Қорғалжын ауданының әлеуметтік-экономикалық дамуы туралы
2022 жылдың қаңтар-қазан айларының АҚПАРАТЫ
Аудан халқының саны 2022 жылдың 1 - қазанға 7328 адам құрады, былтырғы жылдың осы мерзімімен салыстырғанда 98,4 % құрады (2021 ж.- 7 449 адам).
Ауданының өнеркәсіп өнімдері өндірісінің нақты көлем индексі 126,7% құрады (2021 ж- 78,4%).
"Астана Агропродукт" ЖШС өндірген өнім көлемі өсті. Жыл басынан 381 тонна ет өнімдері 619,0 млн.тенгеге өндірілді, немесе 2021 жылдың кезеңімен салыстырғанда 1,6 есе көп (2021 жылы - 399 млн.тенгеге, 234 тонна).
2.Ауылшаруашылық. 2022 жылдың қаңтар-қазан айларында ауыл, орман және балық шаруашылығы өнімдерінің (қызметтерінің) жалпы шығарылымы 16 688,3 млн тенгені құрады, өткен жылдың осы мерзімімен салыстырғанда 99,0 % құрады (2021 жылы 16 853,8 млн тенге).
Ауыл, орман және балық шаруашылығы өнімдерінің (қызметтерінің) жалпы шығарылымының нақты көлем индексі 79,7% құрады, 2021 жылы 87,2 % құрады.
Барлық шаруашылық санаттары бойынша тірі салмақпен 897,6 тонна ет өндірілген немесе былтырғы жылмен салыстырғанда 94,8 % құрады.
Көрсеткіштің төмендеуі "Элит Тұлпар" ЖШС есебінен, 2021 жылы кәсіпорынның өз қажеттіліктеріне 217 бас ірі қара мал басы немесе 75,9 тонна ет сатылды.
Сонымен қатар 7 888 тонна сүт өндірілді, өткен жылдың көрсеткішімен салыстырғанда 100,7 % құрады. Ал тауық жұмыртқалары 1 059,2 мың дана немесе 2021 жылға 102,4% құрады.
2022 жылдың қаңтар-қазан айларында аудан шаруашылықтарының барлық түрлері бойынша:
- 21 742 ірі қара мал, былтырғы жылдың сәйкес мерзімімен салыстырғанда – 100,3 % құрады, сонымен қатар 10 496 бас сиыр, немесе былтырғы жылдың сәйкес мерзімімен салыстырғанда 101,8 % құрады.
- 39 415 бас қой және ешкі, ол былтырғы жылмен салыстырғанда 108,1 % құрады;
- жылқы 16 453 бас, ол былтырғы жылмен салыстырғанда 106,1% құрады;
- шошқа 28 бас, ол былтырғы жылмен салыстырғанда 103,7% құрады.
- құс 23 471 бас, ол былтырғы жылмен салыстырғанда 100,0 % құрады;
3.Инвестициялар. 2022 жылдың қаңтар-қазан айларында 3 078,1 млн тенге көлемінде негізгі капиталға инвестициялар жұмсалды, бұл көрсеткіш 2021 жылмен салыстырғанда 75,0 % құрады (2021 жылы – 4059,1 млн тенге), негізгі капиталға инвестицияларды жұмсаудың нақты көлем индексі 69,1% құрады.
4.Құрылыс жұмыстары және оның ішінде тұрғын үй құрылысы. Құрылыс жұмыстарының көлемі 1 947,3 млн.теңге (2021 жылы 698,1 млн тенге), құрылыс жұмыстарының нақты көлем индексі 2,5 есе көп құрады.
2022 жылдың қаңтар-қазан айларында бөлшек сауда тауар айналымының көлемі 479,5 млн теңге құрады, немесе былтырғы жылдың осы мерзімімен салыстырғанда 172,5 % құрады.
ІІ. ӘЛЕУМЕТТІК САЛА
Әлеуметтік көрсеткіштер. 2022 жылдың қаңтар-қазан айларында жұмысқа орналасу мәселесі бойынша өтініш жасағандар саны – 270 адам, соның 167 адамы жұмысқа орналастырылды. Кезең соңына жұмыссыз адамдар саны 123.
Сонымен қатар 2022 жылдың 3 тоқсан қорытындысы бойынша орташа айлық жалақы көлемі 194 646 тенге құрады, немесе облыстың орташа айлық жалақысына 80,9 % құрады (облыстық көрсеткіш – 240 576 тенге). Өткен жылдың осы мерзімімен салыстырғанда орташа айлық жалақы 127,9 % құрайды. (2021 жылдың осы мерзімінде орташа айлық жалақы көлемі – 152 202 тенге құрады).
Білім беру. Ауданда 15 жалпы білім беретін мектеп (9 орта, 4 негізгі, 2 бастауыш), 2 қосымша білім беру ұйымы (балалар музыка мектебі, балалар шығармашылық үйі), 13 мектепке дейінгі мекеме (2 балабақша және 11 шағын орталық) жұмыс істейді. Аудан мектептері бойынша оқушылар контингенті 1 908 адамды құрайды, 216 бала мектепалды даярлықпен қамтылды.
11 шағын орталықта 266 бала, 2 мектепке дейінгі ұйымдарда 260 бала тәрбиеленуде. 1 жастан 6 жасқа дейінгі балаларды мектепке дейінгі тәрбиемен қамту 97,2%, 3 жастан 6 жасқа дейінгі балаларды 100% құрайды.
МБҰ анықтау үшін кезекте тұрған 0-ден 6 жасқа дейінгі балалардың үлесі жоғарыда көрсетілген жастағы балалардың жалпы санынан 7,4% (20 адам) құрайды.
Денсаулық сақтау. Медициналық ұйымдардың желісін ауысымына 60 адам қабылдайтын емханасы бар 50 төсектік аудандық аурухана, 1 дәрігерлік амбулатория, 1 фельдшерлік - акушерлік пункт, 15 медициналық пункт, амбулаториялық – емханалық көмек кезінде 20 төсектік стационар, 4 ауысымда бір жедел шұғыл жәрдем бригадасынан құралады.
Қоғамдық құқық тәртібі. Қорғалжын ауданы бойынша 2022 жылдың қаңтар-қазан айларында 25 қылмыстық құқық бұзушылық тіркелді немесе өткен жылдың сәйкес кезеңіне 64,0 % (2021 жылы 39 бірлік), оның ішінде ауыр, аса ауыр 9 қылмыс (2021 жылы 15 бірлік).