ҚОРҒАЛЖЫН АУДАНЫ ӘКІМІНІҢ АТАУЛЫ СТИПЕНДИЯСЫНА ҚҰЖАТ ҚАБЫЛДАУ БАСТАЛДЫ!

Атаулы стипендияға Қазақстан Республикасының азаматтары, тұрғылықты жері (басымдық Қорғалжын ауданының тұрғындарына беріледі), жоғары және орта арнаулы медициналық оқу орындарында күндізгі оқу нысанында ақылы негізде оқуға түсетін және білім алып жатқан, оқу үлгерімі жақсы азаматтар үміткер бола алады.

Үміткерлер:

• Қорғалжын ауданының еңбек нарығында кадр тапшылығы бар медициналық мамандықтар бойынша білім алуы;
• оқуын аяқтағаннан кейін Қорғалжын ауданында мамандығы бойынша кемінде 5 жыл жұмыс істеуге міндеттенуі тиіс.

 Құжаттар 2026 жылғы 22 қыркүйектен бастап 22 қазанға дейін (қоса алғанда) қабылданады.

Қажетті құжаттар:

• жеке куәліктің көшірмесі;
• үміткердің сауалнамасы;
• студенттің оқу үлгерімі туралы анықтама;
• оқу туралы шарттың көшірмесі;
• оқу ақысын төлегенін растайтын құжаттың көшірмесі (қажет болған жағдайда);
• жалпы орта білім туралы аттестаттың немесе техникалық және кәсіптік білім туралы дипломның көшірмесі;
• дипломдар, алғыс хаттар, грамоталар, сертификаттар (болған жағдайда);
• банктік шот деректемелері.

Құжаттар Қорғалжын ауданының ішкі саясат және тілдерді дамыту бөліміне қабылданады:
Қорғалжын ауылы, Х. Болғанбаев көшесі, 9, 2-қабат.

Қосымша ақпарат: 2-11-76; + 7 708 579 1838;

Атаулы стипендияны тағайындау талаптары мен кадр тапшылығы бар медициналық мамандықтар тізімі Қорғалжын ауданы әкімдігінің ресми интернет-ресурстарында, аудандық ішкі саясат және тілдерді дамыту бөлімінің әлеуметтік желідегі ресми парақшаларында және өңірлік бұқаралық ақпарат құралдарында жарияланады.