Ереже

Ақмола облысы әкімдігінің

2022 жылғы  05.01.                № А-1/2   қаулысымен

бекітілген

 

 

«Ақмола облысының мәдениет басқармасы»

мемлекеттік мекемесі туралы ереже

 

  1. Жалпы ережелер

 

  1. «Ақмола облысының мәдениет басқармасы» мемлекеттік мекемесі Ақмола облысының аумағында мәдениет саласында басшылықты жүзеге асыратын  мемлекеттік орган болып табылады. 
  2. «Ақмола облысының мәдениет басқармасы» мемлекеттік мекемесінің осы Ережеге қосымшада көрсетілген ведомстволық бағынысты ұйымдары бар.
  3. «Ақмола облысының мәдениет басқармасы» мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
  4. «Ақмола облысының мәдениет басқармасы» мемлекеттік мекеме ұйымдық-құқықтық нысанындағы заңды тұлға болып табылады, оның рәміздері мен айырым белгілері (бар болса), Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.
  5. «Ақмола облысының мәдениет басқармасы» мемлекеттік мекемесі азаматтық-құқықтық қатынастарға өз атынан жасайды.
  6. «Ақмола облысының мәдениет басқармасы» мемлекеттік мекемесі заңнамасына сәйкес уәкілеттік берілген жағдайда ол мемлекеттің атынан азаматтық-құқықтық қатынастардың тарапы болуға құқылы.
  7. «Ақмола облысының мәдениет басқармасы» мемлекеттік мекемесі өз құзыретінің мәселелері бойынша заңнамада белгіленген тәртіппен «Ақмола облысының мәдениет басқармасы» мемлекеттік мекемесі басшысының бұйрықтарымен рәсімделетін шешімдер қабылдайды.
  8. «Ақмола облысының мәдениет басқармасы» мемлекеттік мекемесінің құрылымы мен штат санының лимиті қолданыстағы заңнамаға сәйкес бекітіледі.
  9. «Ақмола облысының мәдениет басқармасы» мемлекеттік мекемесінің орналасқан жері: 020000, Қазақстан Республикасы, Ақмола облысы, Көкшетау қаласы, Әуезов көшесі, 218.
  10. Мемлекеттік органның толық атауы: «Ақмола облысының мәдениет басқармасы» мемлекеттік мекемесі.
  11. Осы Ереже «Ақмола облысының мәдениет басқармасы» мемлекеттік мекемесінің құрылтай құжаты болып табылады.
  12. «Ақмола облысының мәдениет басқармасы» мемлекеттік мекемесінің қызметін қаржыландыру облыстық бюджеттен жүзеге асырылады.
  13. «Ақмола облысының мәдениет басқармасы» мемлекеттік мекемесіне кәсіпкерлік субъектілерімен «Ақмола облысының мәдениет басқармасы» мемлекеттік мекемесі функциялары болып табылатын міндеттерді орындау тұрғысында шарттық қатынастарға түсуге тыйым салынады.

 

 

  1. «Ақмола облысының мәдениет басқармасы» мемлекеттік мекемесінің мақсаттары мен өкілеттіктері

 

  1. «Ақмола облысының мәдениет басқармасы» мемлекеттік мекемесінің миссиясы: мәдениет ету саласында өңірімізде тұрып жатқан барлық ұлттардың мәдени дамуына, қазақстандық патриотизмді қалыптастыруға, сапалы және қолжетімді қызмет көрсетуге бағытталған мемлекеттік саясатты тиімді жүзеге асыру.
  2. «Ақмола облысының мәдениет басқармасы» мемлекеттік мекемесінің міндеттері:

  1) облыс аумағында мәдениет саласындағы мемлекеттік саясатты жүзеге асыру;

  2) Қазақстан Республикасы халқының мәдениетін қайта түлетуге, сақтауға, дамытуға және таратуға бағытталған шараларды қабылдау;

  1. «Ақмола облысының мәдениет басқармасы» мемлекеттік мекемесінің функциялары:

1) театр, музыка және кино өнерін, мәдени-демалыс қызметін және халық шығармашылығын, кітапхана және мұражай ісін дамыту жөнінде облыстың мемлекеттік мәдениет ұйымдарының қызметін қолдау және үйлестіру, облыс мекемелерінің мәдениет саласындағы қызметін қамтамасыз ету;

2) шығармашылық қызметтің түрлі салаларында облыстық (аймақтық) байқаулар, фестивальдар мен конкурстар өткізуді ұйымдастыру;

