімі қазақтың халық композиторы, әнші, ақын Иманжүсіп Құтпанұлының 160 жылдығына орай «Иманжүсіп Құтпанұлының өмірбаян деректері» тақырыбында ақпараттық-танымдық сағат өткізді. Ақпараттық сағатта оқушыларға батырлық, палуандылығымен қоса әншілік, ақындық қабілетімен Есіл, Нұра бойын жайлаған Арғын, Қыпшақтың cepi серкесіне айналған Иманжүсіп Құтпанұлының өмірбаяны халқының еркіндігі үшін еткен еңбегі, Біржан сал, Ақан cepi, Үкілі Ыбырай, Балуан Шолақ, Мәди әндерін тамылжыта шырқаған; Жарылқапберді, Естай тағы басқа әншілермен дос, сырлас болғандығы жайында баяндалды.
2023 жылдың мамыр айында облыс музейлерімен 384 экскурсия, 38 дәріс, 49 көрме өткізіліп, 471 іс-шара ұйымдастырылды. Келушілер саны – 17 702 адам.
Қойнауы аңызға толы көрікті Бурабай баурайында 2019 жылы Ақмола облысы әкімі қолдауымен өткен халықаралық суретшілер форумы аясында шет ел суретшілері салған қырыққа тарта өнер туындысын Қостанай облысы тұрғындары мен қонақтарының назарына ұсыну, сонымен қатар, көпшіліктің көркемөнерге деген қызығушылығын оятып, эсетикалық талғамын қалыптастыру мақсатында Қостанай қаласындағы облыстық тарихи-өлкетану музейінде Әдебиет және өнер музейінің «Бурабай аңыздары» көркемсурет көрмесінің ашылуы аталып өтті.
5 мамыр күні Мәлік Ғабдуллин музейінің ұйымдастыруымен Орталық қалалық балалар мен жасөспірімдер кітапханасында алаштың аяулы ақыны Мағжан Жұмабаевтың 130 жылдығына орай «Батыр Баян» жырын жатқа айтушылар байқауы өтті. Байқауда Көкшетау қаласы бойынша 9 мектептен 10 оқушы бақ сынады. Қазылар алқасының шешімімен I орынды №21 мектеп лицейінің оқушысы Мырзаханова Толғанай жеңіп алды.
3-7 мамыр аралығында Қажымұқан атындағы №3 облыстық мамандандырылған балалар мен жасөспiрiмдер спорт мектебiнде Жеңiс күнiне және даңқты жерлесіміз Мәлік Ғабдуллиндi еске алуға арналған XIX дәстүрлi республикалық бокс турнирі өтті.
Турнирде Астана, Көкшетау, Павлодар, Екібастұз, Алматы, Ақтөбе қалаларынан барлығы 200-ге жуық боксшы өз бақтарын сынады. Ал, Ақмола облысының намысын Көкшетау, Степногорск, Бестөбе, Шучинск қалаларымен, Зерендi, Целиноград, Есіл аудандарынан келген жас спортшылар қорғады.
XIX дәстүрлi республикалық бокс турнирінің салтанатты жабылу рәсіміне Ақмола облысы мәдениет басқармасының басшысы Айгүл Баубекқызы Сәбитова қатысып, жүлдегер атанған спортшыларды марапаттады.
Көкшетау қаласының тарихы музейі жас жеткіншектерді туған қаламыздың тарихымен таныстыруға бағытталған іс-шараларды жүзеге асыру аясында «Круиз» туристік фирмасымен бірлесе жұмыс атқаруда.
Музейге келушілер үшін Музейдің экспозициялық және көрме залдары бойынша шолу экскурсиялары, Бұқпа шоқысы төбесіндегі «Кокшетау с высоты» және «Сүйікті қалам – Көкшетау» жаяу экскурсиялар ұйымдастырылды.
Отан қорғаушылар күніне және Ұлы Жеңіс күні мерекелеріне орай музейдің көрме залында «Ұлттық рухтың қайнары» және «Отты күндер ер есінде, Жеңіс күні ел есінде» атты фотокөрмелердің ашылуы өтті.
