Қосшы қаласының экономика және қаржы бөлімі ережелері

«Қосшы қаласының экономика және қаржы бөлімі» мемлекеттік мекемесі туралы

ЕРЕЖЕ

 

 

 

 

 

 

 

 

 

 

 

 

 

 

 

 

 

 

 

Қосшы қаласы

2021 жыл

1- тарау.  Жалпы ережелер

 

1. «Қосшы қаласының экономика және қаржы бөлімі» мемлекеттік мекемесі Қазақстан Республикасының мемлекеттік органы болып табылады, өз құзіреті шегінде стратегиялық, экономикалық, бюджеттік жоспарлау және қалалық бюджетті атқару, бухгалтерлік, бюджеттік есепті және қалалық бюджеттің атқарылуы бойынша есептілікті жүргізу, шоғырландырылған қаржылық есептілікті жасау, Қосшы қаласы аумағында коммуналдық меншікті басқару саласындағы функцияларды жүзеге асырады.
2. «Қосшы қаласының экономика және қаржы бөлімі» мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің  актілеріне,   өзге де нормативтік құқықтық актілерге, сондай-ақ осы Ережеге сәйкес жүзеге асырады.
3. «Қосшы қаласының экономика және қаржы бөлімі» мемлекеттік мекемесі ұйымдастырушылық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.
4. «Қосшы қаласының экономика және қаржы бөлімі» мемлекеттік мекемесі азаматтық-құқықтық қатынастарға өз атынан түседі.
5. «Қосшы қаласының экономика және қаржы бөлімі» мемлекеттік мекемесі егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
6. «Қосшы қаласының экономика және қаржы бөлімі» мемлекеттік мекемесі өз құзыретінің мәселелері бойынша заңнамада белгіленген тәртіппен басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
7. «Қосшы қаласының экономика және қаржы бөлімі» мемлекеттік мекемесі құрылымы мен штат санының лимиті қолданыстағы заңнамаға сәйкес бекітіледі.
8. Заңды тұлғаның орналасқан жері: 010078, Қазақстан Республикасы, Ақмола облысы, Қосшы қаласы, Ғарифулла Амансүгіров көшесі, 21.
9. Мемлекеттік органның толық атауы - «Ақмола облысы Қосшы қаласының экономика және қаржы бөлімі» мемлекеттік мекемесі.
10. Осы Ереже «Қосшы қаласының экономика және қаржы бөлімі» мемлекеттік мекемесінің құрылтай құжаты болып табылады.
11. Бөлімнің қызметін қаржыландыру жергілікті бюджетінен жүзеге асырылады.
12. «Қосшы қаласының экономика және қаржы бөлімі» мемлекеттік мекемесінің кәсіпкерлік субъектілерімен функциялары болып табылатын міндеттерді орындау тұрғысынан шарттық қатынастарға түсуге тыйым салынады.  «Қосшы қаласының экономика және қаржы бөлімі» мемлекеттік мекемесінің заңнамалық актілермен кірістер      әкелетін қызметті жүзеге асыру құқығы берілсе, онда осындай қызметтен алынған кірістер, егер заңнамада өзгеше белгіленбесе, мемлекеттік бюджеттің кірісіне жіберіледі.

 

 

2-тарау. Мемлекеттік органның миссиясы, негізгі міндеттері, функциялары, құқықтары мен міндеттері

 

 

13. «Қосшы қаласының экономика және қаржы бөлімі» мемлекеттік мекемесінің миссиясы: стратегиялық, экономикалық және бюджеттік жоспарлау саласында мемлекеттік басқару, қаланың әлеуметтік-экономикалық дамуының негізгі бағыттарын іске асыру, қаланың бюджетті орындауын қамтамасыз ету, қалалық коммуналдық меншікті тиімді басқаруды жүзеге асыру.
14. Міндеттері:

1) әлеуметтік-экономикалық саясатының негізгі бағыттарын әзірлеу және қаланың әлеуметтік-экономикалық дамуының мониторингін жасау;

2) кірістер мен шығыстарды экономикалық дәлелді жоспарлау негізінде қолданыстағы заңнамаға сәйкес келесі қаржы жылы қалалық (жергілікті) бюджеттің жобасын әзірлеу және оның орындалуын ұйымдастыру;

3) қаланың әлеуметтік-экономикалық дамуына болжам, экономикалық талдау жасау және реформалар барысын бағалау;

4) қалалық бюджетті атқару;

5) бюджеттік есепке алуды жүргізу және жергілікті қалалық бюджетті атқару бойынша бюджеттік есептілікті құрастыру;

6) қалалық коммуналдық меншікті басқару.