3) уәкілетті органның келісімі бойынша шығармашылық қызметтің түрлі салаларында республикалық байқаулар мен фестивальдарды өткізуді ұйымдастыру;

4) облыстың мәдени құндылықтарын есепке алу, қорғау, консервациялау және реставрациялау, сондай –ақ  пайдалану, елдің көрнекті мәдениет қайраткерлерін мәңгі есте қалдыру жөніндегі жұмысты ұйымдастыру;

5) мәдени құндылықтарды уақытша әкету жөніндегі сараптамалық   комиссияның жұмысын ұйымдастыру және осы жөнінде ережені бекіту;

6) «Мәдени құндылықтарды уақытша әкетуге куәлік беру» мемлекеттік қызметін көрсетеді;

7) облыстық деңгейде сауықтық мәдени-бұқаралық іс-шаралар өткізуді жүзеге асыру;

8)  мемлекеттік мәдениет ұйымдарын аттестаттаудан өткізу;

9) тиісті аумақта орналасқан мәдениет ұйымдарының қызметіне мониторингті жүзеге асырады және уәкілетті органға ақпарат, сондай-ақ белгіленген нысанда өзге де есептерді беру;

10) облыстың мәдениет нысандарына құрылыс жүргізу, қайта қалпына келтіру және жөндеу жұмыстары бойынша тапсырыс беруші болып табылады;

      11) дарынды жастарды және перспективалы шығармашылық ұжымдарды іздестіруге және қолдауға бағытталған іс-шаралар кешенін жүзеге асырады;

12) мәдениет саласында әлеуметтік маңызы бар іс-шаралар өткізуді жүзеге асырады;

         13) ұлттық мәдени игілік объектілерінің айрықша режимінің сақталуын қамтамасыз етеді;

14) мәдени құндылықтарға еркін қол жеткізуді қамтамасыз етеді; 

         15) облыстың мемлекеттік кітапханаларының біріне «Орталық» мәртебесін береді;

16) тарихи-мәдени мұраны сақтау жөніндегі жұмысты ұйымдастырады, тарихи, ұлттық және мәдени дәстүрлер мен салттардың дамуына ықпал жасайды;

17) тарихи-мәдени мұра объектiлерiн анықтау, есепке алу, қорғау жөнiнде жұмыс жүргiзеді;

18) тарихи-мәдени мұра объектілерін анықтауды, есепке алуды, қорғауды, пайдалануды және тарих және мәдениет ескерткіштерінде ғылыми-реставрациялау жұмыстарын жүргізуді қамтамасыз етеді;

19) мүдделi мемлекеттiк органдармен келiсе отырып, тарих және мәдениет ескерткiштерi мен тарих және мәдениет ескерткiштерiмен байланысы бар қоршаған орта объектiлерiн қорғауды және пайдалануды жүзеге асырады;

         20) тиiстi аумақтардың экономикалық және әлеуметтiк даму жоспарларында жергiлiктi маңызы бар тарих және мәдениет ескерткіштерін есепке алуды, қорғауды және оларда ғылыми-реставрациялау жұмысын ұйымдастыру жөнiндегi iс-шараларды қарастырады;

         21) тарих және мәдениет ескерткіштерінің меншік иелеріне және пайдаланушыларына олардың осы Заңды бұзғаны туралы нұсқамалар береді;

22) Қазақстан Республикасының әкімшілік құқық бұзушылық туралы заңнамасында көзделген негіздерде және тәртіппен өзге де әкімшілік ықпал ету шараларын қолданады;

23) тарих және мәдениет ескерткiштерiн қорғау мiндеттемелерiн ресiмдеу және оларды меншiк иелерi мен пайдаланушылардың орындауын бақылау;

         24) тарих және мәдениет ескерткiштерiн қорғау және пайдалану туралы Қазақстан Республикасының заңнамасын бұзған жеке және заңды тұлғаларды жауапкершiлiкке тарту туралы өтiнiш жасайды;

         25) облыстың жергiлiктi өкiлдi органына тарих және мәдениет ескерткiштерiн қорғау жөнiндегі комиссиялар құру туралы ұсыныс енгізедi;

         26) монументалды өнердің жаңа үймереттерін орнату жұмысын жүргізеді;

27) мемориалды тақта орнату жұмысын жүргізеді;

28) тарих және мәдениет ескерткiштерi мен оларды қорғау аймақтары бойынша жұмыстың барлық түрлерiне ғылыми-жобалық құжаттаманы, жоспарлау, құрылыс салу және реконструкциялау жобаларын қарайды және келiседi;

29) тиісті аумақтарда жергілікті маңызы бар тарих және мәдениет ескерткіштерінің пайдаланылу және күтіп-ұстау тәртібін, сондай-ақ оларда археологиялық және ғылыми-реставрациялау жұмыстарының орындалуын мемлекеттік бақылауды жүзеге асыру;

         30) жеке және заңды тұлғалардың сұрауларын орындауды ұйымдастырады;

31) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады.