Мәлік Ғабдуллин музейінің ұйымдастыруымен академик, геолог-ғалым Қаныш Сәтпаевтың өмірі мен ғылым жолын насихаттау, Мәлік Ғабдуллин мен Қаныш Сәтпаевтың ағалық-інілік қарым-қатынасын жас ұрпаққа үлгі ету мақсатында Алматыдағы Қаныш Сәтпаев мемориалдық музейінің қорынан сұрыпталып алынған «Мәліктің Қаныш ағасы, халықтың Қаныш данасы» атты көрменің салтанатты ашылу рәсімі өтті.
Ашылу салтанаты Ақмола облысы мәдениет басқармасының басшысы Айгүл Сәбитованың беташар сөзімен басталып, Қаныш Сәтпаев мемориалды музейінің бөлім басшысы, мәдениет қайраткері Алтаев Базарбайдың жылы лебіз, жарқын естеліктерімен жалғасты.
Жыл сайын 18 мамыр күні әлемнің барлық музейлерінің қызметкерлері кәсіби мерекелерін атап өтеді. Осы күні дүниежүзінде барлық музейлерде дәстүр бойынша «Музейдегі түн» акциясы өтеді. Биылғы жылы іс-шара кең ауқымда өтіп, қаламыздың ең маңызды мәдени оқиғаларының біріне айналды.
Көкшетау қаласының тарихы музейінде іс-шара бағдарламасына сәйкес, келушілер назарына көкшелік суретші Наталья Лосеваның жеке сурет көрмесі, ретро радиоаппаратура көрмесі, ХX ғасыр ортасындағы қалалық интерьердің экспозициясы, этноауыл және интерактивты алаңдар, фотозонолар, гитарамен ән айту және дәстүр бойынша самаурынмен шай ішу ұсынылды. Әсіресе балалар қызықты викториналарға құлшыныспен қатысып, ең белсенділері музей атынан естелік сыйлықтарға ие болды.
Әдебиет және өнер музейінде «Өнер» балалар көркемсурет студиясының көрмесін ұйымдастырды. Көрмеге 40-тан астам туынды қойылып, көпшіліктің жоғары бағасына ие болды. Көрменің ашылу рәсімінде аталған студияның жетекшісі, суретші Ибраһим Иса балалар шығармашылығының дамуына зор үлес қосып жүрген музей ұжымына алғыс білдірді.
Бұдан әрі іс-шара «Жауқазын» жастар театрының қойылымымен жалғасты. Өнерлі өрендер қазақ поэзиясының талантты өкілдерінің шығармаларынан өлең оқып, көпшілікті тәнті етті. Сонымен қатар гитараның сүйемелдеуімен тамылжыта ән салды. Жас ақын Абылайхан Әшімханұлы жырдан шашу шашып, өрелі өлеңдерімен тыңдарман қауымды тәнті етті.
Мәлік Ғабдуллин музейінде өскелең ұрпақты халық ауыз әдебиетiне баулу, ертегiлердi насихаттау, мән-мағынасын ұғындыру мақсатында музей түнi театрландырылған қойылым түрiнде өттi. Музей ауласы «Ұшқыш кiлемдегi қаңбақ шал», «Ұр тоқпақ» сияқты ертегi кейiпкерлерiмен безендiрiлiп, көпшiлiктi елең еткiздi.
Музей түнінің ашылу салтанатында жазушы, драматург, қоғам қайраткері, «Тіршілік» ЖШС директоры Жабал Ерғалиев, жазушы, тіл жанашыры Қаратай Төлекеев пен Мәлік Ғабдуллин музейінің директоры Кенжебай Мұқышев музей қызметкерлерін кәсіби мерекесімен құттықтап, ізгі тілектерін білдірді. Бірқатар музей қызметкерлеріне Ақмола облысы әкімінің орынбасары Алтынай Әмренова және Ақмола облысы мәдениет басқармасының басшысы Айгүл Сәбитованың Алғыс хаттары табысталды.
