Қосшыда проблемалық мәселелер кезең кезеңімен шешілуде
Қосшы қаласы экономикасының тұрақты өсуі үшін халық көтерген мәселелер кезең-кезеңімен шешілуде. Бұл туралы брифингте градональник Гайдар Қасенов айтып берді, деп хабарлайды өңірлік коммуникациялар қызметі.
Қалада халық санының ең жоғары өсуі байқалады. Бүгінде мұнда ресми түрде 54 мыңнан астам адам тіркелген. Осыған байланысты жыл сайын жаңа нысандар енгізіліп, тұрғын үй-коммуналдық шаруашылық саласы жақсаруда. Мәселен, өткен жылы 30 км су құбыры желісі салынды, оған 1500 үй қосылды. Ағымдағы жылы тағы 50 км су құбырын жүргізу жоспарлануда, жоба 2024 жылы аяқталады.
Электр желілерінің жалпы ұзындығы-400 шақырым, алайда құрылыстардың тез салынуына байланысты электрмен жабдықтау қажеттілігі күн сайын артып келеді. Қаланың жаңа Бас жоспарында 40 МВт екінші қосалқы станцияны орналастыру жобасы бар.
Әкім 2023 жылдың шілдесінен бастап тұрғындар электр энергиясы үшін қосымша ақы төлемейтінін, өйткені желілерге толық түгендеу жүргізілгенін атап өтті. Сондай-ақ, электр желілерін жөндеу, қалпына келтіру жұмыстары жалғасуда.
Орталық қазандық қаланы жылумен қамтамасыз етеді, оның қуаты – 75 Гкал. Жылу энергиясының тапшылығы 5 Гкал құрайды.
"Мәселені шешу үшін қуаттылықты 96 Гкал/сағ дейін ұлғайту жөніндегі жоба әзірленіп, сараптамаға жіберілді. Бүгінгі таңда жер учаскесі анықталды. Жаңа қазандық маңызды әлеуметтік нысандарды және бес жүз мың шаршы метрге жуық тұрғын үйді жылумен қамтамасыз етеді", - деп атап өтті Қосшы қаласының әкімі.
Газбен қамтамасыз ету – қарқынды дамып келе жатқан қала үшін тағы бір маңызды аспект. Қосшыны газбен жабдықтауға техникалық шарттар мамыр айында Астанадан алынды. Газ желісіне қосылу нүктесі белгіленді, газ көлемі сағатына 32,8 мың текше метрді құрайды. Қазіргі уақытта газ құбыры бойынша жобалау жұмыстары аяқталды, сараптамадағы ескертулер түзетілуде.
Қаланың дамуы Жол-көлік инфрақұрылымына тікелей байланысты. Бүгінгі таңда жол құрылысы 4 жоба бойынша жүргізілуде. Ағымдағы кезеңде 35 шақырымнан астам жер салынды және жөнделді.
Көптеген елді мекендердің өзекті мәселесі – тұрмыстық қатты қалдықтарды шығару. Мәртебе алғанға дейін оларды Тайтөбе ауылының маңындағы рұқсат етілмеген қоқыс үйінділеріне әкеткен. 2022 жылы бұл полигон жойылды, тарифтер мен нормативтер бекітілді. Мердігер ұйым қатты тұрмыстық қалдықтарды Астана қаласының полигонына шығарады. 2021 жылы қала бойынша 178 контейнер болды, қазір 492 контейнер бар.
Қосшы қаласы халықтың көп ағынына байланысты үш ауысымдық оқуымен танымал болды. Бірақ жергілікті атқарушы билік бұл мәселені шешу үшін барлық қажетті шараларды қабылдады.
"Биыл біз екі мектепті пайдалануға бердік. Нәтижесінде үш ауысымды оқыту толығымен жойылды. Келесі жылы 1200 орындық тағы бір мектепті пайдалануға береміз. "Жайлы мектеп" ұлттық жобасы аясында 2024-2025 жылдары 3 мектеп салу жоспарланған. Сонымен қатар, қалада әрқайсысы 280 орындық 2 балабақша салынуда", - деді Гайдар Қасенов.
Тұрғындар санының артуы қала тұрғындарының жайлы және тұрақты өмір сүруін қамтамасыз ететін әртүрлі нысандарды пайдалануға берудің өсуіне де әсер етеді. Мысалы, көпсалалы аурухана құрылысы бойынша жобалау жүргізілуде. Мәдениет үйі жобасы әзірленді. Кешенді жоспарға жедел жәрдем станциясын салу бойынша ұсыныс енгізілді. Мәдени-спорт орталығының құрылысын бастау жоспарлануда. 2024 жылдың 1-тоқсанында іске қосылатын ФОК, сондай-ақ асханасы бар қалалық мешіт және өрт сөндіру қызметінің ғимараты салынуда.
"Халықты қолжетімді тұрғын үймен қамтамасыз ету үшін "Отбасы банкі"арқылы кредиттік шарттар бойынша төмендетілген бағамен кезекте тұрғандар үшін 45 пәтерлі тұрғын үйдің құрылысы жүргізілуде. Сонымен қатар, біз апта сайын үлескерлермен мемлекеттік сәулет-құрылыс бақылау басқармасының өкілдерімен және қала прокурорымен бірге кездесеміз. Түрлі шараларды қабылдау нәтижесінде үлескерлер саны 900-ден 537 адамға дейін азайды", - деді Қосшы қаласының әкімі.