  1. «Ақмола облысының мәдениет басқармасы» мемлекеттік мекемесінің құқықтары:

1) Ақмола облысы  мәдениет басқармасының қарауына жататын мәселелер бойынша мемлекеттік және мемлекеттік емес органдармен және ұйымдармен қызметтік хат алмасу жүргізу;

2) облыс әкіміне мәдениет саласындағы мемлекеттік органдардың қызметін ұйымдастыруды жетілдіру жөнінде ұсыныс енгізу, басқарманың қарауына жататын мәселелер бойынша ақпараттық-талдамалық және өзге де материалдарды дайындауды жүзеге асыру, ведомстволық бағынысты ұйымдарды құру, қайта ұйымдастыру және тарату жөнiнде ұсыныс енгiзу;

3) мәдениет объектілерін жобалау және салу бойынша ұсыныс енгізу, облыстың мәдениет және өнер салуды, техникалық базасын кеңейтуді бақылау;

4) ведомстволық бағынысты коммуналдық ұйымдардың даму жоспарларының орындалуын бақылауды және талдауды жүзеге асыру;

5) ведомстволық бағынысты мекемелер мен кәсіпорындардың жарғыларын (ережелерін) әзірлеуге, оған өзгерістер мен толықтырулар енгізуге қатысу;

6) ведомстволық бағынысты кәсіпорындар өндіретін және өткізетін тауарлардың (жұмыстардың, қызметтердің) бағасын белгілеу;

7) өз атынан азаматтық-құқықтық қатынастарға түсу, сотта талап қоюшы және жауапкер болу.

  1. Ақмола облысының мәдениет басқармасы» мемлекеттік мекемесінің міндеттері:

1) ведомстволық бағынысты мекемелер мен кәсіпорындарда мемлекеттік мүлікті басқару жөніндегі мемлекеттік саясатты іске асыру, ведомстволық бағынысты кәсіпорындар қызметінің қаржы-шаруашылық жоспарларын және оларды орындау жөніндегі есептерді белгіленген мерзімде қарау, келісу және бекіту, ведомстволық бағынысты мекемелер мен кәсіпорындар мүлкінің сақталуын бақылауды жүзеге асыру;

2) ведомстволық бағынысты ұйымдарға қатысты мемлекеттік басқару органының функцияларын жүзеге асыру;

3) коммуналдық мүлік жөніндегі уәкілетті органмен коммуналдық заңды тұлғаға тапсырылған немесе өзінің шаруашылық қызметі нәтижесінде сатып алынған мүлікті алып қоюды немесе қайта бөлуді келісу;

4) «Ақмола облысының  мәдениет басқармасы» мемлекеттік мекемесіне жүктелген міндеттер мен функцияларды орындау.

 

 

  1. «Ақмола облысының мәдениет басқармасы» мемлекеттік мекемесінің бірінші басшысының мәртебесі, өкілеттіктері

 

  1. «Ақмола облысының мәдениет басқармасы» мемлекеттік мекемесіне басшылықты «Ақмола облысының мәдениет басқармасы» мемлекеттік мекемесіне  жүктелген міндеттердің орындалуына және оның функцияларын жүзеге асыруға дербес жауапты болатын  басшы  жүзеге  асырады.
  2. «Ақмола облысының мәдениет басқармасы» мемлекеттік мекемесінің басшысын облыс әкімі қызметке  тағайындайды және қызметтен  босатады.
  3. Басшының өкілеттігі:

Қазақстан Республикасының  заңнамасына сәйкес  «Ақмола облысының мәдениет басқармасы» мемлекеттік мекемесінің  қызметкерлерін және ведомствоға бағынысты мәдени ұйымдарының басшыларын лауазымға тағайындайды және  лауазымнан босатады;

 Қазақстан Республикасының қолданыстағы  заңнамасына сәйкес мемлекеттік ұйымдарда  «Ақмола облысының мәдениет басқармасы» мемлекеттік мекемесін ұсынады.