23 мамыр күні алғаш рет Ақмола облыстық тарихи-өлкетану музейі туған өлкенің тарихын сүйетін және құрметтейтін халық жадын сақтаушыларға арналған «Музейлер шеруі-2023» мерекелік іс-шарасын ұйымдастырды. Аталған іс-шара аясында облыстық және аудандық музейлердің қызметкерлеріне құрмет көрсетіліп, бірқатар қызметкерлер Ақмола облысы әкімінің орынбасары А.Б.Әмімренованың Алғыс хаттарымен және Ақмола облысы мәдениет басқармасының басшысы А.Б.Сәбитованың Алғыс хаттарымен марапатталды.
Ақмола облыстық тарихи-өлкетану музейі «Музейдегі түн – 2023» акциясы асында Көкшетау қаласының тұрғындары мен қонақтарына Атбасар ауданы музейлерінің қорынан жылжымалы көрме, Атбасар жәрмеңкесінің инсталляциясы - XIX ғасырдың аяғы мен XX ғасырдың басындағы әйгілі жәрмеңкелердің бірі – «Атбасар Атамекенім» тарихи қайта құруды дайындады. Осынау ауқымды іс-шараны бес мыңға жуық адам тамашалады.
Облыс музейлерін қаржыландыруға 45 403,9 мың теңге бөлінді. Облыстық тарихи-өлкетану музейінің ақылы қызметтер жоспары – 589,0 мың теңгені, орындалуы – 1 432,7 мың теңгені құрады.
Облыста 1661 ескерткіш (2021ж.-1793) және тарихи-мәдени мұра объектісі бар. Оның ішінде республикалық маңызы бар 5-і: Ш.Ш.Уәлиханов ескерткіші, Көкшетау қаласының тарихы музейі (бұрынғы В.Куйбышев үйі), Біржан сал ауданындағы Біржан сал қабірі, Қорғалжын ауданындағы Бытығай кесенесі және Бурабай ауданындағы Абылайхан алаңқайы, 1035 жергілікті маңызы бар ескерткіш және 46 киелі орын, Ақмола облысындағы 11 нысан жалпыұлттық нысандар тізімі, 35 – аймақтық нысандар тізіміне енді.
Мамыр айында облыс театрлары 68 спектакль көрсетті, оның ішінде 2 премьера, барлығы 7 609 адам қатысты.
«Көк-Түріктер» драмасы, авторы: Б.Вахапзаде, қоюшы режиссері: С.Сраилов.
«Көк – Түріктер» қойылымы заманамызыдң 630 жылы Қытай жеңіліске ұшыратқан, Көк – Түрік қағанатының ұлттық күресін суреттей отырып, бүгінгі заман тынысымен үндестікте өрбиді. Өткен заманда бабаларымыз қолына қару алып шайқасқан болса бүгінгі соғыс көзге көрінбейтін ақпарат майданы екенін аңдатады. Спектакльден бақ таластық пен тақ таластықтың ел мен жерге тигізер зор кесапатын, жең ұшынан жалғасқан жемқорлық пен сатқындықтың кесірі көрініс табады.
«Бәрінен күшті қорқақ Көжек» ертегісі, авторы Б.Алимжанов, қоюшы режиссері: А.Алимбаев.
Қу түлкі мен аш Бөлтірік сүйкімді Көжектен айласын асырып оны жемек болады. Қорқақ Көжек – Күшік, Қозы, Лақ сынды достарының үйреткен тәсілдерінің арқасында қауіп-қатерден аман қалып бір сәтте батырға айналады. Қойылым балаларды достыққа, адалдыққа, мейірімділікке баулиды.
31 мамыр күні «Көк-түріктер» қойылымымен кезекті театрдың маусымы жабылды.