15. Функциялары:

1) Қосшы қаласының әлеуметтік-экономикалық дамуын және бюджет параметрлерінің болжамын әзірлеуді ұйымдастырады және өз құзіреті шегінде қалалық даму бағдарламаларын әзірлеуге және қамтамасыз етуге қатысады;

2) алдағы жоспарлық кезеңде бюджетке түсетін қаражаттар түсімдерінің көлемін анықтайды;

3) қалалық бюджет комиссиясына ағымдағы, сол сияқты алдағы жоспарланып отырған кезеңде жекелеген бюджеттік бағдарламалар (ішкі бағдарламалар) бойынша жылдық жоспарлы жұмсалымдарды қайта қарау қажеттігі туралы ақпаратты жібереді;

4) жергілікті бюджет бойынша қолма-қол ақша ресурстарына талдау және болжам жасайды;

5) даму бюджетінің игерілуінің, инвестициялық жобалардың барысына мониторинг жүргізеді;

6) коммуналдық мүлікті басқаруға талдау және бағалауды жүзге асырады;

7) қалалық бюджеттін атқарылуы бойынша жұмысты ұйымдастырады;

8) бюджетті атқару бойынша бюджеттік бағдарлама әкімшілерінің қызметін үйлестіреді;

9) бюджетке түсетін түсімдердің күтілетін көлемдерін айқындау және жоспарлы кезеңге арналған шығыстардың, қолма-қол ақша профицитін (тапшылығын) және оны жабу көздерін атқару жөніндегі процесс болып табылатын қолма-қол ақша легінің болжамын жасайды; 

10) міндеттемелер бойынша қаржыландырудың жиынтық жоспарларын, төлемдер бойынша түсімдер мен қаржыландырудың жиынтық жоспарларын құрастырады, бекітеді және жүргізеді;                                                                 

11) бюджет қаражаты есебінен ұсынылған бюджеттік кредиттердің тіркелуін, олардың есепке алынуы мен мониторингін жүзеге асырады;

12) жүйелі жинақтау және бюджетті атқару көрсеткіштерін талдау арқылы бюджеттік мониторингті жүзеге асырады;

13) бюджеттік бағдарламалар әкімшілері бекітетін мемлекеттік мекеменің иелігінде қалған тауарларды (жұмыстарды, қызметтерді) өткізуден алатын түсімдер мен шығыстардың жиынтық жоспарын келіседі;

14) бюджеттік ақшамен басқарады;

15) қала бюджетінің қолма-қол ақша ның бақылау шоттарында ақша қозғалысына мониторинг жүргізеді;

16) қалалық бюджетті атқару бойынша бюджеттік есеп пен есептелікті жүргізуді қамтамасыз етеді;  

17) Қазақстан Республикасының заңнамасымен белгіленген тәртіпке қала әкімдігі резервінен қаражатты бөлу туралы өтініштерді қарайды;

18) бюджеттік ақшамен басқару бойынша қалалық бюджеттен қаржыландырылатын атқарушы органдар қызметі тиімділігінің жыл сайынғы бағалауын іске асырады;

19)  мемлекеттік органдардың, мекемелердің және кәсіпорындардың мемлекеттік сатып алуды жүзеге асыруынынң мониторингін ұйымдастырады және жүргізеді;

20) өз құзіреті шегінде мемлекеттік мүлікті басқару саласындағы нормативтік құқықтық актілерді әзірлейді;

21) қалалық коммуналдық мүлікті басқарады;

22) қалалық коммуналдық мүлікті қалалық коммуналдық заңды тұлғаларға бекітеді;

23) қалалық коммуналдық мүліктің есепке алынуын ұйымдастырады, оның тиімді пайдалануын қамтамасыз етеді, мемлекеттік мүліктердің тізілімін белгіленген тәртіпке жүргізеді;

24) қалалық коммуналдық мүлікті жекешелендіруді жүзеге асырады, жекешелендіру объектіні бағалауды қамтамасыз етеді, жекешелендіру объектісінің сатып алу-сату шарттарын дайындау мен жасасуды және сатып алу-сату шарттары талаптарының сақталуын бақылауды жүзеге асырады;

25) қалалық мүлікті жеке тұлғаларға және мемлекеттік емес заңды тұлғаларға кейіннен сатып алу құқығынсыз, мүліктік жалдауға (жалға алуға) сенімгерлік басқаруға береді;

26)  қалалық коммуналдық мүлікті өтеусіз пайдалануға, мемлекеттік заңды тұлғаларға береді;

27) сенімгерлікпен басқарушының қалалық мүлікті сенімгерлікпен басқару шарты бойынша міндеттемелерінің орындалуына бақылауды жүзеге асырады;

28) мемлекеттік мүлікті мемлекеттік меншіктің бір түрінен басқаға тапсыру бойынша жұмысты ұйымдастырады;

29) сыйға тарту шарты бойынша мемлекеттің мүлік құқығына ие болу бойынша жұмысты ұйымдастырады;

30) қалалың коммуналдық заңды тұлғаларға бекітіліп берілген мүлікті мүліктік жалдауға (жалға алуға) беруге талдау жүргізеді;

31) қалалың коммуналдық мемлекеттік кәсіпорындардың, мемлекеттің қатысуымен жауапкершілігі шектулі серіктестіктердің жұмыс істеуі мен оларды басқару тиімділігінің мониторингін ұйымдастыру және жүргізуді жүзеге асырады;

32) жергілікті бюджет есебінен ұстап-күтілетін мемлекеттік мекемелердің мүлігін шығынға жазуын келіседі;

33) иесіз мүліктердің, объектілірді анықтау және ретке келтіру есебін жүргізу бойынша жұмысты жүзеге асырады;

34)  Қазақстан Республикасының заңнамасымен көзделген өзге де өкілеттіктерді жүзеге асырады. 