«Ақмола облысының мәдениет басқармасы» мемлекеттік мекемесінің құқықтық актілеріне қол қояды;

Қазақстан Республикасының қолданыстағы  заңнамасымен белгіленген тәртіпте   басқарманың қызметкерлерін, сондай-ақ ведомствоға бағынысты мәдени ұйымдарының басшыларын марапаттау, материалдық көмек көрсету, тәртіптік жаза қолдану мәселелерін шешеді;

«Ақмола облысының мәдениет басқармасы» мемлекеттік мекемесі қызметкерлерінің, сондай-ақ,  ведомствоға бағынысты мәдени ұйымдары басшыларының лауазымдық нұсқауларын бекітеді.

жемқорлықпен күрес жүргізу бойынша шаралар қолданады және ол  жеке жауап береді;

  1. «Ақмола облысының мәдениет басқармасы» мемлекеттік мекемесінің басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.

 

  1. «Ақмола облысының мәдениет басқармасы» мемлекеттік мекемесінің мүлкі

 

  1. «Ақмола облысының мәдениет басқармасы» мемлекеттік мекемесінің заңнамада көзделген жағдайларда жедел басқару құқығында оқшауланған мүлкі болуы мүмкін.

«Ақмола облысының мәдениет басқармасы»  мемлекеттік мекемесінің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

  1. «Ақмола облысының мәдениет басқармасы» мемлекеттік мекемесіне бекітілгін мүлік коммуналдық мемлекеттік меншікке жатады.
  2. Егер заңнамада өзгеше көзделмесе, «Ақмола облысының мәдениет басқармасы» мемлекеттік мекемесінің өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

 

  1. «Ақмола облысының мәдениет басқармасы» мемлекеттік мекемесін қайта ұйымдастыру және тарату

 

  1. «Ақмола облысының мәдениет басқармасы» мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

 

 

 

 

 

 

 

 

 

 

«Ақмола  облысының          

мәдениет басқармасы»

                                                                                  мемлекеттік  мекемесі туралы

                                                                                  ережеге қосымша

 

 

Ақмола облысы мәдениет басқармасының  қарамағындағы  кәсіпорындар  тізбесі

 

  1. Ақмола облысы мәдениет  басқармасының жанындағы  «Шахмет Құсайынов атындағы облыстық қазақ музыкалық-драма театры» мемлекеттік коммуналдық қазыналық кәсіпорны;
  2.   Ақмола  облысы  мәдениет  басқармасының жанындағы  «Көкшетау» мәдениет сарайы»  мемлекеттік коммуналдық қазыналық кәсіпорны;
  3. Ақмола облысы мәдениет  басқармасының жанындағы  «Үкілі Ыбырай атындағы Ақмола облыстық  филармониясы»  мемлекеттік коммуналдық қазыналық кәсіпорны;
  4. Ақмола облысы мәдениет  басқармасының жанындағы  «Облыстық халық шығармашылық және мәдени демалыс орталығы»  мемлекеттік коммуналдық қазыналық кәсіпорны;
  5. Ақмола облысы мәдениет  басқармасының жанындағы  «Ақмола облыстық орыс драма театры» мемлекеттік коммуналдық қазыналық кәсіпорны;
  6. Ақмола облысы мәдениет  басқармасының  «Ақмола  облыстық тарихи-өлкетану музейі» мемлекеттік коммуналдық қазыналық кәсіпорны.

 

 

Ақмола облысы  мәдениет, архивтер мен құжаттамалар басқармасының  қарамағындағы  мемлекеттік мекемелердің тізбесі

 

  1. Ақмола облысы мәдениет  басқармасының  «Көкшетау  қаласының тарихы музейі» мемлекеттік коммуналдық мекемесі;
  2. Ақмола облысы мәдениет  басқармасының  «Мәлік Ғабдуллин музейі» мемлекеттік коммуналдық мекемесі;
  3. Ақмола облысы мәдениет  басқармасының  «М.Жұмабаев атындағы Ақмола облыстық  әмбебап ғылыми кітапханасы» мемлекеттік коммуналдық мекемесі;
  4. Ақмола облысы  мәдениет  басқармасының  «Әдебиет және өнер музейі» мемлекеттік коммуналдық мекемесі;
  5. Ақмола облысы мәдениет  басқармасының  «Тарихи-мәдени мұраны  қорғау және  пайдалану орталығы» мемлекеттік коммуналдық мекемесі.
Дата публикации
20 октября 2020