Ақмола облыстық орыс драма театрымен 11-12 мамыр күндері – Теміртау қаласы, Қарағанды облысы, 13-14 мамыр күндері – Қарағанды қаласы, Қарағанды облысы, 17-18 мамыр күндері – Петропавловск қаласы, Солтүстік-Қазақстан облысы, 26-30 мамыр күндері – Санкт-Петербург қаласы, Ресей мемлекетіне гастрольдік іс-сапаралар ұйымдастырылды.
Театрларды қаржыландыруға 46 770,4 мың теңге бөлінді. Ақылы қызметтердің орындалуы 5 250,3 мың теңгені құрады (Ақмола облыстық орыс драма театры – 22 602,4 мың теңге, Ш.Құсайынов атындағы қазақ музыкалық-драма театры – 24 168,0 мың теңге).
Үкілі Ыбырай атындағы Ақмола облыстық филармониясының шығармашылық ұжымы ағымдағы жылдың мамыр айында 11 іс-шара өткізді, оған 2 712 көрермен қатысты, 3 – гастрольдік іс-сапар, қамтылған көрермен саны – 1 465 адам.
Мәдениет және өнер қызметкерлері кәсіби мерекесіне орай мерекелік онкүндіктің ашылуы аясында 16 мамыр күні Үкілі Ыбырай атындағы Ақмола облыстық филармониясының сахна төрінде Иса Байзақов атындағы Павлодар облыстық филармониясының камералық хорының «The Best» атты концерті өтті.
Көкшетаулық көрермендер әйгілі классикалық шығармалардың эталондық орындалуы мен әр-түрлі форматтағы және бағыттағы заманауи өңделген шығармаларды бағалап, атап өтті. Сонымен қатар концертке «SAMIYAN» және «TABRIZ» вокалдық топтары қатысты.
«Астана Опера» театрында Мәдениет және өнер қызметкерлері күніне арналған ауқымды мерекелік кеш өтті. Тұңғыш рет өткізіліп отырған айтулы іс-шара аясында сахнада бір уақытта еліміздің әр өңірінен келген 1000-нан астам музыкант өнер көрсетті.
Мерекелік іс-шара басталар алдында Мәдениет және спорт министрі Асхат Оралов жиналған қонақтарға, көрнекті мәдениет қайраткерлері мен шығармашылық зиялы қауым өкілдеріне, Мемлекет басшысы Қасым-Жомарт Тоқаевтың құттықтау хатын оқыды.
Концерттік бағдарламаға еліміздің өңірлерінен келген 24 шығармашылық ұжым өкілдері қатысты. Хор ұжымдары, оркестрлер, виртуоз аспапшылары, опера және халық әншілері атақты скрипкашы, дирижер және композитор, Қазақстан Республикасының еңбек сіңірген қайраткері Марат Бисенғалиевтің «Ұлы дала әуені» атты одасын бірге орындады.
Осынау ауқымды мерекелік іс-шараға Үкілі Ыбырай атындағы Ақмола облыстық филармониясының камералық хорының қатысуы біз үшін үлкен мәртебе.
Мерекелік іс-шаралар қатарында филармонияның «Гәкку» би ансамблі, солисі Аякөз Қалмағанбетова, домбырашы Бауыржан Балтин Роза Бағланова атындағы «Қазақконцерт» мемлекеттік концерттік ұйым сахнасында өз өнерлерін көрсетті.
Филармонияның режиссер, музыкатанушысы Татьяна Кирьянова бұқаралық мәдени іс-шараларды өткізу бойынша баяндамасын оқыды. Шеберлік-сыныптарына Облыстық халық шығармашылығы және мәдени демалыс орталығының көркемдік жетекшісі Қалдаров Тоқтарбек, Үкілі Ыбырай атындағы Ақмола облыстық филармониясының қазақ халық аспаптар оркерстрі бас дирижері Жанат Рашит, «Көкшетау» МС-ның дыбыс режиссері Баженов Андрей, Облыстық халық шығармашылығы және мәдени демалыс орталығының дыбыс режиссері Бекмолдин Абай қатысып, Роза Бағланова атындағы «Қазақконцерт» мемлекеттік концерттік ұйым басшысы А.Райымқұлова алғыс хаттарымен, Үкілі Ыбырай атындағы Ақмола облыстық филармониясы және Облыстық халық шығармашылығы орталығы мекемелері ҚР Мәдениет және спорт министрінің алғыс хаттарымен марапатталды.
