Сұрақтар және жауаптар

  1. Асыраушының біреуі қайтыс болған жағдайда қайтыс болушының асырауындағы адамдары қандай төлемдерге үміттене алады?

 

Қайтыс болған асыраушысының қарауында болған еңбекке жарамсыз отбасы мүшелері асыраушысынан айырылу жағдайына байланысты мемлекеттік әлеуметтік жәрдемақы алу құқығына ие.

         Қайтыс болған адам міндетті әлеуметтік сақтандыру жүйесінің қатысушысы болған жағдайда, яғни жұмыс істеген және оған әлеуметтік аударымдар жіберілсе, онда қайтыс болған адамның қарауындағы отбасы мүшелері «Мемлекеттік әлеуметтік сақтандыру қоры» АҚ асыраушысынан айырылу жағдайына байланысты әлеуметтік төлемақы алуға құқылы болады.

 

  1. Асыраушысынан айрылу жағдайына байланысты мемлекеттік әлеуметтік жәрдемақыны, «Мемлекеттік әлеуметтік сақтандыру қоры» АҚ асыраушысына айырылу жағдайына байланысты әлеуметтік төлемді және көп балалы отбасы санатындағы ай сайынғы мемлекеттік жәрдемақыны бір мезгілде алатын, қызмет алушы 18-ден 23 жасқа дейінгі, күндізгі бөлімде оқитын  асырауындағы балаға  жәрдемақы төлемдерін ұзарту үшін «Азаматтарға арналған үкімет» Мемлекеттік корпорациясына оқу орнынан 1 анықтама немесе 3 анықтама ұсынуы қажет?

          Әр жәрдемақы түрі үшін жеке 3 анықтама ұсынылады. Асыраушысынан айрылу жағдайына байланысты мемлекеттік әлеуметтік жәрдемақы және көп балалы отбасы санатындағы ай сайынғы мемлекеттік жәрдемақыға Мемлекеттiк базалық зейнетақы төлемiн бюджет қаражаты есебiнен беру, сондай-ақ жасына байланысты зейнетақы төлемдерін, мүгедектігі бойынша, асыраушысынан айрылу жағдайы бойынша берілетін мемлекеттік әлеуметтік жәрдемақыларды, мемлекеттік арнайы жәрдемақыларды тағайындау және жүзеге асыру қағидаларының 6 қосымшасының нысаны бойынша анықтама ұсынылады. «Мемлекеттік әлеуметтік сақтандыру қоры» АҚ асыраушысынан айырылу жағдайына байланысты әлеуметтік төлемге   Мемлекеттік әлеуметтік сақтандыру қорынан әлеуметтік төлемдердің мөлшерін есептеу (анықтау), айқындау, қайта есептеу, тоқтата тұру, жаңарту, тоқтату және жүзеге асыру қағидаларының 31 қосымшасының нысаны бойынша анықтама ұсынылады.

 

  1. Жоғары оқу орнынан кейінгі жүйе бойынша (магистратура) күндізгі бөлімде оқитын, кәмелетке толған асырауындағы бала асыраушысынан айырылу жағдайына байланысты  жәрдемақы мен «Мемлекеттік әлеуметтік сақтандыру қоры» АҚ асыраушысынан айырылу жағдайына байланысты әлеуметтік төлем алуға құқығы бар ма?

 

Иә, оқу орнынан анықтама ұсынылған жағдайда, бірақ жасы 23 жастан аспауы қажет.

 

  1. Асыраушысынан айрылу жағдайына байланысты мемлекеттік әлеуметтік жәрдемақыны, «Мемлекеттік әлеуметтік сақтандыру қоры» АҚ асыраушысына айырылу жағдайына байланысты әлеуметтік төлемді және көп балалы отбасы санатындағы ай сайынғы мемлекеттік жәрдемақыны ұзарту үшін оқу орнынан анықтаманың көшірмесін ұсынуға бола ма, себебі анықтаманың түпнұсқасы военкоматқа тапсырылды?

 

Жоқ, жәрдемақы төлемдерін ұзарту үшін қызмет алушы «Азаматтарға арналған үкімет» Мемлекеттік корпорациясынаоқу орнынан анықтаманың түпнұсқасын  ұсынады.

 

  1. Егер асыраушысынан айырылу жағдайына байланысты мемлекеттік әлеуметтік жәрдемақыны, «Мемлекеттік әлеуметтік сақтандыру қоры» АҚ асыраушысына айырылу жағдайына байланысты әлеуметтік төлемді алдында анасы алған жағдайда, бала өз атына аудара ала ма ?

 

Иә, асырауындағы бала 18 жасқа толған кезде, оған жалпы орта, техникалық және кәсіптік, орта білімнен кейінгі білім беру жүйесінде, жоғары және жоғары оқу орнынан кейінгі білім жүйесінде күндізгі оқу бөлімінде оқыған  және тағайындау үшін құжаттардың толық пакетін ұсынған жағдайда, жәрдемақы оған қайта ресімделуі мүмкін.

 

  1. Егер қызмет алушы оқу орнынан ұсынылатын анықтаманы 1 қыркүйекте ұсынатын болса, оған жәрдемақы төлемі қалай жаңартылады?

 

Жәрдемақы төлемі 01.09.2020ж. бастап жаңартылады (егер жоғары орнынан ұсынған алдындағы анықтама бойынша төлем  31.08.2020ж. дейін төленсе), үлескерлік төлемдерден басқа.

 

Дата публикации
30 ноября 2020