16. Құқықтары мен міндеттері:

          1) құзіретіне кіретін мәселелер бойынша қала басшыларына қарауға ұсыныс енгізу;

         2) Қазақстан Республикасы заңнамасында көзделген құзіреті шеңберінде  қызметіне қатысты мәселелерді қарау және бірлесіп атқару үшін қаланың өзге жергілікті атқарушы органдары бөлімдерінің қызметкерлерін қатыстыру;

         3)  құзіретіне кіретін мәселелер бойынша белгіленген тәртіппен кеңес өткізуге бастамашылық ету;

         4) өз функцияларын орындау үшін өзге мемлекеттік органдардан, лауазымды тұлғалардан, ұйымдардан және олардың басшыларынан, азаматтардан Қазақстан Республикасының заңнамасымен белгіленген құзірет шегінде қажетті ақпаратты сұрау;

         5) құзіретіне кіретін мәселелер бойынша кеңес беру;

         6) жеке және заңды тұлғалардың ресми сұранымы болған жағдайда өз құзіреті шегінде заңнама шеңберінде қажетті материалдар мен ақпаратты ұсыну;

         7)  құзіретіне кіретін өзге де міндеттерді орындау.

        

3-тарау. Мемлекеттік органның қызметін ұйымдастыру

 

 

17. «Қосшы қаласының экономика және қаржы бөлімі» мемлекеттік мекемесіне басшылықты бірінші басшы жүзеге асырады, ол жүктелген міндеттердің орындалуына және өз функцияларын жүзеге асыруға дербес жауапты болады.
18. Бірінші басшысын Қазақстан Республикасының заңнамасына сәйкес Қосшы қаласының әкімі қызметке тағайындайды және қызметтен босатады.
19. Бірінші басшысы Қазақстан Республикасының заңнамасымен және осы Ережемен белгіленетін өзінің құзіретіне сәйкес дара қағидаты бойынша қызмет етеді, мекеме қызметінің мәселелерін дербес шешеді.
20. Бірінші басшысының  өкілеттілігі:

1) заңнамамен белгіленген тәртіпте  қызметкерлерін лауазымға тағайындайды және лауазымнан босатады;

2) заңнамамен белгіленген тәртіпте қызметкерлерін көтермелеуді және тәртіптік жазаға тартуды жүзеге асырады;

3)  өз құзіреті шегінде бұйрық шығарады, нұсқаулықтарын бекітеді;

4)  бөлім қызметкерлерінің лауазымдық нұсқаулықтарын бекітеді;

5) мемлекеттік органдарда, басқа ұйымдарда Бөлімнің мүддесін білдіреді;

6) Қосшы қаласы әкімдігінің қаулысымен бекітілген штат санының лимиті мен құрылымы шегінде Бөлімнің штат кестесін бекітеді;

7) сыбайлас жемқорлыққа қарсы тұру бойынша қажетті шаралар қабылдайды және оған дербес жауапты болады;

8)  ерлер мен әйелдердің олардың тәжірибелеріне, мүмкіндіктеріне және кәсіби дайындықтарына сәйкес мемлекеттік қызметке тең қолжетімдігін қамтамасыз етеді;

9) Қазақстан Республикасының заңнамасына сәйкес өзге де өкілеттілікті жүзеге асырады.

Бірінші  басшысы болмаған кезеңде оның  өкілеттіктерін Қазақстан Республикасының қолданыстағы заңнамаға сәйкес оны алмастыратын тұлға орындайды.

 

4-тарау. Мемлекеттік органның мүлкі

 

20. «Қосшы қаласының экономика және қаржы бөлімі» мемлекеттік мекемесі заңнамада көзделген жағдайларда жедел басқару құқығында оқшауланған мүлкі болу мүмкін. Мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік және Қазақстан Республикасының заңнамасында тыйым салынбаған өзге де көздер есебінен қалыптастырылады.
21. «Қосшы қаласының экономика және қаржы бөлімі» мемлекеттік мекемесіне бекітілген мүлік   коммуналдық меншікке жатады.
22. «Қосшы қаласының экономика және қаржы бөлімі» мемлекеттік мекемесі егер заңнамада өзгеше көзделмесе, өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

 

 

5-тарау. Мемлекеттік органды қайта ұйымдастыру және тарату

 

23. «Қосшы қаласының экономика және қаржы бөлімі» мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

Дата публикации

14 июля 2023