2023 жылдың 23 мамырынан бастап 04 маусымы аралығында Үкілі Ыбырай атындағы Ақмола облыстық филармониясында тұңғыш рет «Folk-ѕумрһопу Kokshetau» фестивалі өтті. Фестиваль Көкшетау қаласына Қазақстанның әр өңірі мен таяу шетелдерден ең үздік этно-музыканттарды жинады. Бұл орындаушылардың шығармашылығы әр түрлі стильдегі заманауи аранжировкалардың арқасында жаңаша дыбысталатын ұлттық, фольклорлық музыкалық дәстүрлерге негізделген.
Көкшетау қаласында филармония ұжымдарымен қатар Қазақстанның әр өңірінен және жақын шетелден келген үздік этно-музыканттар – халық музыкалық шығармашылығын, эстрадалық-джаз және симфониялық музыканы насихаттайтын фольклорлық ұжымдар, мульти-аспапшылар, ансамбльдер мен солистер өнер көрсетті.
23 мамыр күні Үкілі Ыбырай атындағы Ақмола облыстық филармониясының сахна төрінде алғаш рет «Folk-Simphony Көкшетау» фестивалі бастау алды. Фестивальдің бірінші күні «Айнакөл» фольклорлық ансамблі, «Гәкку» би ансамблі мен филармония солистерінің қатысуымен өтті.
Концерттік бағдарламаға өнерімен ел аузында жүрген танымал тұлғалар қатысады, атап айтсақ: композитор, белгілі мульти-аспапшы, «Мәдениет қайраткері» - Еділ Құсайынов;
Шор әндерінің авторы және орындаушысы, көптеген марапаттар мен дипломдардың иегері, халықаралық және ресей конкурстары мен фестивальдерінің жеңімпазы әрі лауреаты, көмеймен ән салу өнерінің шебері – Чылтыс Таннагашева (Ресей);
Кәсіби музыкант, республикалық байқаулардың лауреаты, көне қазақ музыкалық аспаптарын жасайтын шебер – Азамат Бақия өнер көрсетті.
28 мамыр күні Үкілі Ыбырай атындағы Ақмола облыстық филармониясында «Folk-Symphony Kokshetau» фестивалі аясында «SAZ&SOUL» тобы (Астана қ.) мен көркемдік жетекші, бас дирижер Ерназар Уразалин мен дирижер Абай Ақбужуровтың жетекшілік етуімен эстрадалық-үрлемелі аспаптар оркестрінің концерті өтті. Концерттік бағдарлама фестивальдің «эстрадалық-джаз музыкасы» бағытына бағытталған.
Концертте филармония солистері: «Мәдениет қайраткері» Жанат Есов, Марина Зяблинцева, Эльмира Камарницкая мен солист-аспапшылар: Даяна Кенжекеева, Наталья Серафимович (саксофон), Виталий Яныков (гитара), Владимир Тарасов (клавиши), Марлен Сапарбеков пен Арсен Еркін (флейта), Илья Чапаниди (труба), Дамир Тұяқбай, Әділетхан Жұмақан, Рустам Жахин, Евгений Субботин (тромбон) өнер көрсетті.
4 маусым күні Үкілі Ыбырай атындағы Ақмола облыстық филармониясында «Folk-Symphony Kokshetau» фестивалінің жабылуы аясында симфониялық оркестр мен «ТURAN» этно-фольклорлық ансамблінің концерті өтеді.
Ағымдағы жылдың мамыр айында филармонияны қаржыландыруға 41 945,0 мың теңге бөлінді. Ақылы қызметтерден түскен табыс 1437,6 мың теңгені құрады.